الى الساده ملاك الكورلا 2008

**limo** · 15-02-2008 03:13 PM

السلام عليكم ورحمه الله وبركاته
انا بأذن الله بفكر احجز كورولا 2008 جنوب افريقى 1.6 professinal مالتى مود
بس انا الصراحه متردد جدا علشان العربيه لسه جديده وتعتبر لسه بتجرب
فكنت عايز اسأل حضراتكم شويه اسئله
1- اولا ايه رايكم فى العربيه عموما ؟
2-هل فيه عيوب تقفيل ظهرت فى العربيه حتى لو كانت بسيطه ؟
3 وده اهم سؤال بالنسبه لى عايز اعرف معدل استهلاك البنزين للماتى مود داخل وخارج المدينه ؟
شكرا لكم جميعا

**crazylambada** · 15-02-2008 03:21 PM

نصيحة مني
انا عندي اوكتافيا A5
و ركبت تويوتا كورولا الجديدة
صالونها اصغر من الاوكتافيا شنطتها اصغر
و كمان التابلوه بتاعها مش حلو زي الاوكتافيا
و كمان انا سالت عرفت ان الجنوب الافريقي الدهان بتاعه مش بنفس قوة الخليجي
و اعتقد انها بتسحب بنزين اكتر من الاوكتافيا مش متاكد
لان الكورولا 140 حصان على ما اعتقد
في حين الاوكتافيا 103 حصان
بس على فكرة موتور الاوكتافيا جامد جدا
و انا شديت مع لانسر الجديدة على فكرة
علشان متقولش ان موتور الاوكتافيا تعبان
نصيحتي ليك تجيب الاوكتافيا و شوفها في المعارض
الاوكتافيا A5 بتبدي من 152 الف جنيه
و الاختيار في الاول و في الاخر ليك

**makram555** · 15-02-2008 03:39 PM

انا استلمت كورولا 1600 prof والسياره جميله وفخمه جدا وتقفيلها رائع ولايوجد ادني عيب في التقفيل واستهلاكها في الوقود مثالى والفتيس الmmt ده قصه تاني في الفخامه فهو يجمع بين المانيول والاوتومتيك والاوتوماتيك سبورت لهواة التسارع يكفي اسم تويوتا العريق وتوكليها المحترم

**أبو عبدالله** · 15-02-2008 04:15 PM

العربيه بدأت تبقى في الشارع وبصراحه انا شايفها كويسه جدا خصوصا الاوبشن الجامد بالسعر ده

اما مشألة انها بتستهلك بنزين اكتر من الاوكتافيا
فأظن ان ده شئ ابعد من الخيال لعدة اسباب
اولا ان اليابانيين بيعملوا على تقليل استهلاك البنزين في سياراتهم الجديده كلها فضلا عن انهم هم فعليا دائما اقل استهلاك بنزين في عالم السيارات كله دائما

وماتور الاوكتافيا ماتور قديم بتاع الباسات والماني فمش محتاج كلام متهيألي

**crazylambada** · 15-02-2008 04:19 PM

يعني استهلاك الكورولا اقل من الاوكتافيا
ثانيا هل معنى كلام حضرتك ان موتور الاوكتافيا مش كويس

**أبو عبدالله** · 15-02-2008 05:23 PM

المشاركة الأصلية كتبت بواسطة crazylambada

يعني استهلاك الكورولا اقل من الاوكتافيا
ثانيا هل معنى كلام حضرتك ان موتور الاوكتافيا مش كويس

أنا أؤكدلك ان اغلب العربيات الياباني بتكون اقل استهلاك كثيرا من مثيلاتها وخصوصا الألماني اللي لسه بيعانو من ارتفاع درجة الأنبعاثات الضارة من سياراتهم لحد الان

ويعني ايه ماتور الأوكتافيا مش كويس

هو لما انا اقول ان العربيه 1 اقل استهلاك من العربيه 2 يبقى ده معناه ان 2 دي مش كويسه

مش كده خالص

انت حضرتك ذكرت ان الاوكتافيا اقل استهلاك في البنزين وانا بقول لحضرتك ان ده شئ مستبعد جدا من الياباني لأن اليابانيين اصلا لهم مبادئ ماشيين عليها مش بيغيروها واولها تقليل استهلاك الطاقة عموما والتلوث زي ما احنا كلنا عارفين

**limo** · 15-02-2008 08:58 PM

المشاركة الأصلية كتبت بواسطة makram555

انا استلمت كورولا 1600 prof والسياره جميله وفخمه جدا وتقفيلها رائع ولايوجد ادني عيب في التقفيل واستهلاكها في الوقود مثالى والفتيس الmmt ده قصه تاني في الفخامه فهو يجمع بين المانيول والاوتومتيك والاوتوماتيك سبورت لهواة التسارع يكفي اسم تويوتا العريق وتوكليها المحترم

شكرا اوى يا مكرم على اهتمامك
بس انا كنت عايز اعرف هيه بتعمل كام بالضبط فى الصفيحه ؟
هل الشنطه الخلفيه بتفتح بالريموت زى الخليجى ؟

**limo** · 15-02-2008 09:06 PM

المشاركة الأصلية كتبت بواسطة crazylambada

نصيحة مني
انا عندي اوكتافيا A5
و ركبت تويوتا كورولا الجديدة
صالونها اصغر من الاوكتافيا شنطتها اصغر
و كمان التابلوه بتاعها مش حلو زي الاوكتافيا
و كمان انا سالت عرفت ان الجنوب الافريقي الدهان بتاعه مش بنفس قوة الخليجي
و اعتقد انها بتسحب بنزين اكتر من الاوكتافيا مش متاكد
لان الكورولا 140 حصان على ما اعتقد
في حين الاوكتافيا 103 حصان
بس على فكرة موتور الاوكتافيا جامد جدا
و انا شديت مع لانسر الجديدة على فكرة
علشان متقولش ان موتور الاوكتافيا تعبان
نصيحتي ليك تجيب الاوكتافيا و شوفها في المعارض
الاوكتافيا A5 بتبدي من 152 الف جنيه
و الاختيار في الاول و في الاخر ليك

شكرا اوى يا باشا على اهتمامك
152 ومانوال كتير عليا اوى انا يادوبك لسه مكملتش ثمن الكورلا
طبعا محدش يقدر يقول ان متور الاوكتافيا وحش بس مواتير الكورولا مدرسه ومواتير الاوكتافيا مدرسه تانيه خالص

**hero** · 15-02-2008 09:22 PM

الكورولا الجديدة....موتورها 124 حصان ومش 140 حصان....
وموفر جدااا في استهلاك البنزين...ودة لانة مبني علي نفس تكنولوجيا الموتور القديم...علاوة علي التكنولوجيا الجديدة وايلي بتتطبق لاول مرة....Dual Variable Valve Timing intelligent
ودي زودوا فيها التحكم الالكتروني علي فالفات الخرج زي ما هو كان معمول علي فالفات الدخل...يعني الصبابات كلها الوقتي شغالة بالكهرباء وتحكم الكتروني علي حسب سرعه العربية ....علشان يوفر البنزين علي الاخر...

توقعاتي (مش عارف تحديدا) بس الاستهلاك مش هايقل جوة البلد مع التكييف عن 11 كم / لتر ويمكن يبقي اكتر