تعليق ليس في موقعه بالمرة
فعلا فى دول كتير زى امريكا وكندا
الناس بتشترى الليكزس والانفينيتى و بتكون بتمن المرسيدس
و العربيات الامريكانى والانجليزى لا تقل كجودة عن السيارات الالمانية
مافيش حاجة اسمها الاحسن دائما
الجيتا الجديدة:
http://i46.tinypic.com/315lehk.jpg
الكروز:
http://i47.tinypic.com/11sjxp0.jpg
كلام صح وياريت نبطل الكلمة بتاعت الألمانى هو التوب
الفيكترا الحديثة Made in Germany بالكامل ومع ذلك لم تحقق انتشاراً في مصر
الماني = متعه ف القياده
بس يا جماعة فعلا الشركات الالمانية هى التوب
يعنى مثلا اسرع عربية فالعالم البوجاتى عربية 1001 حصان اللى عاملاها شركة فولكس يعنى شركة المانية
مفيش لا يابانى ولا كورى ولا انجليزى وصل انه يعمل عربية 1001 حصان
ده غير ان المانيا بتصرف مليارات على ابحاث علمية عشان كل شوية تعمل طفرة فالتكنولوجى و بيهتمو بالتفاصيل جدا
الحمد لله معنديش العقده دي
و من وجهت نظري المتواضعه خلال 5 سنوات القادمه السيارات الاسيوي ستتفوق علي السيارات الاوربي في كل شي
احلى كلام بجد فعلا المفروض يبقه الكلام كده مش نبقى زى العرف المنتشر فى البلد من قديم الزمن
جيب يا خالد 127 انا قولتلك كدا من قبل وبلاش زيرو
و الله حرام الالمانى يتقارن بحاجه بجد يا جدعان ده ظلم
ليه بقى عشان وكيلها وحشششششششششش خالص
نجد باشا كلامه صح مشكله الاوبل فى مصر و عدم نجاح موديلاتها الجديدة هو منصور الوكيل اولا اسعار مبالغ فيها جدآ زى مثلا الكورسا 2010 سعرها يبدأ من 120 الاف تفتكروا بقى حتنتشر ازاى دى :_Alshmokh08[1]:
ألماني أيه بس ياجماعة ...... المشكلة لو السيارات الأمريكية منتشرة هنا في مصر زي الخليج ماحدش هايقول كلمة ألماني دي نهائيا .... ولو في حد هنا من الأعضاء عايش في الخليج أكيد هايفهم أنا قصدي أيه بدون توضيح ...ز لاكن المشكلة ماعندناش هنا في مصر غير الألماني عشان كده بنحكم عليه إن هو التوب لاكن للأسف نظرية فاشلة ..... أنا سوقت الكاديلاك والجمس اليوكون والدينالي والكابريس واللينكولن والهامر والكرايسلر 300m والدودج والكونكورد >>> بصراحة وحوش ماشية على الأرض >> ورفاهية بلا حدود وقوة محركات جبارة .... وكوالتي عالي جدا جدا جدا في الخامات والتقفيل.... ونسبة أمان عالية جدا جدا جدا بدليل إني من 3 شهور كنت في السعودية وسايق كابريس ss موديل 2008 وألي عايشين في الخليج أكيد عارفين يعني أيه كابريس ss ( صاروخ أرضي ) وكنت ماشي على سرعة 225 والعربية أكنها ماشيه على 80 أو 100 والعزل بتاعها جبار .... عارفين أيه ألي حصل دخلت بسرعتي في تر يلا على الطريق السريع باليل والسواق الغبي قطع عليا الطريق وكان طافي كل أنواره .. أنا طبعا مالحقتش حتى أفكر أعمل أيه وأنا على السرعة العالية دي .. ومالحقتش أتشاهد حتى ...لأن ده كله حصل في أقل من الثانية...طبعا أنا ألي حصلي مجرد كدمات سطحية وشرع بسيط في رجلي اليمين وشوية جروح في وشي مكان الأزاز ألي طار عليا من شدة الصدمة ألي كانت عاملة زي القمبلة والأكياس الهواء طبعا كان ليها دور رئيسي بعد ربنا سبحانه وتعالى والحمد لله ربنا طلعني منها بأقل الأضرار ... أما العربية فالصدمة وصلت لغاية نص الموتور تماما والموتور أتخلع من مكانة ودخل عالى الطبلون وخلعه من مكانه ... ومن بعد الحادثة دي وأنا بصراحة بضرب تعظيم سلام وبنحني لتحية السيارات الأمريكية القوية ...تعالو بقى لو الحادثة دي كانت بعربية ياباني أو كوري أو ألماني ... أنا بشوف حوادث جامدة للفئات دي العربية بتكون مقسومة نصين وكل نص في ناحية والعربية مترمية على الطريق كقطع غيار .. وليا تجارب كتير مع جميع أنواع السيارات وأنا بتكلم عن تجارب واقعية كتير حصلت قدامي ...
هنا في مصر كجمارك وقوانين بلطجة وأتوات وسرقة ونصب وقوانين ترخيص مالهاش لازمة وضرائي .. ألخ ألخ ألخ ... محكومين بفئة معينه من السيارات ذات السي سي القليل وأخرنا نشوف بي إم 318 أو 320 أو 520 أو 525 .. والفئة السابعة دي بظروفها والشبحات الجديدة برده بظروفها ... وأنا مش بختلف معاكوا أنا لما بكون هنا في مصر بقول الألماني وبس ... بس بقارنة بأيه بسيارات كرتونية مالهاش لازمة زي الياباني والكوري والخيبة ألي أسمها بريليانس الصيني ...أما لما بسافر بقول ألماني مين ياعم صباح الفل .... أما هل في عندنا سيارات أمريكية أو الوحوش ألي أنا ذكرتها عشان نقارنها بلألماني والأجابة طبعا لا مافيش ... يبقي مش قدامنا غير الألماني وأنا واحد من الناس حاطط صورة بي أم في توقيعي وعايش واقع بلدنا المر ألي فرض علينا هذه الفئات من السيارات .... وده طبعا غير الفروق السعرية المبالغ فيها بين أسعار السيارات هنا وفي دول الخليج وألي أحنا كلنا بنعاني منها وبنستغيث عشان نلاقي حل في دولتنا العظيمة egypt وحسبي الله ونعم الوكيل
No one can build cars like the Germans, so any debate is pointless.
أولا ألف حمدا لله على سلامتك
و انا عايش فى الكويت و عندى كابريس ltz اللى هلى 8 سلندر موديل 2004 (نفس موتور كابريس SS اللى انت سقتها)
و كان معايا قبلها مرسيدس زلمكة e200 موديل 1992
سقت عربيات كتير من كل شكل و لون و منها عربيات كتير من اللى انت سقتها
و بعد كل التجارب دى يا باشا و المقارنات الفظيعة اللى بتحصل طلعت بحاجة واحدة ...
ألا و هى
لو عجلة ألمانى برقبة أى عربية أمريكانى
الامريكانى مجرد موتور قوى بغباء على شاسيه سفينة ....
أما الالمانى هو ما يمكننا أن نطلق عليه ( سيارة ) بالفم المليان
مع احترامي الشديد ليك
مين اللي قال كده يا زعيم
انا عايش في الخليج و عارف كويس قيمة الامريكاني بحكم اني كنت بمتلكه كمان
و سقت الجمس و الكابريس و الكونكورد
من الاخر عربيات متوسطة الجودة مفيهمش الا متور و جير و مينفعوش الا علي الطرق المستقيمة غير كده متلقيش
و لو قلبك شديد و بتبحث عن مغامرة حاول تاخد ملف حاد باي عربية امريكاني بسرعة فوق ال 140
اما انتشارهم في الخليج فيعود الي اسعارعم المعقوله و قوة المواتير الغبية و الراااااحة اللي فيهم
لكن مفيش حد بيجبهم عشان الرفاهية او الجودة
بالنسبة للحادث اللي حضرتك تعرضت له
الف الحمد لله علي سلامتك
بس انت بتقول ان الحادث وصل للمتور اللي دخل علي الطبلون و عربيتك موديل 2008
ده المرسيدس موديل التمانينات المتور بينزل تحت العربية لما الحادثة بتوصل للمتور
فازاي بتقول ان الامريكي يتفوق علي الالماني في النقطة ده
خلاصة الكلام انت جبت ميزتين من اقوي ما يميز العربيات الالماني و هما الجودة و الامان و اللي هما في نفس الوقت من نقاط ضعف الامريكاني و هنا تبان وجهة نظري ان المقارنه بالالماني فيه ظلم للعربيات التانية
انا أمتلكت الأتى و أنا فى مصر
بى أم 320 مو 86
فيكترا 2000 سى سى مو 97
ميجان 1600 موديل 2005
أكسنت 1300 موديل 2006
أنا سقت الأتى ( بعض العربيات مش كلها )
لانسر من أول الكريستالة الى البومة
كراسيلر بى تى كروزر
مرسيدس c180 موديل 2005
مرسيدس glk 280 موديل 2009
فورد أكسبلورر 2010
فورد أيدج 2010
جى أم سى أكاديا 2010
نيسان باث فايندر 2010
هوندا يابلوت 2009
هامر h3 موديل 2007
دودج تشارجر 2007
دول اللى فاكرهم حالياً.........
الألمانى لا يعلى عليه...........فى كل حاجة
و الأمريكى كويس جداً برضه بس مش ماسك نفسه زى الألمانى.
اليابانى فيه حاجات ماسكة نفسها فى الفئات العالية بس برضه لا ترقى لمستوى الألمانى فى الثبات
و الناس هنا فى الخليج مش كلهم أغنياء زى ما معظمكم فاكر....يعنى فى بعض الناس السعوديين ميزانيتهم فى شراء السيارات محدودة شوية.....يعنى بيدور على حاجة تحت ال 100 ألف.....و مفيش المانى تقريباً بالسعر ده و بالتالى بيتجهوا للبدائل الأرخص نسبياً زى الأمريكى و اليابانى..........بعنى الموضوع مش موضوع أنهم متجهين له عشان هو أفضل بقدر ما هما متجهين له عشان هو أرخص و أكتر أعتمادية شوية و أرخص فى قطع الغيار بشوية كويسين فى معظم الأحوال....و طبعاً عشان التكييف الثلاجة بتاعه.
أنا كان معايا كورولا 2010 أيجار لمدة شهرين.....لونها ابيض....و بعض الناس هنا مسمينها التلاجة.....عشان اللون و التكييف الجبار اللى فيها.
اللى بيبقى عاوز يتميز هنا فى الأمارات بيفكر فى
لاند روفر سبورت
مرسيدس ( مش فاكر فئتها ايه ) بس هى 4*4 و عاملة زى الصندوق كده و أنتاج أمريكى مش ألمانى على فكرة
بنتلى بمختلف الموديلات
أنفينتى بمختلف الموديلات
لكزس بمختلف الموديلات
بورشات سواء كايين أو باناميرا أو غيره
بى أم أكس 5 و 6 و الفئة السابعة
أودى كيو 7 و 5
جاجواربنسبة قليلة جداً عشان أعادة البيع تقريباً ببلاش
كاديلاك بنسبة قليلة جداً برضه عشان أعادة البيع تقريباً ببلاش
انا مع كلام صاحب الموضوع بس برده ده ميقللش من قيمة الألماني في شيء......
يا جماعه انتم بتتكلموا كدا لييه ومحدش جاب سيرة البيجو مثلآ على الرغم ان الماركه دى منزلا شويه عربيات والله ادائها فوق الوهمى بس للاسف غاليه جدآ يمكن دا سبب عدم وجودها فى الشرق الاوسط ولا ستروين a6 و a8 حاجه تجنن
ايه يا عم احمد بيه والله يا اخى واحشنى اخيرآ سمعت صوتك اول ماجت سيرة الكبار ماشى ياعم برحتك علشان احنا مساكين وبنتكلم فى الموضيع الى على ادنا
المهم يا رب تكون بخيير وتكون رجعت بلسلامه علشان تلمنا فى مقابله زى زمان
الألمانى بيعبر عن دقة التصميم وقوة الأداء وهذا احلى مميزاتة
دة راى شخصى
لالالالالالالالالالالا
كله الا الالمانى فعلا
انا سوقت عربيات كورى فخمه كتير لكن بردو مش زى المرسيدس مثلا