الموضوع: طلب مساعده : العربيه فصلت

المشاركة الأصلية كتبت بواسطة Eng_Mostafa_89

اول حاجة اتاكد من ان سير الكتينة سليم دة اهم حاجة

بعد كدة بص على فلتر البنزين شوفة مليان بنزين ولا لاء (علشان نتاكد ان البنزين واصل للموتور) لو مكنش مليان هتتابع خرطوم البنزين من اول العوامة بتاعت البنزين لغاية الكربيراتير وتشوفة مفكوك من اى حتة او مثلا مسرب (عوامة البنزين موجودة فى الشنطة ورا هتشيل الحاجة اللى فى الشنطة وتشيل الفرش بتعاها هتلاقيى غطاء فيبر اسود صغير شيلة هتلاقى تحتة العوامة)

بعد كدة هتفك السلك اللى خارج من الموبينة رايح للاسبيراتير (علشان نتاكد من وجود الكهرباء) هتخلعة من الاسبيراتير وهتمسكة من العازل بتاعة وتيجى على اى حتة معدن فى جسم الموتور وتقربها منة سيب بينهم مسافة حوالى نصف سنتى وخلى حد يدور العربية ثانيتين كدة لو لقيت شرارة حصلت يبقى كدة الكهرباء تمام
لو ملقيتش شرارة يبقة هنا فى مشكلة ممكن تكون فى الابلاتين او الكوندنسر او الموبينة او السلوك اللى موصلة الكهرباء للموبينة

وممكن كمان تكون فى مشكلة فى الكونتاك

جرب كدة وربنا معاك
دى معظم الاعطال اللى بتكون فى العربية

شكرا بارك الله فيك

شكلك بتعاني من زمان

المشاركة الأصلية كتبت بواسطة cyborg_ift

ربنا يبارك فيك وجاري التجربه

ربنا يكرمك
وابقى طمنى طلعت اية المشكلة

المشاركة الأصلية كتبت بواسطة ahmedfouad

أستاذ.......

الله يا خليك

المشاركة الأصلية كتبت بواسطة powerofhelll

شكرا بارك الله فيك

شكلك بتعاني من زمان

العفو يا باشا
الحمد لله مبعانيش كتير
بس ولله الحمد كل مشاكل ال128 عرفتها من كتر مبلعب فيها واشتغلت فيها بايدى

(العربية بتعتى لسة قلة باصلها معايا العوامة بتاعت البنزين بتغش ومبتديش قراية صح وقطعت بيا بنزين
يلا الحمد لله)