اضفت العناوين في الموضوع المذكور
عرض للطباعة
انا ليا تعليق علي نقطة ملي التيل دي صعبه اوي لان انا جربت التيل الاسباني بتاع العربيه دي بس للاسف اداؤه وحش اوي اوي اوي العربيه علي سرعه مش بتمسك فرامل كويس و بيطلع صوت غبي و ممكن التيل يزحلق و مايمسكش اصلا فاكيد الملي دا هايبقي اسوأ من الاسباني
بالنسبه للمساعدين ال kyb فاشلين بطريقه فظيعه فعلا انا مركبهم و مره اخت مطب جامد لاقيت المساعد عرق زييت جامد و حاجه تمام يعني ان شاء الله المره الجايه هجرب المونرو بس اكيد هيابقوا انشف من اللي فيها
عموما معلومه اخيره في العربيه دي انا بالصدفه الباحته كنت بغير كاوتش للعربيه الراجل بتاع توكيل بريدجستون العبور صمم انه ينفخ الكاوتش نيتروجين بنفس الضغط بتاع الهوا العادي مش عارف لما ركبت العربيه و سوقتها حسيت انه سحر الباور نعم حبه حلوين و العفشه زي ماتقول مابقتش ترزع في المطبات خالص
انا داخل الايام دي علي بلي عجل و تغيير تيل بدل التيل الفاشل الاسباني دا و عمل اسطوانه و ديسك ديبرياج و ربنا يستر بقي و ان شاء الله هاجيب كله اصلي علشان قطع الغيار تعيش و تودي مهمتها صح من بعد اللي شوفته في التيل الاسباني دا حرمت اركب حاجه مش اصلي الصراحه ..... معلش طولت شويه
أنا بملا نيتروجين عندهم وبيفرق جدا وهما فعلا ناس محترمين يا ترى ايه تجربتك في تغيير الكاوتش؟
يعني المساعدين الأصلي موجودين بره التوكيل يا بشمهندس وليد وبكام؟
وهل المنرو أفضل من حيث العمر الإفتراضي و لا ايه مميزاته (الثمن مثلا)؟؟
شكرا على المعلومات واسف لكثرة الأسئله
توضيح بسيط و يا ريت لو انا غلطان حد يصحح لى
الصنى تم تطوير عفشتها من اول 2009 تقريبا و دا فى الاى اكس و لسوبر صالون و تقريبا العفشه واحده فى الثنين ما عدا السوبر تزيد فى ميزان مانع لانقلاب الامامى اما باقى الاجزاء فواحده تماما و المساعدين من نوع koni و العفشه الناشفه هى العفشه الرياضيه و هى اللى بتعطى ثبات اكثر على الطريق.
و فعلا النيتروجين بيبقى زى السحر لان العربيه بتبقى طالعة من لمصنع و الكاوتش ضغطه 50 او اكثر بدون مبالغة علشان العربيات بتقف ييجى كام شهر على الارض لغايه اما تتباع و الضغط العالى بيحافظ على الكاوتش من التشققات و هى واقفه
و طبعا لواحد اول ما بيجيب السيارة بيقول اكيد ظبطة المصنع و لكن انصح بان اول حاجه تتعمل هى ضبط الكاوتش و أفضّل النتروجين
استاذ ahmd_saleh14
بخصوص العفشة هو عربية حضرتك ex ولا سوبر صالون؟
لأن حتى نهاية 2008 تقربا حتى نهاية شهر أغسطس كانت مساعدين ال ex من نوع أو(طراز) غير مساعدين السوبر صالون وده كان سبب شكوى ناس كتير من ال ex بعد كده المساعدين اصبحوا من نفس النوع.
عربيتي ex اوتوماتيك 2006
وعلى فكرة انا بتكلم على الطنابير الخلفية وانا غيرت التيل بجديد ياباني ب120 جنية اسمة TDK والامور كويسة
شكرا على نقل التجربة و المشاركة لفايدة الجميع و هيا العفشة مشكلة فى كل العربيات بتفتح جامد و بتكلف