الموضوع: جين2 وبرسونا حوار هادىء حولهـا

فعلا العيوب التافهه موجوده لكن
الحمد لله حتى الان لم اسمع عن عيوب جوهريه مثلما اقرأ فى اقسام اخرى
يعنى حتى الان لم ارى عضو غير اسطوانه وديسك ولا كبالن ولا جوان موتور ولا فتيس ولا ولا ....الخ
كل المشاكل فى الكماليات تقريبا ومشاكل غير مؤثره على الاداء نهائيا الحمد لله

بالنسبه للتوكيل ففعلا ليك حق فى كل كلمه قولتها وانطباعك صحيح 100%
وفعلا التوكيل مش حاجه بسيطه وكفيل يحببك او يكرهك فى العربيه لو انت مابتحبش وجع الدماغ
لكن لو عندك قدره على البحث والصبر هاتلائى حلول لكل المشاكل خارج التوكيل

لو ناوى تشترى العربيه لازم تبئا عارف قيمتها من ناحية الاساسيات والاداء والثبات وفى نفس الوقت لازم تبئا عارف ان احتمال مش قليل تقابل مشاكل
لكن ااكدلك ان المشاكل غير مؤثره على الاداء ولكن مؤثره على مستوى الرفاهيه فى السياره وعلى حالتك النفسيه تجاه السياره فقط

لو الاداء عندك رقم واحد اتكل على الله فيها
لكن لو انت مش بتاع شد وثبات وكده يبئا بجد شوف عربيه مشاكلها اقل افضل مثل الصنى او الاوبترا مثلا

اتكلمت بكل حياديه وارجو ماحدش يزعل ابدا من كلامى.

بُص يا باشا ...
طبيعي أن أنت لما تدخل المنتدى في أي قسم هاتلاقي الناس ببتكلم عن مشاكل قابلتها و عرضهتا على المنتدى علشان تلاقي حل لها .
و بالتالي هاتفتكر أن العربية كلها مشاكل ... و دي مش حقيقة .

الحاجة التانية و هي التوكيل .
التوكيل ما يفرقش كتير عن توكيلات مصر الباقية إلا ما رحم ربي .
يعني لا التوكيل خرافي ......... و لا هو سئ .

لو واجهتك مشكلة في العربية و متحلتش ........ هاتقول دي عربية زبالة و توكيلها أزبل منها .
و لو ركزت مع عربيات تانية في المنتدى برضه هاتلاقي نفس الكلام .

يعني أنا متذكر أن التويوتا الياريس كانت بتنزل عيب في أسطوانة الدبرياج ... و التوكيل كان بيغير في الضمان
الدايهاتسوا السيريون عندهم عيوب تصنيع في علبة الدريكسيون و برضه بتتغير في الضمان في التوكيل .
الهيونداي بعض موديلات الإلنترا و النيو أكسنت اللي فيهم باور كهرباء برهضو كانت بتنزل بعيب أن الباور مش بيفصل على سرعات عالية و بالتالي ضياع التحكم في العربية .

فلو أنت ركزت شوية مع كل عربية هاتلاقي أن كل عربية فيها حاجة .

أهم عيوب بروتون عموما مش اللي أنت ذكرتهم خالص .
أهم العيوب بتتلخص في الآتي :
قطع الغيار مش منتشرة زي بعض الماركات التانية ( موجودة بس مش منتشرة قوي ) و سعرها مش رخيص .

إنما العربية ممتازة ......... و التوكيل عادي .

عايز تشتريها و تتكل على الله ......... صدقني بنسبة 99 % مش هاتندم إن شاء الله .

لو بصيت برضه لأصحاب البروتون هاتلاقي ناس كتير جدا جدا معندهمش أي مشاكل تذكر .

الناس اللي بتعمل مواضيع كتيرة هي أصحاب المشاكل و ده طبيعي .

بس أنا عايز نقطة
العربية متباع منها أكتر من 7000 عربية من سنة 2005 لغاية دلوقتي .
فلو أشتكى 500 منهم مقابل 6500 معندهمش مشاكل ........ ده يدل ان العربية مفيهاش مشكلة عامة .

أحب أضيف أن الحاجة الوحيدة اللي بتظهر مع أغلب الناس هي زراير المالتي فنكشن ...... غير كدا مفيش مشاكل تانية عامة .

فعلا زراير المالتي فنكشن هوا العيب العام الوحيد واصلاحه سهل ببخاخ في 90

لكن العربيه بسم الله ماشاء الله تحفه من كل حاجه والحمد لله على قرار شراءها انا دلوقت بركب البيرسونا وياريس اوتو وصني اوتو وفعلا ده خلاني اعرف قيمة البيرسونا كفايه متعة القياده والراحه النفسيه اللي مش بتبقى موجوده وانا راكب الصني او الياريس ببقى مش طايقهم ومش برتاح لا في البيرسونا

[QUOTE=memo_p910;3872774320]فعلا زراير المالتي فنكشن هوا العيب العام الوحيد واصلاحه سهل ببخاخ في 90

ياريت يا باشا اسم المنتج او صورة ليه ده وشكرا