ان شاء الله هفحص و اجدد رخصة اللانوس اول الشهر، المهم عندى خبطة عبارة عن خربوش عميق طوله متر بالعرض مابين الرفرف الأمامى شمال و باب السواق.
ياترى ده ممكن يعمل مشكلة فى الفحص؟ ان شاء الله هفحص فى مرور شبرا الخيمة.
عرض للطباعة
ان شاء الله هفحص و اجدد رخصة اللانوس اول الشهر، المهم عندى خبطة عبارة عن خربوش عميق طوله متر بالعرض مابين الرفرف الأمامى شمال و باب السواق.
ياترى ده ممكن يعمل مشكلة فى الفحص؟ ان شاء الله هفحص فى مرور شبرا الخيمة.
والله انت راجل محترم
بقى بتسأل على خربوش يأثر على الفحص ولا لأ ؟؟ دا كلام ؟
أمال العربيات الخردة سواء ملاكي ولا تاكسي ولا ميكروباصات دي بتعدي ازاي من الفحص ؟ وأساسأً هو في عندنا فحص ؟؟!!!
ياريت كل الناس تحاول تعمل زيك كده يا حسام
طب بالمناسبة يا اخوانى سؤال تانى، الرخصة مكتوب فيها ان الفحص فى 2009، فياترى كده ممكن انقل ملكية و انقل الرخصة من شبرا الخيمة للدقى من غير فحص و اجدد سنة واحدة ؟
نقل الملكية لا يتم إلا بإجراء الفحص
أما إذا أردت التجديد ، يكون التجديد باسم المالك القديم
شكرا يا وائل على ردك السريع، معلش هتقل عليك تانى و أقولك على الخطوات اللى هعملها و ياريت تصححلى الغلط فيها:
1 - اسجل عقد البيع بالتوكيل اللى معايا (ينفع اى شهر عقارى؟ و لا لازم اللى انا تبعه و لا اروح اللى عند سوق السيارات؟)
2 - اروح مرور شبرا الخيمة افحص و اجيب شهادة مخالفات و شهادة بيانات (ولا الفحص يكون فى مرور الدقى اللى انا تبعه؟)
3 - اروح مرور الدقى اسلم النمر و شهادة البيانات و ينقلولى الملكية
شكرا مقدما للرد الكريم
حسام باشا ..لا شكر على واجباقتباس:
المشاركة الأصلية كتبت بواسطة Hossam_Hassan
1 - صح (وينفع في أي شهر عقاري بس أحياناً بيغتتوا)
2 - الفحص بيكون في المرور اللي انت تابع له، بمعنى آخر في المرور اللي هاتنقل العربية عليه، واستخراج شهادة البيانات والمخلفات بيكون بطبيعة الحال من المرور الأصلي اللي ملف العربية موجود فيه. (ملحوظة: غالباً المرور اللي هاتنقل عليه هايبعتك للمرور القديم لمطابقة البصمة (المحرك والشاسيه))
3 - بتسلم النمر القديمة في المرور الجديد بتاعك وتاخد النمر الجديدة
وألف مبروك مقدماً
+1111111111111اقتباس:
المشاركة الأصلية كتبت بواسطة وائل عطية
حسام باشا حبيب قلبي:
الخربوش مش بياثر لكن لو باين اوي ممكن بقطنه صغيره عليها دوكو تعملها بالراحه و مش حتبان.
بالنسبه لنقل لملكيه :
انت بتسجل العربيه لنفسك بموجب التوكيل في الشهر العقاري و بعدين بتروح للمرور التابع له (الدقي)و بتفحص العربيه فحص كده اي كلام مالوش لازمه و بتسلم اللوحات و بتقدم شهاده بيانت و شهاده مخالفات من المرور القديم(شبرا)
و في المرورر الجديد بياخدو البصمه متهيالي مش شرط تروح تخد البصمه في مرور شبرا الا لو كان رقم الشاسيه نفسه فيه غلط عن اللي موجود في شهاده البيانات
و لو الضريبه مدفوعه لحد 2009 يبقي الرخصه لجديده حتطلع بالفتره الباقيه.
و سنه 2009 حتروح تفحص الفحص الدوري للسياره عادي.
يعني الفحص اللي فحصته مش حيعفي العربيه انها تدخل فحق 2009.
و بتسلم اللوحات و بتستلم لوحات مرور الدقي و الف مبروك:)