محتاج رأيكو ياجماعة بنوع الكويتش للسيراتو....؟؟؟؟

**Tamer86** · 18-06-2010 06:17 PM

المشاركة الأصلية كتبت بواسطة dr.almaghraby

خليك فالكومهو لانك حضطر تغير الطقم كله علي 60 الف كيلو

ماهو الكومهو ما بينزلش غير مع العربية و مالقيتش في السوق عشان كده انا هغير مش عشان في مشكلة في الكومهو ابدا

انا لسه 20 الف و له بدري عال60 و تغيير الطقم ولازمني حاجة امان

متشكر يا دكتور

المشاركة الأصلية كتبت بواسطة xshadow

أنا من رأيي جيب حاجة نص نص دلوقتي تستحمل معك لحد ماتحتاج تغير ال كاوتش كلو، و لم تيجي تغير الطقم كلو هات بريدج ستون .. و أنا إن شاء الله ناوي لما أغير بردو أجيب بريدج ستون الكاتم للصوت ده

أصل بسافر كتير يا صاحبي و مقدرش اجري في العربية لو مش مطمن للكويتش و موضوع الامان
بس فعلا زي ما قلت البريدجستن شكلو كويس قوي

شكرا ليك

**Tamer86** · 18-06-2010 06:24 PM

المشاركة الأصلية كتبت بواسطة hosam_optrawy

كله هايعمل بلالين للاسف

هو المقاس دا كدا

انت بس خلى بالك

اه معاك حق

بس الحمد لله سواقتي هادية و ببعد عن النقر و الحفر قد ماقدر

ماشي 20 الف في الكومهو الاساسي الحمد لله بدون اي مشكلة او بلالين
لولا المسمار الجامد اللي بوظلي الكويتش ده

**samer_007** · 18-06-2010 08:02 PM

السلام عليكم

انا لقيت الموضوع دة وانا بقالي اسبوع بدور على عجل للعربية بتاعتي

سيراتو مقاس 16

عندي بلونة في العجل وماشي حوالي 40000

الي موجود في السوق وكويس وكل الناس بتشكر فية البريدجستون فعلا بس خلي بالك لانو منو انواع بحسب بلد الصنع

نصيحة علشان تقلل من البلونات ودة مش كلامي دة كلام واحد صاحبي عندة محل عجل

في حاجة اسمها Extra Load او XL ده بيني ان العجل علية شبكة حديد لتقوية الأجناب علشان تتحمل وزن اكبر وبالتالي لما تاخد مطب العجل مش بيطبق بسهولة وبيتحمل

نصيحة بلاش نيكسون وخليك في البريدجستون او الميشلين

اخوكم سامر

**Tamer86** · 18-06-2010 08:23 PM

المشاركة الأصلية كتبت بواسطة samer_007

السلام عليكم

انا لقيت الموضوع دة وانا بقالي اسبوع بدور على عجل للعربية بتاعتي

سيراتو مقاس 16

عندي بلونة في العجل وماشي حوالي 40000

الي موجود في السوق وكويس وكل الناس بتشكر فية البريدجستون فعلا بس خلي بالك لانو منو انواع بحسب بلد الصنع

نصيحة علشان تقلل من البلونات ودة مش كلامي دة كلام واحد صاحبي عندة محل عجل

في حاجة اسمها Extra Load او XL ده بيني ان العجل علية شبكة حديد لتقوية الأجناب علشان تتحمل وزن اكبر وبالتالي لما تاخد مطب العجل مش بيطبق بسهولة وبيتحمل

نصيحة بلاش نيكسون وخليك في البريدجستون او الميشلين

اخوكم سامر

متشكر صديقي

هو Extra load أو XL بيكون مكتوب عالكويتش؟؟ أو فين بالزبط؟؟

**Ahmed Samy** · 18-06-2010 11:41 PM

انا قطعت و عملت بلالين في تلات فرد

غيرت واحدة بكومهو فييتنامي و شغالة

و غيرت اتنين بنيكسين كوري

نيكسين أفضل من الكومهو

أحن و أكثر مقاومة للبلالين

أو عى تشتري فردة 17 غالية

كله رايح في البلونة

تحيا مصر و شوارع مصر و نقر شعب مصر الأصيل

**samer_007** · 19-06-2010 02:21 AM

الأحرف دي بتبقى موجودة على حاجة اسمها كارت العجل وهوا الي بيبقى مكتوب علية مواصفات العجل ومقاسة وتاريخ الانتاج

النقطة الأخيرة هيا برضو من الحجات المهمة جدا...لازم تبص على تاريخ الانتاج لانة لو كان قديم بيبقى العجل معرض لسرعة التلف والتشقق ودة بيقصر عمر العجل بنسبة كبيرة جدا

**gazzar91** · 19-06-2010 06:35 AM

أنا هرد على حضرتك من اللي شفتوا للمقاس بتاعي R16 205/50 ........... المقاس ده قليل و غير متوفر إلا في الكوري و لما سألت عليه في بريدجستون لقيت الفرده هتبقى بحوالي ألف جنيه (و أنا بصراحة مش جايب عربية كوري مستعملة علشان أحطلها كاوتش بـ 4000 بندق!!!)
المهم المالك القديم كان مركب كومهو ورا و تشامبيون قدام..... الإتنين عملوا بلالين!!!
الفرده الإستبن بقى هي الهانكوك بتاع الفابريكة.... الفرده طالعان عينها و باين عليها إنها مشيت كتر قوي.. و مع ذلك مافيهاش ولا بلونه أو حتى بروز صغير.. و إن شاء الله أول ما أشد المرحومة هاجيبلها فرد هانكوك زي اللي كانو فيها...
لو عاوز حد عنده هانكوك في واحد جنبي في النزهة بس معرفش أسعاره إيه بالنسبة لبرة.. كان قاللي إمبارح علة سعر الفردة الهانكوك لعربيتي بحوالي 400 وشوية.. بس مش متأكد من الفكة
أرجو أكون أفدت حضرتك بأي حاجة....
في رعاية الله........

**Tamer86** · 19-06-2010 09:56 AM

المشاركة الأصلية كتبت بواسطة ahmed samy

انا قطعت و عملت بلالين في تلات فرد

غيرت واحدة بكومهو فييتنامي و شغالة

و غيرت اتنين بنيكسين كوري

نيكسين أفضل من الكومهو

أحن و أكثر مقاومة للبلالين

أو عى تشتري فردة 17 غالية

كله رايح في البلونة

تحيا مصر و شوارع مصر و نقر شعب مصر الأصيل

متشكر حضرتك
معاك حق هم مش بيتحملو قوي بس لازم 17 عشان كل اللي عندي 17 و ناقصني واحدة

المشاركة الأصلية كتبت بواسطة samer_007

الأحرف دي بتبقى موجودة على حاجة اسمها كارت العجل وهوا الي بيبقى مكتوب علية مواصفات العجل ومقاسة وتاريخ الانتاج

النقطة الأخيرة هيا برضو من الحجات المهمة جدا...لازم تبص على تاريخ الانتاج لانة لو كان قديم بيبقى العجل معرض لسرعة التلف والتشقق ودة بيقصر عمر العجل بنسبة كبيرة جدا

متشكر ياباشا هبقى اخد بالي من الموضوع ده

المشاركة الأصلية كتبت بواسطة gazzar91

أنا هرد على حضرتك من اللي شفتوا للمقاس بتاعي r16 205/50 ........... المقاس ده قليل و غير متوفر إلا في الكوري و لما سألت عليه في بريدجستون لقيت الفرده هتبقى بحوالي ألف جنيه (و أنا بصراحة مش جايب عربية كوري مستعملة علشان أحطلها كاوتش بـ 4000 بندق!!!)
المهم المالك القديم كان مركب كومهو ورا و تشامبيون قدام..... الإتنين عملوا بلالين!!!
الفرده الإستبن بقى هي الهانكوك بتاع الفابريكة.... الفرده طالعان عينها و باين عليها إنها مشيت كتر قوي.. و مع ذلك مافيهاش ولا بلونه أو حتى بروز صغير.. و إن شاء الله أول ما أشد المرحومة هاجيبلها فرد هانكوك زي اللي كانو فيها.

..
لو عاوز حد عنده هانكوك في واحد جنبي في النزهة بس معرفش أسعاره إيه بالنسبة لبرة.. كان قاللي إمبارح علة سعر الفردة الهانكوك لعربيتي بحوالي 400 وشوية.. بس مش متأكد من الفكة
أرجو أكون أفدت حضرتك بأي حاجة....
في رعاية الله........

انا برضو الاستبن اللي راكب دي الوقت 15 هانكوك و مش بشكي منو ابدا بس شكلو كده لوحدو بين تلاتة 17 ما ينفعش خالص

كده بقى الخيارات انحصرت بين البردجستن و الهانكوك و النكسن

**Tamer86** · 20-06-2010 09:12 PM

يا اخوان

عملت سيرش عالنت و لقيت شركة اسمها مارشال Marshall

و بيقولو دي تبقى اسم تجاري تاني للكومهو Kumho اصلهم مصنع واحد

سعر الفرده عندنا بحدود 600 جنيه

لو الكلام ده صحيح يبقى اتحلت مشكلة الكومهو النادر

ايه رأيكو حد سمع عنها؟؟ او بيعرفها ؟؟