الموضوع: الغاز الطبيعى .. مؤيد و معارض ادخل و شارك

اما بخصوص مشكلة المساحة ف اعتقد ان شبكة من ام 35 جنية المواسير دة هتقوم ب الواجب و بعد ما الواحد يوصل مشوارة يفكها و يحطها فى الشنطة و هى نفسها مبتاخدش مساحة

بينى وبينك

مبحبش أشوف أى عربيه بالشكل ده

بحس أنى ماشى بالعربيه وشايل عشة فراخ فوق دماغى

المشاركة الأصلية كتبت بواسطة max_ziro

طب لية بس كل المعارضة دى
تعالوا نخليها معارضة علمية مش معارضة نفسية

يعنى مثلا بيبوظ المتور لية
و لية بيخلية عايز يتعمر؟؟

و لية المعارضة الشديدة لفكرة الغاز
مع انى اعرف ناس عربيتها غاز من سنين و مفيش فيها الهوا و العربيات عاملة فوق ال200 الف كيلو على الغاز و مفيش فيها الهوا

و لاحظوا العروض بتاعت شركات الغاز
130 جنية فى الشهر بدون مقدم و الدفع بعد اول شهر ضمان سنة شامل 100*100
دة غير التفويلة ب 7 جنية
و تمشى العربية اقل واجب 200 كيلو
يبقى لية بقى المعارضة

العيوب الوحيدة الى انا شايفها هى
1- وزن الاسطوانة على العفشة الورانية
2- وزن الغاز نفسة 70 كيلو للتفويلة
3- الفتحات الى بتتعمل عشان المواسير تمشى


و للعلم ليا اصحاب جايبين العربيات زيرو و مركبينة و مفيش اى حاجة سلبية حصلت فى العربية ..

+1+1+1+1+1+1
لو كان المنتدى يسمح بالشكر لشكرت حضرتك الف مرة
و دعني بالإضافة الى رأيك القيم أزيد بأن الذين ردوا جميعا يمكن تقسيمهم الى قسمين طبقا للتقسيم الطبقي للمجتمع المصري
فليس من المعقول ان يوافق اصحاب الطبقات العليا ممن يركبون احدث السيارات الألمانية أو الفرنسية أو حتى اليابانية على تركيب مثل هذا الجهاز, لقد قرأت مقالات لكثير من الأعضاء يحتقرون من يستخدم البنزين ال80 أو حتى ال90 في سياراتهم و انهم على استعداد لإستخدام البنزين ال92 أو ال95 حتى لو وصل سعره الى 5 جنيه للتر مع أن في معظم دول الخليج التي هي اعلى منا دخلا و أقل سعر للبنزين فإن معظم الناس لا يستخدمون الا النزين ال90 و النوع الآخر ال98 يستخدم فقط للسيارات ذات المحركات ال8 سلندر أو أكثر و لكننا شعب يحب الفشخرة على بعضه و تجد الواحد منهم يقولك انا مش باحط في عربيتي الكورية و لا الصيني المعفنة (اسف في اللفظ و لكني اقصد به كلا الدولتين و ليس الصيني فقط) الا بنزين 92 او 95
اما الطبقة الثانية و هي معظم أراد الشعب المقهور فالغاز و قود مثالي بالنسبة لهم و العيب الرئيسي للغاز و هو بطء تسارع السيارة في رأيي لا يؤثر على شخص هدفه الوحيد أن يجد وسيلة مواصلات مناسبة له و لأسرته ترحمه من الحر و البرد و جبروت الميكروباصات و المواصلات العامة
و لذلك انا لا أهتم باراء الباشوات و البهاوات اصحاب المرسيديسات و البي امات و الفولكسات و غيرها مع انهم لا يسوون شيئا بجوار أثرياء الخليج الذين يستخدمون البنزين ال90 فقط و ليس ال92 أو ال95 بتاع القشخرة الفاضية و للعلم كتالوجات الصيانة الخاصة بمعظم السيارات الحديثة مطبوعة في مصر و توصي باستخدام ال92 لزوم الفشخرة لكن راجع الكاتلوجات الأصلية باستثناء محركات السوير تربو شارجر و التي بالفعل تحتاج اوكتين اعلى ستجد ان البنزين الموصى به لأكبر الشركات العالمية هو 90 اوكتين

و باعتباري واحد من السواد الأعظم فأنا أؤيد الغاز الطبيعي الذي وهبه الله لمصر و ربما يكون له بعض العيوب كما ذكر الأخوة الأفاضل و لكن تبقى مميزاته أكثر من عيوبه و قد استخدمته من قبل مع سيارة هيونداي اكسيل من سنة 98 و حتى سنة 2002 عندما بعت السيارة و لم أقابل معه أي مشكلة
و تحياتي للجميع

المشاركة الأصلية كتبت بواسطة ahmed_moeaz

العربية نازلة تشتغل بنزين يبقى تفضل بنزين اما لو كانت نازلة من المصنع نفسه تشتغل غاز ماشى انما التحويل غلط*غلط والعربية بتحتاج تتعمر وبعد متعمر بتفضل شغال شهر تقريباً على البنزين!!! وبعدها تحط غاز

يا سلام لو فعلا التوكيلات تجيب العربيات غاز. أو أي حاجة غير البنزين. مرة كنت راكب بيجو 407 بتشتغل سولار لما بتمون و تفول مبتتصدمش لما تسأل كام زي ما بيحصل مع البنزين...
حاجة funny على جنب كده أنا جيت أصوت فى الأستطلاع قريت العنوان (هل انت من المؤيدين ام المعارضين) أفتكرت محمد صبحى لما قالها فى مسرحية تخاريف

هو طبعا العربيات اللى نازلة غاز أحسن حاجة بس مقارنتنا دلوقت بين هل توفير فلوس البنزين هيغطى تكاليف الغاز و الأضرار اللى ممكن تنتج عنه.
أنا لو عربيتى ألمانى أو يابانى كنت هأخاف
لو عربيتى زيرو كنت هأخاف و كانت هتصعب عليل أقتح فيها شغل و هى لسه عروسة جديدة.
لو عربيتى مستعملة من كام سنة و صيانتها عند أي ميكانيكى سهلة عشان مشكلة عفشة أو موتور كنت هأدووووووس بقلب جامد