بص ياباشا 270 الف طبعا كتير بس مش شرط العربيه تبقى مبتهدله
ييعني ممكن تكون بتسافر كتير وتلاقي العربيه ماشيه كتير بس حالتها حلوه
بس طبعا بتبقى نسبه ان الموتور تحصل فيه مشاكل اعلى يعني عمره الافتراضي اقل
بس طبعا حضرتك اكشف عليها كويس يعني شوف كبس الموتور مثلا شوف لو فيه دخان بيطلع من الشكمان مثلا
ولو ربنا كرمك بها طبعا تعملها سرفيس كامل سيور وزيوت ومايه ردياتير وزيت فرامل وفتيس
غالبا الابانوس ده لو اصلي نازل في العربيه المكوه بتكون خليجي بس تقفيل ياباني يعني تقفيل ياباناي مواصفات خليجي
اما بقه لو صاحب العربيه مركبه دي حاجه تانيه
بالنسبه للكبالن انا مقدرش افيدك بصراحه غير في حاجه وحده بس وهي ابعد خاااااااااااالص عن الكبالن الصيني دي
صحبي غيرهم في اوبترا واسترخص برده 3 شهور بالظبط ورجعت الكبالن تطقطق تاني
خليك في الاستيراد لو لو هتقدر هاته جديد من التوكيل
وربنا يكرمك ان شاء الله
المفضلات