الموضوع: غسيل موتور اللوجان

وفعلاااااااااااا ده الصح لانها بتتعمل في التوكيل كده

المشاركة الأصلية كتبت بواسطة ahmadmidop

وفعلاااااااااااا ده الصح لانها بتتعمل في التوكيل كده

انهى توكيل ؟

فى صيانة الـ 5 ، قلت هيغسلوا العربية والموتور .. بس جات أوت ..
قلت يبقى أكيد بيعملوها فى العشرات ..
النهارده كنت فى صيانة الـ 10 ، خلصوا ، وسلمونى العربية بترابها
أنا : ايه يا باشمهندس ، انتوا ما غسلتوهاش ؟؟
الباشمهندس : أنت ما طلبتش
أنا : ليه ، هى الغسيل بتاخدوا عليه فلوس ؟؟
الباشمهندس : لأ ، مجانى ..
أنا : طب ، ده اسمه كلام؟ يبقى مستنى أطلب ليه ؟؟
الباشمهندس : تحب نغسلها لك ..
أنا : لأ ، عايز أروح.

فدلوقتى بقى ، أنا عايز أشوف الموضوع ده بره التوكيل عشان العنكبوت قرب يطلع فى حوض الموتور اللى ما اتغسلش من ساعة ما جبت العربية من 8 شهور.
هل يكفى موضوع النفخ بالهواء المضغوط
واللا أشوف حد يعمل حوار الفوم ؟
وبعدين فيه ناس قالوا علشان تاخد أحسن آداء من التكييف المفروض السربنتينة بتاعته تتغسل من التراب كل فترة ، فمين ممكن يعمل الموضوع ده؟


وعلى فكرة النهارده كان توكيل المقطم زحمة جداً ، قعدت فى طابور تسليم العربية ساعة وكان قدامى ييجى حاجة وعشرين عربية ..
شكلى هاحول على العبور فى الصيانات القادمة.

ونصيحة للى هايعمل صيانة فى المقطم اليومين دول .. شوفوا لكم طريق غير (طريق مجرى العيون - صلاح سالم - كوبرى السيدة عائشة) ، علشان الكوبرى مقفول فى الفردة بتاعتنا (الناحية التانية مفتوحة) وأنا اتنفخت النهارده بمعنى كلمة اتنفخت ، طالع من بيتنا 7 صباحاً والمفروض أوصل الساعة 9 ، كنت فى مجرى العيون الساعة 8.5 ، والخنقة بدأت ، وماوصلتش التوكيل غير الساعة 10.5 .. تخيلوا ؟؟
ووقفت فى طابور تسليم العربيات ساعة كمان ..
يعنى عامل حسابى وأنا طالع من بيتنا أخلص على الساعة 12 ، ما سلمتش العربية غير الساعة 12 ..

المشاركة الأصلية كتبت بواسطة egyzizo

فى صيانة الـ 5 ، قلت هيغسلوا العربية والموتور .. بس جات أوت ..
قلت يبقى أكيد بيعملوها فى العشرات ..
النهارده كنت فى صيانة الـ 10 ، خلصوا ، وسلمونى العربية بترابها
أنا : ايه يا باشمهندس ، انتوا ما غسلتوهاش ؟؟
الباشمهندس : أنت ما طلبتش
أنا : ليه ، هى الغسيل بتاخدوا عليه فلوس ؟؟
الباشمهندس : لأ ، مجانى ..
أنا : طب ، ده اسمه كلام؟ يبقى مستنى أطلب ليه ؟؟
الباشمهندس : تحب نغسلها لك ..
أنا : لأ ، عايز أروح.

فدلوقتى بقى ، أنا عايز أشوف الموضوع ده بره التوكيل عشان العنكبوت قرب يطلع فى حوض الموتور اللى ما اتغسلش من ساعة ما جبت العربية من 8 شهور.
هل يكفى موضوع النفخ بالهواء المضغوط
واللا أشوف حد يعمل حوار الفوم ؟
وبعدين فيه ناس قالوا علشان تاخد أحسن آداء من التكييف المفروض السربنتينة بتاعته تتغسل من التراب كل فترة ، فمين ممكن يعمل الموضوع ده؟


وعلى فكرة النهارده كان توكيل المقطم زحمة جداً ، قعدت فى طابور تسليم العربية ساعة وكان قدامى ييجى حاجة وعشرين عربية ..
شكلى هاحول على العبور فى الصيانات القادمة.

يا باشا متقلقش روح اغسلها فى اي بنزينه نضيفه
وهما بيعرفو يتعاملو كويس .. ( عشان بياخدو فلوس )
فى التوكيل هيغسلوها عك عك وليس كله كويس
بيرش ميه ويسبها ثوانى تنشف ويقولك اخلع اخلع
عشان انا شوفت المغسله اللى فى توكيل العامريه كانت زي الزفت
واحد ماسك خرطوم وموقف العربيات جمب بعضها ورش رش رش
يرش شويه على العربيات وشويه على هدومه وشويه وهيستحمى وهو واقف
ما هو قاعد بيسقى الزرع مش بيغسل عربيات
ده انا بشوف فى البنزينه احدث عربيات يا راجل
بى ام دبليو وسكودا وفولكس ومرسيدس وكلها موديلات السنه
وبتغسل مواتير بالجاز والصابون والميه
وعادى جدآ

المشاركة الأصلية كتبت بواسطة Egyzizo

شكلى هاحول على العبور فى الصيانات القادمة.

أنا شكلى هاعمل كده برضة
أنا عملت صيانة ال 10,000 يوم الإثنين اللى فات (قبل حريق سوق التونسى بيوم) و كان معادى 8:30 ووصلت فى معادى بس لقيت طابور طويييييل وسلمت العربية على 9:15

المشاركة الأصلية كتبت بواسطة bishoy02010

انهى توكيل ؟

لا ده عندي في توكيل فيات

المشاركة الأصلية كتبت بواسطة Super_Star_h

يا باشا متقلقش روح اغسلها فى اي بنزينه نضيفه
وهما بيعرفو يتعاملو كويس .. ( عشان بياخدو فلوس )
فى التوكيل هيغسلوها عك عك وليس كله كويس
بيرش ميه ويسبها ثوانى تنشف ويقولك اخلع اخلع
عشان انا شوفت المغسله اللى فى توكيل العامريه كانت زي الزفت
واحد ماسك خرطوم وموقف العربيات جمب بعضها ورش رش رش
يرش شويه على العربيات وشويه على هدومه وشويه وهيستحمى وهو واقف
ما هو قاعد بيسقى الزرع مش بيغسل عربيات
ده انا بشوف فى البنزينه احدث عربيات يا راجل
بى ام دبليو وسكودا وفولكس ومرسيدس وكلها موديلات السنه
وبتغسل مواتير بالجاز والصابون والميه
وعادى جدآ

وهو كذلك ..