الموضوع: خبرتي بمشاكل الصني على مدار 110000 كم

معايا صني 2006 معايا من شهر6 2006 عاملة 110000 كم بعمل الصيانات كل 10000 كم بالتوكيل
المشاكل
على مدار 100000 كم ماكانش في مشاكل بس غير راضي عن العفشة

1- عند 103000 كم العربية مش عاوزة تدور مع ان في بنزين والمارش بيقوم روحت لميكانيكي ماعرفوش جنب الشغل لان العربية واقفة و قال طرمبة البنزين باظت فاتصلت بالتوكيل قالولي انه لازم تتغير كلها ب1100 جنية تقريبا اما الميكانيكي غير لي موتور الطرمبة بس واتكلفت 150 جنية وقلي ميقلش البنزين في التنك عن النص ولما روحت التوكيل في صيانة ال100000 حكيت للمهندس ماعترضش

2- بصراحة عيب العربية دي الوحيد عفشتها وهي جديدة كانت ناشفة ولما قدمت لخلخت وتسمع منها دوشة في المطبات الصغيرة بس لاخر لحظة قبل ما اغير العفشة من 3 ايام كانت الى حد كبير ماسكة نفسها في الطرق العادية
تغيير العفشة كان حكاية
في اخر صيانتين كان التقرير كالتالي
طنابير وتيل خلفي حوالي 1300 جنيه
4 مساعدين 2850 جنية
2 مقص 1150 جنية
4 كاوتش تراب 720 جنية
يعني التكلفة حوالي هتخش 8000 جنية بالمصنعيات وكنت خلاص رايح اغيرهم في التوكيل

بس اتخنقت وقررت ابيعها واتخلص منها وبعدين قلت دة استهلاك 120 الف كم وكمان سواقتي عنيفة والعربية ما اشتكتش بدأت اشوف المنتديات واسأل اصدقائي وبعدين روحت لميكانيكي قال الطنابير تتخرط والتيل يتملي وبلاش تيل اصلي علشان الطنابير سمكها قل والموضوع دة كلفني 80 جنية

وروحت لعفشجي ممتاز قالي لازم المقصات من التوكيل اما المساعدين فعندك خيارين اما طقم kyp بحوالي 1150 جنية بس ما بيعمرش اوي او تجيب المونرو ضمان سنة واحسن من الاصلي وبيعيش وب 1800 الطقم اما كاوتش التراب فعندي هركبة فاشتريت المونورو والموضوع كلفني 3050 مع الطناير والتيل يبقى كله 3130 وناوي اشوف طنابير استيرتد نضيفة تحسبا للظروف
والحمد لله حمد كثيرا طيبا مباركا فية
عاوز اوضح نقطة
انا مش ضد التوكيل لان الرأي الفني للتوكيل هام جدا بس انا ضد اسعار قطع الغيار والصيانة

المشاركة الأصلية كتبت بواسطة y2y1500

شكرا يا استاذ احمد على التجربة الشخصية
بس انا يهمنى ان الموتور سليم الحمد لله وما حصلش معاك اى مشاكل منه خلال 4 سنين واكتر من 100 الف كم
وكل المشاكل كانت فى العفشة بسبب الطرق الجميلة بتاعتنا او طريقة سواقة حضرتك

ايوة تمام العفشة والطنابير بس وضيف عليهم معدل استهلاك تيل الفرامل
وفعلا دة بسبب الطرق وسواقتي
يا جماعة النيسان صني عربية جامدةةةةةةةةةةةةةةةةةةةةة ةةةةةةة بس عفشتها ناشفة