كيف يمكن رفع أداء موتور البروتون 1600 لتحصل على أقصى قدرة بدون آتار جانبية

الموضوع للامانه منقول بس انا ضفت عليه شويه معلومات والصور

▐►►-------------------- ★--------------------◄◄ ▐

لو أخدنا مثال بروتون 1600 سي سي بقدرة 105 حصان وصاحبها عاوز يعدلها لأقصى قوة حصانيه ممكنه بدون تأثير على المكونات الداخليه أو تدميرها

الموضوع بيعتمد على الميزانية لكن في الموضوع دة أنا بأعطى مثال لأقصى قوة ممكنه قد تحصل عليها


1-هنستخدم تربو كيت ويفضل ال-T25 كتربينة مناسبة لسعة 1600 هيكون البوست 6 PSI أو أقل والخرج الناتج هيكون حوالي 40 ٪ من القوه الحصانيه للموتور الستوك
كدة وصلناه لحوالي 145 حصان

[aldl]http://i385.photobucket.com/albums/oo297/MaGiCGen2/18-06-201008-37-19.jpg[/aldl]

2-فلتر هواء رياضي مع الكولد أير كيت وهذا يعطي حوالي 4٪ مما سبق وصلنا حوالي 150 حصان


3-شكمان كامل من الهيدر للعلبة الخلفية 2,5 بوصة ودة بيطلع 7٪ تقريباً مما سبق وكده وصلنا الحوالي 160 حصان

4-
MSD مع بوجيهات رياضية وأسلاك ذات توصيل كهربائي عالي ويفضل منظم بنزين لزيادة كمية البنزين بيزودوا حوالي 5 ٪ وصلنا حوالي 165 - 170 حصان


5-تعديلات مكانيكية زي فلاي وييل وكرانك بولي خفيفة ومننساش الكلاتش الرياضي ويفضل تريبل بلات


6-كمبيوتر (ECU)ستاند ألون لظبط نسبة الهواء والبنزين و طبعاً بيزود القوه الحصانيه


7-تغير الرشاشات إلى 300 سي سي


وصلنا مع التركيب المحترف وظبط التيربو بدقة الى أكتر من 200-210 حصان


8-مع تخفيف وزن العربية بأجزاء من الفايبر يبقى معاك سوبر كار بالمقاييس المصرية


▐►►-------------------- ★--------------------◄◄ ▐

و هذا شرح مبسط مع التكلفة


التيربو كيت بيكون سعرها من 5000 ال-7000 على حسب ماركات اجزائها
وبصراحة د مينفعش معاها شرح مبسط لكن هي بتتكون من التربينة مع الواست جات ، بلو أف فالف وإنتر كولر ومواسير التوصيل استانلس كمكونات أساسية .


[aldl]http://200sx.netfirms.com/t25.jpg[/aldl]

[aldl]http://i385.photobucket.com/albums/oo297/MaGiCGen2/18-06-201008-14-14.jpg[/aldl]

▐►►-------------------- ★--------------------◄◄ ▐

الفلتر الرياضي مع التيربو يفضل HKS ستايل أو زي ما بيسموها شكل المشروم غير كدة التاني أفضل وهو الشكل المخروطي ولازم معاه الكولد أير كيت وهي ماسوره ستاينلس لتوصيله بالمانيفولد وأنبوبة تانية عازلة علشان تجيب هوا بارد من برة الحوض ودة بحوالي 200 جنيه نوع سيموتا و-150 جنيه للماسورة الستاينلس و-250 للبايب الخارجية

[aldl]http://www.weaksauceparts.com/store/images/t_20395.jpg[/aldl]

[aldl]http://i2.frsimg.com/images/detailed_images/HKS_70019AN019_6.jpg[/aldl]

▐►►-------------------- ★--------------------◄◄ ▐

الهيدر ويفضل 4 X 1 يعني 4 مواسير خارجين من الموتور متجمعين مباشرةً في ماسوره واحده على الشكمان ودة بييجي مع التيربو كيت

[aldl]http://i385.photobucket.com/albums/oo297/MaGiCGen2/18-06-201008-36-41.jpg[/aldl]

▐►►-------------------- ★--------------------◄◄ ▐

الشكمان الكامل على حسب النوع في أنواع تايواني صناعتها جيدة بتبدأ من 1000 جنيه بدون العلبة الاخيرة ( المفلر )

[aldl]http://www.phoenixtuning.com/zenstore/images/hks31019-at009.jpg[/aldl]

▐►►-------------------- ★--------------------◄◄ ▐

ال-MSD هو جهاز بيقوي الشرارة الكهربائية إلي داخلة للموتور وسعره حوالي 1300 جنيه lوجيهات رياضيه مع الاسلاك ويفضل مع البروتون ماركه NGK سعر البوجيها مع الاسلاك حوالي 650 جنيه وده مركبو عندي وفارق كتير الصراحه

[aldl]http://i385.photobucket.com/albums/oo297/MaGiCGen2/rx7msd3.jpg[/aldl]

[aldl]http://webpages.charter.net/1bad6t/MSD.gif[/aldl]

[aldl]http://i385.photobucket.com/albums/oo297/MaGiCGen2/ae86-ngk-wires4_large.jpg[/aldl]

[aldl]http://carphotos.cardomain.com/ride_images/1/1359/4321/3397160067_large.jpg[/aldl]


▐►►-------------------- ★--------------------◄◄ ▐

منظم البنزين صمام ضغط عليه عداد بيتحكم في كمية البنزين الداخله للموتور سعره حوالي 250 جنيه

▐►►-------------------- ★--------------------◄◄ ▐

الكلاتش الرياضي ودة بردو مينفعش نمر عليه بسرعة لكن كفاية نعرف إن أشهر الاصناف هو Exeedy ودة إسطوانة ودسك بيبدأ من 3000 جنيه وكمان بيفرق عن العادي فرق كبير جداً

[aldl]http://carphotos.cardomain.com/ride_images/2/4043/4341/22607170023_large.jpg[/aldl]

▐►►-------------------- ★--------------------◄◄ ▐

ال-ECU أشهر الانواع Appexi و-Greedy E-Manegment سعر الاول حوالي 2700 جنيه والتاني حوالي 3000 جنيه

[aldl]http://i385.photobucket.com/albums/oo297/MaGiCGen2/18-06-201008-33-28.jpg[/aldl]

▐►►-------------------- ★--------------------◄◄ ▐

أجزاء الكربون اسعارها غالية لكن بيكون لها تأثير واضح في تسارع أي عربية إرتباطاً بمعادلة الوزن للقوة المعروفة مثلا كبوت كاربون شنطه كاربون

[aldl]http://i385.photobucket.com/albums/oo297/MaGiCGen2/Hood01r-1.jpg[/aldl]



وانشاء الله يكون الموضوع عجبكم ويكون فيه معلومات جديده

10/10 يا ماجيك باشا
موضوع جميل جدا

بس عندى سؤال
هل التيربو فعلا مش بيبوظ او بيقصر عمر المحرك ؟؟؟

موضوع رائع و منظم جدا

السلام عليكم ورحمة الله وبركاته، ايه المعلومات الجامده دي، طيب هي كل الحجات دي موجوده فعلا فى مصر، و هل فى حد بيعرف يركبها و يظبطها، و الكالاتش الرياضي ده بيركب فين اصلوه شبه اسطوانة الدبرياش و هل بيركب فى العربيات الاوتوماتك، مع تحياتي

كل الحاجات دي موجودة فمصر........

و في فماليزيا كمان كيت تربو مخصوص للكام برو و حاجات تانية كتير

لو معاك فلوس فعلا العربية دي بتتحول

اقتباس:

---

المشاركة الأصلية كتبت بواسطة momopersona

10/10 يا ماجيك باشا
موضوع جميل جدا

بس عندى سؤال
هل التيربو فعلا مش بيبوظ او بيقصر عمر المحرك ؟؟؟

---

بص هو بيقصر بس لو ركبتو صح عند واحد بيفهم واستعملتو صح وتابعتو بالكومبيوتر سعتها مش هيقصر وشكرا على المرور وانا انشاء الله داخل في التجربه دي بس لسه محتار بينها وبين المايفك

اقتباس:

---

المشاركة الأصلية كتبت بواسطة afr80

السلام عليكم ورحمة الله وبركاته، ايه المعلومات الجامده دي، طيب هي كل الحجات دي موجوده فعلا فى مصر، و هل فى حد بيعرف يركبها و يظبطها، و الكالاتش الرياضي ده بيركب فين اصلوه شبه اسطوانة الدبرياش و هل بيركب فى العربيات الاوتوماتك، مع تحياتي

---

كلو موجود وفي ناس بتعرف تركب بنضافه جدا الكلاتش ده الي هو الدبرياش والاسطوانه الرياضيه بتكون اسرع في النقلات وبيركب على المانيوال بس

وشكرا على المرور

اقتباس:

---

المشاركة الأصلية كتبت بواسطة DR.almaghraby

موضوع رائع و منظم جدا

---

تسلم على المرور

موضوع رائع جدا ,,, بس العملية هتدخلها في 25000 مستريح مع تعديل نظام الفرامل والفيبر,,,,بس أنا بحس ان تسقيط موتور أقوي بكتير من دا كلوا أحسن من موتور العربية اللى هيتفحت وعمره الافتراضي هيكون قليل لاكن أصعب ومكلف وهيكون فيه لعب كتير (تربيط وتدعيم الشاسيه -على نظام فرامل عالي جدا - على لعب في القواعد للموتور والشاسيه وفتيس جديد وفتح وتعديل في الشكل الداخلي ... ) ,, نفسي حد مجرب الحالتن ويقول مين أفضل في الاخر وليه ؟؟؟؟؟؟؟؟؟

اقتباس:

---

المشاركة الأصلية كتبت بواسطة homos99

موضوع رائع جدا ,,, بس العملية هتدخلها في 25000 مستريح مع تعديل نظام الفرامل والفيبر,,,,بس أنا بحس ان تسقيط موتور أقوي بكتير من دا كلوا أحسن من موتور العربية اللى هيتفحت وعمره الافتراضي هيكون قليل لاكن أصعب ومكلف وهيكون فيه لعب كتير (تربيط وتدعيم الشاسيه -على نظام فرامل عالي جدا - على لعب في القواعد للموتور والشاسيه وفتيس جديد وفتح وتعديل في الشكل الداخلي ... ) ,, نفسي حد مجرب الحالتن ويقول مين أفضل في الاخر وليه ؟؟؟؟؟؟؟؟؟

---

صحبي ال معاه الجين الصفرا مركب مايفك ودخلتلها في 15000 بالتركيب والتظبيط وطبعا بعد ما ركب المكنه ظهرت شويه مشاكل وحلينا مشكله مشكله لحد مخلصت خالص وبقت تمام ولو حسبنا الي صرفو كلو هيدخلو في 15000 يعني الفرق بين المكنه و التيربو مش كتير بالنسبه لو حد هيعمل كده وبالنسبه للفرامل مش عامل فيها حاجه وكلو تمام مش شرط تعدل الفرامل على 200 حصان في الجين لان فرملها كويسه بس هتفرق ان لو عربيه 200 حصان تيربو و عربيه 200 حصان عادي طبعا التيربو هيفرق عشان قوة التجميع هتكون اقوى وسحب الهوا واللليله الكبيره بتاعة التيربو دي ولو ركبت التيربو كامل بالقطع الصحيحه المناسبه لقوه الموتور عن حد نضيف مش هيكون في ضرر في حاجه

وشكرا على المرور

شكرا بارك الله فيك

اهلا بعودتك مرة تانية يا ماجيك بجد سعيد جدا بالموضوع الجامد اوي الي انت عامله دا

السلام عليكم ورحمة الله وبركاته

موضوع رائع جدا بس اكيد محتاج ناس محترفة جدا فى التعامل مع عملية التركيب واختيار القطع المستخدمه .

بس انا كان عندى سؤال هل زيادة القدرة الحصانية للعربية بنسبة 25 % مثلا هيفرق كتير عن زيادة القدرة الحصانية تقريبا بنسبة 100 % بتكلفته و تاثيره على العربية , انا بتكلم على الفرق فى مستوى الاداء المتوقع بين القدرتين ومدى استغلاله فى شوارعنا الضيقة والمكسرة وطرقنا المفتوحة اللى اخرها 120 كم , انا بس بسال وانا من عشاق السيارات القوية هل الزيادة الكبيرة دى هنعرف نستفيد منها فى مصر ولا لا .

سؤالى التانى لو حد عاوز يعمل شوية تعديلات مش كبيرة اوى زى دى ولكن هتحسن اداء وتزيد القدرة الحصانية للعربية فى نطاق محدود زى ما ذكرت 20 الى 25 % ايه هى التعديلات دى وتكلفتها كام ؟

شكرا جزيلا يا استاذ هانى ومستنيين مواضيعك الجامدة دائما ان شاء الله .

اقتباس:

---

المشاركة الأصلية كتبت بواسطة m.3abdel3al

اهلا بعودتك مرة تانية يا ماجيك بجد سعيد جدا بالموضوع الجامد اوي الي انت عامله دا

---

تسلم وحضرتك منور الموضوع

اقتباس:

---

المشاركة الأصلية كتبت بواسطة ahmedfathy77

السلام عليكم ورحمة الله وبركاته

موضوع رائع جدا بس اكيد محتاج ناس محترفة جدا فى التعامل مع عملية التركيب واختيار القطع المستخدمه .

بس انا كان عندى سؤال هل زيادة القدرة الحصانية للعربية بنسبة 25 % مثلا هيفرق كتير عن زيادة القدرة الحصانية تقريبا بنسبة 100 % بتكلفته و تاثيره على العربية , انا بتكلم على الفرق فى مستوى الاداء المتوقع بين القدرتين ومدى استغلاله فى شوارعنا الضيقة والمكسرة وطرقنا المفتوحة اللى اخرها 120 كم , انا بس بسال وانا من عشاق السيارات القوية هل الزيادة الكبيرة دى هنعرف نستفيد منها فى مصر ولا لا .

السؤالى التانى لو حد عاوز يعمل شوية تعديلات مش كبيرة اوى زى دى ولكن هتحسن اداء وتزيد القدرة الحصانية للعربية فى نطاق محدود زى ما ذكرت 20 الى 25 % ايه هى التعديلات دى وتكلفتها كام ؟

شكرا جزيلا يا استاذ هانى ومستنيين مواضيعك الجامدة دائما ان شاء الله .

---

بالنسبه للسؤال الاول لو انت من هوات الجري والشد وكده هتفرق معاك واكيد في فرق بين ال 100% وال 25% ولو زودت بس 5 حصان على العربيه وانت حاسس بعربيتك هتحس بفرق في ال 5 حصان فا لو قلنا 25 اكيد هيكون في فرق ولو قلنا 100 اكيد هيكون في فرق اكبر

والسؤال التاني ممكن تركب فلتر وتغير الهادرز وبوجيهات كهربا مع كبلات والشكمان بس طبعا تكون حاجات ماركات نضيفه مش الحاجات الصيني وفي حاجه لسه بنجربها وانشاء الله تنفع اشتريت كنترول تاني للعربيه وبعتو القاهره بيتعدل عليه وده بيفرق لوحدو ممكن من 20 لي 30 حصان وده بيكون سعرو تقريبا 4000 بالتعديل على الكنترول
بالنسبه للتكلفه دي بتفرق حسب النوع بتاع الحاجه بس تقريبا ممكن تدخلها في حدود 3500
:S_thum1[1]:

وشكرا على المرور والمشاركه

نفسي أعمل كده في الIbiza بس اخلي متورها TSI على ابوه زي اللي موجود في أختها الكبيرة الباسات. بس أول مخرج من الضمان هفكر في الموضوع ده. هو أدائها خرافي Stock بس عايز أعرف لو عملت فيها الشغل ده هيحصل إيه.

مبروك العودتك للمنتدى يا هانى
وموضوع فوق الممتاز
شكرا ليك

مبروك العودتك للمنتدى يا هانى
وموضوع فوق الممتاز
شكرا ليك

الله ينور ياماجيك ..... وفى انتظار مواضيع اخرى بنفس المستوى الرائع ده

موضوع رائع بجد الله ينور عليك
حسسيتنا بقيمة gen 2 الى معانا

والله شغل عالي جدا
اللف شكر ليك

موضوع جامد جدا جدا جدا
أنا كنت عايز اسال على ال ecu لو ركبت في العربية على الوضع الحالي من غير أي تعديلات تزود كام في المية تقريبا

ايه الكلام الكبير ده تسلم دماغك

وخلتوتنا نحب الجين 2

اقتباس:

---

المشاركة الأصلية كتبت بواسطة أبومريم

موضوع جامد جدا جدا جدا
أنا كنت عايز اسال على ال ecu لو ركبت في العربية على الوضع الحالي من غير أي تعديلات تزود كام في المية تقريبا

---

منور يا ابو مريم

بالنسبه للـ ecu لو ركبتو على الوضع الحالي ممكن يزودلك من 15 لي 20 حصان وممكن اكتر بيكون حسب بالبرمجه طبعا كل موتور وكل تعديل ليه برمجه معينه بس هيكون حمل على المكنه لانك هتلعب في اساس البرمجه بتعتها بس لو المكنه متعدله هتستحمل الضغط عليها

اقتباس:

---

المشاركة الأصلية كتبت بواسطة msafa

والله شغل عالي جدا
اللف شكر ليك

---

شكرا على المرور يا باشا

اقتباس:

---

المشاركة الأصلية كتبت بواسطة magic

أجزاء الكربون اسعارها غالية لكن بيكون لها تأثير واضح في تسارع أي عربية إرتباطاً بمعادلة الوزن للقوة المعروفة مثلا كبوت كاربون شنطه كاربون

---

ممكن أعرف ازاى أجزاء الكربون بيكون ليها تأثير فى تسارع العربية؟

اقتباس:

---

المشاركة الأصلية كتبت بواسطة jisso82

ممكن أعرف ازاى أجزاء الكربون بيكون ليها تأثير فى تسارع العربية؟

---

أنا هرد نيابة عن ماجيك بس دي شوية معلومات أي كلام وهو لما يدخل هيقولك الكلام المفيد ...بص يا هيثم باشا العربية وزنها حوالي 1200كجم وبتطلع 110 حصان فلو بدلت الكابوت الحديد بالكابوت الكاربون فايبر الأخف وزنا ونفس الكلام بالنسبة للرفارف مثلا هتلاقي وزن العربية نزل بتاع 200كجم وبالتالي معادلة القوة للوزن هتتحسن لصالح القوة بمعنى إن التسارع هيزيد بشكل ملحوظ

اقتباس:

---

المشاركة الأصلية كتبت بواسطة أبومريم

أنا هرد نيابة عن ماجيك بس دي شوية معلومات أي كلام وهو لما يدخل هيقولك الكلام المفيد ...بص يا هيثم باشا العربية وزنها حوالي 1200كجم وبتطلع 110 حصان فلو بدلت الكابوت الحديد بالكابوت الكاربون فايبر الأخف وزنا ونفس الكلام بالنسبة للرفارف مثلا هتلاقي وزن العربية نزل بتاع 200كجم وبالتالي معادلة القوة للوزن هتتحسن لصالح القوة بمعنى إن التسارع هيزيد بشكل ملحوظ

---

شكرا يا ابو مريم على الرد وكلامك كلو تمام وصحيح مفهوش غلط بس انا هزود عليه شويه كلام علمي مختصر كده عشان الكل يستفيد


يظن الكثيرين من محبين السيارات الرياضية , ان مقدار القوة المستخرجة من محركات هذه السيارات يعد العنصر الوحيد الذى يقيس الاداء العام لها ,وطبعا هذه الفكرة خاطئة تماما !,
فهناك عوامل كثيرة لها اثر عظيم فى اداء وتسارع السيارة ومنها عزم المحرك , شكل القوة المستخرجة من المحرك

(اى مكان ظهور القوة القصوى فى عدد دورات المحرك والعدد الاقصى لدورات المحرك) , ديناميكية تصميم جسم السيارة, نظام الاندفاع بالسيارة ,النسب المستخدمة فى الترس التفاضلى ووزن السيارة ,
اذا لا نستطيع ان نقول ان اداء سيارة بقوة 500 حصان افضل من اداء سيارة بقوة 250 حصان الا بعد دراسة متانية والتجربة العملية لكلتا السيارتين , فان كانت قوة المحرك هى اهم نقطة تاثيرا فى اداء السيارة ,فسياتى فى المرتبة الثانية وزن السيارة ,لان النسبة بين القوة والوزن Power to weight ratioلها اثر كبير فى التسارع ,لذا نجد احيانا سيارة قوة محركها 200 حصان ووزنها 500 كجم تقوم بالتغلب على سيارة اقوى ذى قوة 400 حصان مثلا ولكن وزنها اكثر من ضعف وزن السيارة الصغيرة وهذا المثال يتضح جدا فى الطراز R500 من الشركة الانجليزية caterham ذى قوة 230 حصان والتى تستطيع ان تقوم بالتسارع حتى 100 كم فى 3.2 ثانية للتغلب على اقوى سيارات بورش ولامبورجينى فى التسارع حتى 200 كم /ساعة بسبب وزنها الذى يبلغ 420 كجم فقط !!!!

▐►►-------------------- ★ --------------------◄◄ ▐

انقاص الوزن وفوائده !
اذا انقاص وزن السيارة سيفيد فى تحسين اداء السيارة العام ,لان عندما ينقص الوزن سيقوم ذلك بتقليل الوزن التى يجب على المحرك ان يقوم بحمله اثناء التسارع ,كما سيقوم بتقليل الوزن التى يجب على المكابح ان توقفه.
اذا تقليل الوزن سيزيد من تسارع السيارة وسيزيد من فاعلية المكابح ,ليس هذا فحسب بل ان تقليل وزن السيارة فى اماكن محددة سيحسن من التحكم فى السيارة ,فنجد الكثير من المصنعين يقومون بتقليل الوزن عند قمة المحرك عير استخدام مواد خفيفة الوزن فى صنع بعد اجزاء المحرك بغرض تخفيض مركز ثقل المحرك فى اتجاه الارض من اجل تحكم افضل فى مقدمة السيارة .

▐►►-------------------- ★ --------------------◄◄ ▐

طريقة حساب النسبة بين القوة و الوزن :
طريقة حساب النسبة بين القوة والوزن تعتمد على اجاد مقدار القوة الذى سيتوفر لتحريك كل طن فمثلا نجد سيارة قوة محركها 100 حصان ووزنها 1000 كجم تعطينا نسبة تقدر ب100 حصان لكل طن وتم حسابها بطريقة بسيطة عن طريق قسمة القوة على وزن السيارة بالكجم ثم نقوم بضرب الناتج فى 1000 للحصول على النسبة بين القوة بالحصان والوزن بالطن .
هل النسبة بين القوة والوزن هى اساس المقارنة بين اداء السيارات ؟
كما ذكرنا فى السابق ان هناك عوامل عديدة تاثر فى اداء السيارة العام يعتمد على عوامل كثيرة وان كان اهمها قوة المحرك و النسبة بين القوة والوزن ,..

وشكرا على المرور

كلام زي الفل....متعرفش حد بأه بيعمل كاربون فايبر في مصر؟
أعتقد مفيش طب لو الواحد جاب كبوت من برا يعمل كام بالشحن والسلطات؟ أعتقد مبلغ فلكي مش كدا؟

اقتباس:

---

المشاركة الأصلية كتبت بواسطة أبومريم

كلام زي الفل....متعرفش حد بأه بيعمل كاربون فايبر في مصر؟
أعتقد مفيش طب لو الواحد جاب كبوت من برا يعمل كام بالشحن والسلطات؟ أعتقد مبلغ فلكي مش كدا؟

---

هو ممكن تعمل كابوت فايبر بعدين ترشو كاربون او نفس لون العربيه لان مفيش حد بيفصل كاربون هنا عشان غالي بياخد الكبوت يفصلك عليه واحد اخوه بس فايبر التكلفه هعرفلك بليل السعر ولو جبت كبوت من بره يعني مش هيعدي ال 4000 بالشحن انا بدور على كبوت جاهز والله بقالي فتره على النت بس مش لاقي والشركه الي جبت منها الفانوس معندهمش الكابوت ده وجاري البحث عنو ..
و كبوت الجين اساسا تقيل اوي ولو اتغير هتفرق فرق كبير

اقتباس:

---

المشاركة الأصلية كتبت بواسطة MaGiC

هو ممكن تعمل كابوت فايبر بعدين ترشو كاربون او نفس لون العربيه لان مفيش حد بيفصل كاربون هنا عشان غالي بياخد الكبوت يفصلك عليه واحد اخوه بس فايبر التكلفه هعرفلك بليل السعر ولو جبت كبوت من بره يعني مش هيعدي ال 4000 بالشحن انا بدور على كبوت جاهز والله بقالي فتره على النت بس مش لاقي والشركه الي جبت منها الفانوس معندهمش الكابوت ده وجاري البحث عنو ..
و كبوت الجين اساسا تقيل اوي ولو اتغير هتفرق فرق كبير

---

أيه رأيك في الحتة دي؟

http://pic60.picturetrail.com/VOL173.../296710943.jpg

http://pic60.picturetrail.com/VOL173.../296711121.jpg


http://pic60.picturetrail.com/VOL173.../295768646.jpg

شكرا على الموضوع الجامد ده بس كان فى استفسار الكبوت الكربون ده مش مخالف وهقعد أشيله فى الفحص وكده ولا عادى

اقتباس:

---

المشاركة الأصلية كتبت بواسطة eslam.elrefaey

شكرا على الموضوع الجامد ده بس كان فى استفسار الكبوت الكربون ده مش مخالف وهقعد أشيله فى الفحص وكده ولا عادى

---

متهيالي لو اتثبت في الرخصة لونين خلاص

موضوع اكتر من رائع
:)

اقتباس:

---

المشاركة الأصلية كتبت بواسطة أبومريم

أنا هرد نيابة عن ماجيك بس دي شوية معلومات أي كلام وهو لما يدخل هيقولك الكلام المفيد ...بص يا هيثم باشا العربية وزنها حوالي 1200كجم وبتطلع 110 حصان فلو بدلت الكابوت الحديد بالكابوت الكاربون فايبر الأخف وزنا ونفس الكلام بالنسبة للرفارف مثلا هتلاقي وزن العربية نزل بتاع 200كجم وبالتالي معادلة القوة للوزن هتتحسن لصالح القوة بمعنى إن التسارع هيزيد بشكل ملحوظ

---

اقتباس:

---

المشاركة الأصلية كتبت بواسطة magic

شكرا يا ابو مريم على الرد وكلامك كلو تمام وصحيح مفهوش غلط بس انا هزود عليه شويه كلام علمي مختصر كده عشان الكل يستفيد

يظن الكثيرين من محبين السيارات الرياضية , ان مقدار القوة المستخرجة من محركات هذه السيارات يعد العنصر الوحيد الذى يقيس الاداء العام لها ,وطبعا هذه الفكرة خاطئة تماما !,
فهناك عوامل كثيرة لها اثر عظيم فى اداء وتسارع السيارة ومنها عزم المحرك , شكل القوة المستخرجة من المحرك

(اى مكان ظهور القوة القصوى فى عدد دورات المحرك والعدد الاقصى لدورات المحرك) , ديناميكية تصميم جسم السيارة, نظام الاندفاع بالسيارة ,النسب المستخدمة فى الترس التفاضلى ووزن السيارة ,
اذا لا نستطيع ان نقول ان اداء سيارة بقوة 500 حصان افضل من اداء سيارة بقوة 250 حصان الا بعد دراسة متانية والتجربة العملية لكلتا السيارتين , فان كانت قوة المحرك هى اهم نقطة تاثيرا فى اداء السيارة ,فسياتى فى المرتبة الثانية وزن السيارة ,لان النسبة بين القوة والوزن power to weight ratioلها اثر كبير فى التسارع ,لذا نجد احيانا سيارة قوة محركها 200 حصان ووزنها 500 كجم تقوم بالتغلب على سيارة اقوى ذى قوة 400 حصان مثلا ولكن وزنها اكثر من ضعف وزن السيارة الصغيرة وهذا المثال يتضح جدا فى الطراز r500 من الشركة الانجليزية caterham ذى قوة 230 حصان والتى تستطيع ان تقوم بالتسارع حتى 100 كم فى 3.2 ثانية للتغلب على اقوى سيارات بورش ولامبورجينى فى التسارع حتى 200 كم /ساعة بسبب وزنها الذى يبلغ 420 كجم فقط !!!!

▐►►-------------------- ★ --------------------◄◄ ▐

انقاص الوزن وفوائده !
اذا انقاص وزن السيارة سيفيد فى تحسين اداء السيارة العام ,لان عندما ينقص الوزن سيقوم ذلك بتقليل الوزن التى يجب على المحرك ان يقوم بحمله اثناء التسارع ,كما سيقوم بتقليل الوزن التى يجب على المكابح ان توقفه.
اذا تقليل الوزن سيزيد من تسارع السيارة وسيزيد من فاعلية المكابح ,ليس هذا فحسب بل ان تقليل وزن السيارة فى اماكن محددة سيحسن من التحكم فى السيارة ,فنجد الكثير من المصنعين يقومون بتقليل الوزن عند قمة المحرك عير استخدام مواد خفيفة الوزن فى صنع بعد اجزاء المحرك بغرض تخفيض مركز ثقل المحرك فى اتجاه الارض من اجل تحكم افضل فى مقدمة السيارة .

▐►►-------------------- ★ --------------------◄◄ ▐

طريقة حساب النسبة بين القوة و الوزن :
طريقة حساب النسبة بين القوة والوزن تعتمد على اجاد مقدار القوة الذى سيتوفر لتحريك كل طن فمثلا نجد سيارة قوة محركها 100 حصان ووزنها 1000 كجم تعطينا نسبة تقدر ب100 حصان لكل طن وتم حسابها بطريقة بسيطة عن طريق قسمة القوة على وزن السيارة بالكجم ثم نقوم بضرب الناتج فى 1000 للحصول على النسبة بين القوة بالحصان والوزن بالطن .
هل النسبة بين القوة والوزن هى اساس المقارنة بين اداء السيارات ؟
كما ذكرنا فى السابق ان هناك عوامل عديدة تاثر فى اداء السيارة العام يعتمد على عوامل كثيرة وان كان اهمها قوة المحرك و النسبة بين القوة والوزن ,..

وشكرا على المرور

---

شكرا يا محمد باشا و 1000 شكر ليك يا ماجيك