-
لانسر مكواه 2002
السلام عليكم ورحمة الله وبركاتة...
على احلى قسم فى المنتدى كله...
كنت عايز استفسر على شوية حاجات فى لانسر 2002 لانى معروض عليا واحدو وعايز اعرف تعمل كام....
بسم الله الرحمن الرحيم
اولا:
الموديل 2002 قبريكة دواخل رشة خوارج نظافة..
1300 مانيوال..
العداد 270000 ك م ودى اكتر حاجة مديقانى...
العربية من جوة مشاء الله نضيفة جداااا
العربية محتاجة كوبلنين (هل فعلا مش بيتباع الكبالن بتاعتها اصلى غير فى التوكيل وان اللى فى السوق كلة يا صينى ب150 يا استيراد ب450؟)...
كواتشات مش بطاله وجنوط صينى مقاس 14...
اية بقى اضرار انها تكون عاملة 270 الف كيلو يعنى اية اللى اخد بالى منه مثلا لانها الصراحة متحسش انها ماشية كدة خالص وبالذات لما تقعد فيها من جوة نضيفة وكلها ابانوس جتى عند عصاية الفتيس ومفاتيح الزجاج الكهربائى...
طبعا بقى باقى الكمايات اللى حضرتكو عارفنها:
زجاج كهرباء و باور وسنتر ومفتاح ريموت وتكيف ومرايات كهرباء ووحدات رفع واسبويلر...
كنت عايز اعرف تعمل كام عشان مخسرش فيها لو حبيت ابيعها لانى كان معايا سينا وخسرت فيها كتير اوى مع ان حالتها كانت فوق الممتازة...
وهل فعلا العربية دى تقفيل يابانى ولا الموصفات اللى قلت عليها وابانوس والجو دة ممكن تبيقى خليجى؟؟؟
اسف على الاطالة وارجو المساعدة والنصايح واية اللى اخد بالى منه واية اللى ابص علية بالنسبة للحالة المعروضة؟؟؟
والف شكر يا رجالة
-
بص ياباشا 270 الف طبعا كتير بس مش شرط العربيه تبقى مبتهدله
ييعني ممكن تكون بتسافر كتير وتلاقي العربيه ماشيه كتير بس حالتها حلوه
بس طبعا بتبقى نسبه ان الموتور تحصل فيه مشاكل اعلى يعني عمره الافتراضي اقل
بس طبعا حضرتك اكشف عليها كويس يعني شوف كبس الموتور مثلا شوف لو فيه دخان بيطلع من الشكمان مثلا
ولو ربنا كرمك بها طبعا تعملها سرفيس كامل سيور وزيوت ومايه ردياتير وزيت فرامل وفتيس
غالبا الابانوس ده لو اصلي نازل في العربيه المكوه بتكون خليجي بس تقفيل ياباني يعني تقفيل ياباناي مواصفات خليجي
اما بقه لو صاحب العربيه مركبه دي حاجه تانيه
بالنسبه للكبالن انا مقدرش افيدك بصراحه غير في حاجه وحده بس وهي ابعد خاااااااااااالص عن الكبالن الصيني دي
صحبي غيرهم في اوبترا واسترخص برده 3 شهور بالظبط ورجعت الكبالن تطقطق تاني
خليك في الاستيراد لو لو هتقدر هاته جديد من التوكيل
وربنا يكرمك ان شاء الله
-
الف الف شكر ليك يا غالى على ردك ومساعدتك ليا ...
هو بيقولى ان كبس الموتو 85% ودى على ما اعتقد جلوة جدا على موتور عامل كدا...
الحقيقة انها ابونوس من جوة ومقابض نيكل برة بس المقابض من جوة بلاستيك عادى مش نيكل زى باقى العربيات اللى بتبقى كدة مش عارف هى غريبة شوية..
بس بردو عايز حد يفيدنى فى السعر اللى يكون من الاخر عشان مخسرش فية وعشان هيا هيتصرف عليها لسة فى حدود 1500 كبالن وسيور وزيوت والله اعلم اية تانى؟؟
بس كدة فارجو الساعدة والف شكر للمساعدة يا غالى....
-
انا معايا لانسر مكوة 2001 ابانوس تابلوه وكونسول الفتيس بس. اعتقد ان عصاية الفتيس ده والازاز الخلفي ده متركبة مش بتاعتها لانها مشوفتهاش خاااااااااااالص في اي لانسر عموما هي حاجة مش جوهرية تخوف يعني . وحكاية ال 270 الف انا حاسسهم كتير بس برده لو بيتعملها سرفيس صح وفي مواعيدها يبقي مفيش خوف. انا علي مااعتقد والله اعلي واعلم ان العربية ده اخرها اخرها ممكن تبقي 58 او 59 لان فعلا العداد الكتير بيقلل سعر شوية. هو طالب فيها كام؟؟؟؟؟؟؟؟؟؟
-
هو طالب فيها 60 ولما ضغطت علية ممكن 59 بس انا عايز اعرف هيا كدة فعلا حلو ولا كتير على العداد بتاعها؟
ولو مش كدة اية السعر اللى منكنش خسران فية؟
-
لازم تكشف عليها فى التوكيل وتتاكد انها مش لاحمة نص او ربع دة المهم اما موضوع الكبالم فلو اشترتهم اصلى هيعيشوا معاك سنين لو كنت بتلف براحة يعنى عادى من غير قرص يعنى طبيعى قصدى اقولك السواقة العادية خالص فى الملفات وانت ممور اما قصة الموتور فاالموتور استعمال خارج 1600 بحالة ممتازة م2000 الى3000 بشرط ترك القديم ودة مش هتحتاجة دلوقتى لان كبس موتورك 85/ يعنى لسة سنين المهم يكون جسمها سليم وممكن تتواصل مع اى زميل فى المنتدى عندة مكوة وتسالة الكوبلن اصلى برة التوكيل بكام ومنين وهو هيقولك وعلى فكرة 450 مش كتير الهيونداى الجيتز كوبلنها 2600 غير الضريبة فى التوكيل ومفيش برة التوكيل ولا حتى استيراد والدايهاتسو برضة نار ال450 معقولين جدا ولو سمحت راجع قسم تعديل السيارات فى المنتدى تعديل الكرستالة والمكوة عشان تتاكد ان موضوع الموتور فى المستقبل مش مقلق وربنا معاك
-
الف شكر يا رجاله بس السعر برضو محدش افادنى فية؟؟؟
-
تاكد الاو ل من حالها لتكون عاكله حادثه و مشدوده و كده
و بعدين السعر
لو مفيش فيها حاجه ان شاء الله
59 58 حللو
-
الف شكر على المساعدة يا رجالة انا مكنتش متصور انى فى الوقت القليل دة هجمع المعلومات دى ودة بسسب مساعدتكم...
انا فى انتظار باقى الاعضاء اللى معاهم السيارة واللى ليهم خبرة يدلونى على الصح والسعر المناسب والف شكر ليكم...
السلام عليكم ورحمة الله...
-
يا باشا الكوبلن طول عمرة مايوقف بيع عربية المهم اساسيات العربية
اكشف كويس علي العربية ورواح عند واحد ميكانيكي تمام يكشف علي الماتور كويس علشان 270000 كتييييييييييييييررررررر قوي دنا العربية بتاعتي مكواة 2003 وعامل بيها 152000
قطع غيار المكواة غالية شوية بس معمرة
بالنسبة للكوبلن ممكن تخصم سعرة من تمن العربية
السغر لو العربية سليمة وعلي الحالة اللي حضرتك بتقول عليها تعمل من 58000 الي 59000
وانا تحت امرك في اي استفسار
Content Relevant URLs by
vBSEO 3.6.0 PL2