انهارده وانا رايح الشغل وأنا ماشي بالعربيه فصلت مره واحده بدون أي مقدمات وأجي أدور تيديني صوت المارش بس مبتدورش قمت راكنهه وقضيتهه مواصلات .... ده عيب ايه بأه
عرض للطباعة
انهارده وانا رايح الشغل وأنا ماشي بالعربيه فصلت مره واحده بدون أي مقدمات وأجي أدور تيديني صوت المارش بس مبتدورش قمت راكنهه وقضيتهه مواصلات .... ده عيب ايه بأه
متأكد ان فيها بنزين؟
:colsmil:
وشوف سير الكاتينا و متحولش تدور تانى الا لما تتأكد ان السير سليم
الموضوع ده حصل معايا مرة و طلع البوابة بتاعة الكاربراتير معلقة والميكانيكى رجعها مكانها و اخد5 جنيه
العربيه مفولها أول إمبارح
على العموم هشوف اللي قولتولي عليه
اول حاجة اتاكد من ان سير الكتينة سليم دة اهم حاجة
بعد كدة بص على فلتر البنزين شوفة مليان بنزين ولا لاء (علشان نتاكد ان البنزين واصل للموتور) لو مكنش مليان هتتابع خرطوم البنزين من اول العوامة بتاعت البنزين لغاية الكربيراتير وتشوفة مفكوك من اى حتة او مثلا مسرب (عوامة البنزين موجودة فى الشنطة ورا هتشيل الحاجة اللى فى الشنطة وتشيل الفرش بتعاها هتلاقيى غطاء فيبر اسود صغير شيلة هتلاقى تحتة العوامة)
بعد كدة هتفك السلك اللى خارج من الموبينة رايح للاسبيراتير (علشان نتاكد من وجود الكهرباء) هتخلعة من الاسبيراتير وهتمسكة من العازل بتاعة وتيجى على اى حتة معدن فى جسم الموتور وتقربها منة سيب بينهم مسافة حوالى نصف سنتى وخلى حد يدور العربية ثانيتين كدة لو لقيت شرارة حصلت يبقى كدة الكهرباء تمام
لو ملقيتش شرارة يبقة هنا فى مشكلة ممكن تكون فى الابلاتين او الكوندنسر او الموبينة او السلوك اللى موصلة الكهرباء للموبينة
وممكن كمان تكون فى مشكلة فى الكونتاك
جرب كدة وربنا معاك
دى معظم الاعطال اللى بتكون فى العربية
ربنا يبارك فيك وجاري التجربه
ربنا يكرمك
وابقى طمنى طلعت اية المشكلة
الله يا خليك
العفو يا باشا
الحمد لله مبعانيش كتير
بس ولله الحمد كل مشاكل ال128 عرفتها من كتر مبلعب فيها واشتغلت فيها بايدى
(العربية بتعتى لسة قلة باصلها معايا العوامة بتاعت البنزين بتغش ومبتديش قراية صح وقطعت بيا بنزين
يلا الحمد لله)