انت اكيد مواليد التمانينات
انت اكيد مواليد التمانينات
اكيد بحب التغيير بس التغيير من ناحيه ايه
اوعي ياياقوت تزعل امك وابوك منك دول غضبهم من غضب ربنا انا عارف انهم مش فاهمينك وبيقيدوك طول الوقت بس ده لمصلحتك من وجهه نظرهم ومش هتعرف تغير النظره دي غير لما تستقل بحياتك وتشوف هما فرحانين بيك قد ايه
للعلم انا كنت زيك كده بس الحمد لله لما كبرت لقيت قد ايه كنت غلطان
ههههههههههههههه اكيد
التغيير في مواقف الحياهاقتباس:
اكيد بحب التغيير بس التغيير من ناحيه ايه
يعني مثلا ليه متعتبرش الحالة الجديدة اللي هي أخواتك مدايقينك بأنها تجربة جديدة وجربها و أدخل التجربة من البداية بحيث تخرج منها بأقل خساير
يعني مثلا انت عرفت أخواتك خدوا فلوس منك تقوم مدور الحكاية في دماغك وتحاول تعرفلها سكة .... زي أنك مش عايز والدتك تزعل وعشان كدة مش هتدايق أخواتك .... يبقي من الأول متحسش بالزعل عشان الي حد ما بتبقي عارف النهاية
من الأخر توقع الأسوأ
عايز أقولك علي حاجة
انا معتبر الدنيا ده مدينة ملاهي كبيرة جدا وكل تجربة منها بلعبة شكل
شوف مثلا وانت داخل الملاهي من برة بتلاقي لعب كتيييير و أول ما بتدخل وتقرب من لعبة معينة وحسيتها مخيفة ( في ناس تسيبها وناس بتقول لازم أجرب )
انا عن نفسي لازم أجرب
في الحياة : لو في مصيبة عندي لا قدر الله ... ببقي فرحان ( والله ده اللي بيحصل ) وبفضل أتابع معاها و أتفرج أزاي ربنا بيمشيها وده بتبقي قمة سعادتي
أدخل أي حاجة وسيبها علي ربنا و أبتسم و أعمل كل حاجة كتجربة أو لعبة أو مسابقة أو أي حاجة بتحبها
و أوعي تهرب منها
واجه دايما الدنيا
ومتزعلش بقي وعيش حياتك
مفيش حاجة في الدنيا تستاهل الواحد يزعل
لسة زعلان ؟ :)
السلام عليكم اولا ب
ثانيا بالرغم من ان موضوعك حرق دمي واضايقتللك
الدنيا دي مدرسة والشاطر اللي يتعلم من الدرس
اوعي تثق في حد بقولهاللك للمرة الثالثة
انا مكانتي وسط اخواتي كنت الوسط ومكبر دماغي وطيب
لكن لما لقيت نفسي اني ماليش لازمة قررت اني اجيب اشتغل لنفسي واحوش مع نفسي وماحدش ليه دعوة بيه
بالعربي عايش لنفسي بس مافيش حاجه اسمها خاطر
وعشت علي المدة دي 3 سنوات وكنت بشتغل شغل من 10 الصبح لحد 10 باليل
ومن ساعتها وانا مستريح واللي يحاول يدوسلي علي طرف بدمره وصوتي بيعلي
عايشين اخوات وبس لكن ماحدش ليه دعوة لا بمراتي ولا ابني ولا عربيتي ولا شغلي ولا شقتي
لكن في رمضان بنجمع عادي ونهزر عادي والدنيا زبادي في الخلاط
وعلي فكرة انا من مواليد 82
اخوك الصغير ( ابو عبد الله )
انا بقا بعد وفاه والدى حصل العكس
لقيتنى واقف انا واخواتى فى جبهه ضد عيله والدى الله يرحمه
انت موضوعك نفسيا اصعب لكن اسهل من انك تقف ضد ناس انت عامل اعتبارات كتيره هما فاكرنها ضعف
انا واخواتى ووالدتى تقريبا عايشين مع بعض يوميا تليفونات ومتجمعين دايما اغلب الايام مع بعض لدرجه انى لما باخرج العربيه اللى واقفه باخدها وبامشى بفضل الله فى 3 عربيات عربيتى وعربيه موروثه عن والدى وعربيه اخويا عاوز اقولك ان الدنيا سايحه على بعضها مافيش حاجه اسمها دى بتاعتى ودى بتاعت اخويا بس اللى عمل الموضوع ده بصراحه هو والدى لانه كان مظلوم وسط اخواته واهله رغم انه الكبير فكان كل همه هو ترابطنا ببعضنا
فانت كمان انسى اللى فات وربى اولادك على الترابط وخبى عنهم حقيقه اخواتك وسيبهم يتصدموا زى ما اتصدمنا احنا كمان لانه والدى عمره ما حسسنى باى مشاكل مع اخواته ابدا وكنت شايفهم فى صوره جميله لغايه ما غاب والدى وظهرت الصوره الحقيقه
سلم امرك لوجه الله تعالى واكسب رضا والدتك عليك وحاول تبعد زوجتك عن الكلام ده كله وافصل بين بيتك ومشاكلك الخاصه
تغيير الجو فعلا حيجيب نتيجة باذن الله وحاول تدعى فى صلاتك وربنا باذن الله هيفرج كربك ويشرح لك صدرك ومتدايقش نفسك وفر صحتك لابنك وللاسرة وربنا يبعد عنك الخنقة والضيق وكل امة المسلمين يارب باذن الله
كدة أنت صح الصحاقتباس:
مين قالك اني زعلان انا دلوقتي في احسن حالاتي والحمد لله هي في الاول كانت تدايق بس بعد كده خلاص مش هتفرق اللي نفسه في حاجه يشيل وياخد بس هيروح من ربنا فين
لا تشيل ولا توجع دماغك
ربنا يديم الحال الكويس
ربنا يفك كربك و يجيرك فى مصيبتك و يبدلك خيرا منها ان شاء الله