غسيل وتشحيم

**Eng. Rafy Samy** · 17-06-2010 11:29 AM

صباح الخير يا شباب
كنت عاوز رأيكم وخبرتكم ونصيحتكم في موضوع غسل حوض الموتور وعسل الموتور وتشحيم الموتور.
1- فين افضل مكان محترفين في اسكندرية
2- ايه الممنوعات والاحتياطات
3- هل في مواد معينة تستخدم لغسل الموتور وتشحيمة - وهل هي متوفرة في البنزينة ولا لازم اشترها من برة
4- ما هي خطوات الغسيل والتشحيم بالترتيب
5- في حالة حصل اي حاجة غلط لاقدر الله ايه الخطوات المتبعة لتصحيحها وتفادي اي خسائر كبيرة

تقبلوا تحياتي وفائق احترامي

**eng.m7md.ali** · 17-06-2010 01:04 PM

متابـــــــــــــــــــــ ــــــــــــع

**afr80** · 17-06-2010 01:43 PM

السلام عليكم ورحمة الله وبركاته
شوف يا باشا على حد علمي ان العربيات الجديدة مبتتغسلش فى البنزينة بالطريقة العادية (الماء و الجاز) و ده بسبب و جود الحاساسات و الشرائح الإكترونية، علشان كدا بينضفوها بالهواء، بس انت ممكن تروح تسأل فى محطة esso اللى فى سموحة اما المركز الطبي، انا كنت شوفت عتدهم خدمة تنظيف كميائي و لمما سألت قالي ان تنظيف الموتور و تلميعه بـ50 جنيه، و انت ممكن تعدي و تسأل برده، مع تحياتيز

**tamermagdi** · 17-06-2010 02:03 PM

السلام عليكم ورحمة الله وبركاته
التشحيم يا باشا فى العربيات القديمة خالص الحديث مفيهوش تشحيم إلا لو انا غلطان. و التشحيم كان للعفشه مش للموتور

الغسيل بلاش ميه خالص فى العربيات الجديثة. زمان فى العربيات القديمة كانت المشكله فى الإسبراتير يجيله مايه وكان اخره معاك بتفكه وتنشفه ويرجع زى الفل. إنما دلوقتى لو الميه لمست اى جزء إليكترونى و الا إنت و الا الكهربائى هيعرف المشكله فين أصلاً وهتدخل نفسك فى متاهات.
إنت يا عم تنضف العربية بالهواء فى البنزينه أو لو عندك بلاور حلو وتلبس الشورت اللطيف وتحط عربيتك تحت البلكونه ومعاك كام قماشه وفرشه وتديها حملة نظافه بمزاج و تستمتع. وربنا يكفيك شر التراب ويكفيك شر حاجه تبوظ من الميه فى التنظيف :)

**Eng. Rafy Samy** · 17-06-2010 02:34 PM

المشاركة الأصلية كتبت بواسطة afr80

السلام عليكم ورحمة الله وبركاته
شوف يا باشا على حد علمي ان العربيات الجديدة مبتتغسلش فى البنزينة بالطريقة العادية (الماء و الجاز) و ده بسبب و جود الحاساسات و الشرائح الإكترونية، علشان كدا بينضفوها بالهواء، بس انت ممكن تروح تسأل فى محطة esso اللى فى سموحة اما المركز الطبي، انا كنت شوفت عتدهم خدمة تنظيف كميائي و لمما سألت قالي ان تنظيف الموتور و تلميعه بـ50 جنيه، و انت ممكن تعدي و تسأل برده، مع تحياتيز

أ/ afr80 الف شكر على ردك واهتمامك
بالنسبة للغسيل الكيماوي هل ليه اي اضرار على الخراطيم او البلاستيك ... بصراحة انا ساعات بقلق من الاختراعات المصرية الغريبة ... من كام يوم واحد جاري كان بيقولي انه غسل الموتور باصابون السائل فقط من غير مياه وبقى بيلمع وبينصحني اجربة.. طبعاُ انا مستحيل اعمل كده.. فكنت عاوز اعرف رأي الخبراء في الموضوع ده
على العموم انا حروح واسال واشوف ايه النظام في esso وربنا يسهل
تقبل تحياتي

المشاركة الأصلية كتبت بواسطة tamermagdi

السلام عليكم ورحمة الله وبركاته
التشحيم يا باشا فى العربيات القديمة خالص الحديث مفيهوش تشحيم إلا لو انا غلطان. و التشحيم كان للعفشه مش للموتور

الغسيل بلاش ميه خالص فى العربيات الجديثة. زمان فى العربيات القديمة كانت المشكله فى الإسبراتير يجيله مايه وكان اخره معاك بتفكه وتنشفه ويرجع زى الفل. إنما دلوقتى لو الميه لمست اى جزء إليكترونى و الا إنت و الا الكهربائى هيعرف المشكله فين أصلاً وهتدخل نفسك فى متاهات.
إنت يا عم تنضف العربية بالهواء فى البنزينه أو لو عندك بلاور حلو وتلبس الشورت اللطيف وتحط عربيتك تحت البلكونه ومعاك كام قماشه وفرشه وتديها حملة نظافه بمزاج و تستمتع. وربنا يكفيك شر التراب ويكفيك شر حاجه تبوظ من الميه فى التنظيف :)

سيبك انت اهم حاجة الشورت اللطيييف ...

على فكرة انا فعلاً بعمل كده - اضرب الشورت وازازة بيبسي دايت - والمكنسية بالكهرباء - ومنظف المفروشات - وملمع الطابلوه - وجيركن مياه علشان الدواسات - وجلانس علشان الزجاج من جوة وانزل على العربية كأني بحميها لحد لما بتبرق ولا كأنها جديدة وبلاقي 70% من الجيران بيتفرجوا عليا من البلاكونات

بس انا عاوز انظف الحوض والموتور كمان لاني من يوم ما اشتريتها وانا عمري ما جيت جمب المنطقة دي - عاوز اقولك ان شحم المصنع لسه موجود في حوض الموتور.. وانت عارف المثل اللي بيقول " من برة هلا هالا ومن جوة........."

تقبل تحياتي

**tamermagdi** · 17-06-2010 02:52 PM

المشاركة الأصلية كتبت بواسطة eng. Rafy samy

وبلاقي 70% من الجيران بيتفرجوا عليا من البلاكونات :y_hi_3[1]:

دول بيحسدوك والله
فيه بيت شعر للإمام الشافعى بيقول " ما حك جلدك مثل ظفرك فتول أنت جميع أمرك"
:)

**mo7hamedemad** · 17-06-2010 03:03 PM

انا شايف ان غسيل الماتور يفضل يكون كل 10000 ك ويكون الغسيل فى التوكيل
ولو انت عايز تغسل برة كان فى مغسلة عارض علية استاذ كريم منير فى
شباب مجتهد يا ريت نساعدهم في مشرعهم غسيل سيارت
وبالتوفيق

**powerofhelll** · 17-06-2010 04:00 PM

في الفوم بتاع الموتور
جيبه و شورت حلو و عيش حياتك بلاش ماء خالص

**tamermagdi** · 17-06-2010 05:30 PM

المشاركة الأصلية كتبت بواسطة powerofhelll

في الفوم بتاع الموتور
جيبه و شورت حلو و عيش حياتك بلاش ماء خالص

أيه الفوم بتاع الموتور ده و بيتجاب منين؟

**Egypt200x** · 17-06-2010 05:45 PM

المشاركة الأصلية كتبت بواسطة eng. Rafy samy

أ/ afr80 الف شكر على ردك واهتمامك
بالنسبة للغسيل الكيماوي هل ليه اي اضرار على الخراطيم او البلاستيك ... بصراحة انا ساعات بقلق من الاختراعات المصرية الغريبة ... من كام يوم واحد جاري كان بيقولي انه غسل الموتور باصابون السائل فقط من غير مياه وبقى بيلمع وبينصحني اجربة.. طبعاُ انا مستحيل اعمل كده.. فكنت عاوز اعرف رأي الخبراء في الموضوع ده
على العموم انا حروح واسال واشوف ايه النظام في esso وربنا يسهل
تقبل تحياتي

سيبك انت اهم حاجة الشورت اللطيييف ... :m_yes[1]:
على فكرة انا فعلاً بعمل كده - اضرب الشورت وازازة بيبسي دايت - والمكنسية بالكهرباء - ومنظف المفروشات - وملمع الطابلوه - وجيركن مياه علشان الدواسات - وجلانس علشان الزجاج من جوة وانزل على العربية كأني بحميها لحد لما بتبرق ولا كأنها جديدة وبلاقي 70% من الجيران بيتفرجوا عليا من البلاكونات :y_hi_3[1]:
بس انا عاوز انظف الحوض والموتور كمان لاني من يوم ما اشتريتها وانا عمري ما جيت جمب المنطقة دي - عاوز اقولك ان شحم المصنع لسه موجود في حوض الموتور.. وانت عارف المثل اللي بيقول " من برة هلا هالا ومن جوة........." :u_thin1[1]:

تقبل تحياتي

موضوع جميل قوي وألف شكر على المعلومات الحلوه دي

الموضوع: غسيل وتشحيم

LinkBack

أدوات الموضوع

عرض

غسيل وتشحيم - انشر الموضوع فى :

-

-

-

-

-

المواضيع المتشابهه

غسيل السيارة

غسيل السيارة

غسيل الريادتير

هل يجوز شد العفشه وتشحيم العربيه

فوم غسيل الموتور

الكلمات الدلالية لهذا الموضوع

المفضلات

المفضلات

ضوابط المشاركة