الموضوع: خبطة فى العربية و تأثيرها فى الفحص و التجديد

والله انت راجل محترم
بقى بتسأل على خربوش يأثر على الفحص ولا لأ ؟؟ دا كلام ؟
أمال العربيات الخردة سواء ملاكي ولا تاكسي ولا ميكروباصات دي بتعدي ازاي من الفحص ؟ وأساسأً هو في عندنا فحص ؟؟!!!
ياريت كل الناس تحاول تعمل زيك كده يا حسام

طب بالمناسبة يا اخوانى سؤال تانى، الرخصة مكتوب فيها ان الفحص فى 2009، فياترى كده ممكن انقل ملكية و انقل الرخصة من شبرا الخيمة للدقى من غير فحص و اجدد سنة واحدة ؟

نقل الملكية لا يتم إلا بإجراء الفحص
أما إذا أردت التجديد ، يكون التجديد باسم المالك القديم

شكرا يا وائل على ردك السريع، معلش هتقل عليك تانى و أقولك على الخطوات اللى هعملها و ياريت تصححلى الغلط فيها:

1 - اسجل عقد البيع بالتوكيل اللى معايا (ينفع اى شهر عقارى؟ و لا لازم اللى انا تبعه و لا اروح اللى عند سوق السيارات؟)

2 - اروح مرور شبرا الخيمة افحص و اجيب شهادة مخالفات و شهادة بيانات (ولا الفحص يكون فى مرور الدقى اللى انا تبعه؟)

3 - اروح مرور الدقى اسلم النمر و شهادة البيانات و ينقلولى الملكية

شكرا مقدما للرد الكريم

المشاركة الأصلية كتبت بواسطة Hossam_Hassan

شكرا يا وائل على ردك السريع، معلش هتقل عليك تانى و أقولك على الخطوات اللى هعملها و ياريت تصححلى الغلط فيها:

1 - اسجل عقد البيع بالتوكيل اللى معايا (ينفع اى شهر عقارى؟ و لا لازم اللى انا تبعه و لا اروح اللى عند سوق السيارات؟)

2 - اروح مرور شبرا الخيمة افحص و اجيب شهادة مخالفات و شهادة بيانات (ولا الفحص يكون فى مرور الدقى اللى انا تبعه؟)

3 - اروح مرور الدقى اسلم النمر و شهادة البيانات و ينقلولى الملكية

شكرا مقدما للرد الكريم

حسام باشا ..لا شكر على واجب

1 - صح (وينفع في أي شهر عقاري بس أحياناً بيغتتوا)
2 - الفحص بيكون في المرور اللي انت تابع له، بمعنى آخر في المرور اللي هاتنقل العربية عليه، واستخراج شهادة البيانات والمخلفات بيكون بطبيعة الحال من المرور الأصلي اللي ملف العربية موجود فيه. (ملحوظة: غالباً المرور اللي هاتنقل عليه هايبعتك للمرور القديم لمطابقة البصمة (المحرك والشاسيه))
3 - بتسلم النمر القديمة في المرور الجديد بتاعك وتاخد النمر الجديدة
وألف مبروك مقدماً

المشاركة الأصلية كتبت بواسطة وائل عطية

والله انت راجل محترم
بقى بتسأل على خربوش يأثر على الفحص ولا لأ ؟؟ دا كلام ؟
أمال العربيات الخردة سواء ملاكي ولا تاكسي ولا ميكروباصات دي بتعدي ازاي من الفحص ؟ وأساسأً هو في عندنا فحص ؟؟!!!
ياريت كل الناس تحاول تعمل زيك كده يا حسام

+1111111111111