انا مؤيد للغاز طبعا
مميزاته اكتر من عيوبه
عاوز تجري وتشد بالعربية وخايف علي برستيجك ومش فارقة معاك الفلوس ومش عارف فرق التأثير علي البيئة بين الاتنين (بنزين -غاز) يبقي استخدم البنزين بس لازم تذكرة بما هو آت:
ناتج الاحتراق في حالة الغاز معظمه بخار ميه لان معظم تكوينه هيدروجين
والبنزين معظم تكوينه كربون فناتج احتراقه ثاني اكسيد كربون واول اكسيد الكربون
واول اكسيد الكربون سام لانه عند استنشاقه نجد ان هيموجلوبين الدم يميل الي الاتحاد معه تاركا امتصاص الاكسجين وفي حال التعرض له لفترة طويلة يسبب الاختناق وعدم وصول الاكسجين بصورة كافية لخلايا الجسم يسبب تلفها (السجاير أخطروطبعا التدخين عموما)
المميزات انه ميشجعكش عالجري مقللا الحوادث ويمكنك في حال انك مزنوق وطبعا ده مش دايما انك عاوز تلحق( طيارة -قطار -دكتور)
يمكنك التحويل الي البنزين
وياريت حد يقولي فين الشوارع الخالية من المطبات ومن الزحمة اللي ممكن نتسابق فيها فضلا عن اذا جريت جامد بتبقي معرض للحصول بكرم زائد علي مخالفة سرعة اوتصدم عيل صغير فلت من ايد امه ولا ابوه شوف بقي ساعتها وبعدها تأنيب الضمير
يعني لو المشوار حيكلفك مثلا 10جنيه بنزين مع شوية سرعة ملهاش لزمة غرامة سرعة 150جنيه دي اقل حاجة طبعا
البنزين سائل ولازمه علشان يتحرق يتحول لصورة غازية اولا
والكلام ده متوفر بالفعل في حال استخدام الغاز
عيوبه بقي
الوزن الزائد بس مش كتير حله بتعلية السوست بانها ترجع للارتفاع السابق لتركيب الغاز
وحيز ضايع من الشنطة ويمكن التغلب علي الكلام ده بشبكة سقف أو عارضتين يحطو الحاجات الزيادة اللي مش دايما بتكون موجودة
يعني الناس اللي سايقة عربيات هاتشباك عايشين ازاي
لما حتركب غاز في عربيةسيدان حتبقي فعليا هاتشباك
وكل واحد من الاخر ينام علي الجنب اللي يريحه
المفضلات