حصرياً : تركيب مسند يد للابيزا 2010 (صور)

السلام عليكم ورحمة الله وبركاتة
بسم الله والصلاة والسلام على سيدنا محمد خاتم المرسلين

هذا الموضوع خاص وحصرى لمنتدى نايل موتورز

من فترة كبيرة جداً تقريبا من اول ما استلمت العربية فى شهر يناير 2010 وانا نفسى اركب لها مسند يد خصوصاً لما كنت بتفرح على صور العربية على الانترنت وكنت بشوف شكل مسند اليد الى بينزل فى العربية

والحمد لله من فترة لقيت على الانترنت شركة فى انجلترا اسمها ArmSter بتبيع مساند يد تقريباً لمعظم انواع العربيات حسب المكونات والشكل الداخلى للعربية بما يتناسب مع العربية من غير ما يخلى شكل المسند وحش جوة العربية وغير كدة كمان سهل التركيب

فى ناس هتسألنى طب انت لقيتة هنا فى مصر ؟
واشتريتة منين ؟
وبكام؟
وصناعة اية؟

للاسف الشديد مش موجود فى مصر
اشتريتة من انجلترا (انا اخويا بيشتغل هناك)
وسعره حوالى 900 جنية مصرى والاصلى تقريباً بحوالى 1200 جنية مصرى
الصناعة اتحاد اوروبى

ودة موقع الشركة على الانترنت
http://www.armster.co.uk
http://www.armster.co.uk/images/arms..._upright01.jpg

ودة مميزات المسند
http://www.armster.co.uk/images/arms...nctions_01.jpg

ودة شكل وطريقة التركيب بالنسبة للابيزا 2010
http://www.armster.co.uk/images/arms...t_ibiza_08.jpg

انا عارف انى طولت عليكم اوى فى المقدمة

ندخل بقى على التركيب
شكل المسند قبل التركيب والمكون من :
1 - الجزء العلوى للمسند
2 - الجزء السفلى للمسند والمخصص للابيزا 2010
(يختلف هذا الجزء من سيارة لاخرى حسب النوع والموديل)
3 - كيس المسامير المخصصه للتثبيت
8 مسامير-(4 لتثبيت الجزء السفلى بالسيارة)-(4 لربط الجزء العلوى من السند بالجزء السفلى)
http://foci5a.bay.livefilestore.com/...280.jpg?psid=1

http://foci5a.bay.livefilestore.com/...281.jpg?psid=1

الادوات المستخدمة فى عملية التركيب
والمكونة من :
1- شنيور
2- قلم تحديد (Marker)
3- مفك صليبة عادى او كهربى حسب المتوفر
4- بونطة شنيور مقاس 3مم

http://foci5a.bay.livefilestore.com/...282.jpg?psid=1

نستعين بالموالى عز وجل ثم ناخد الادوات والمسند وننزل على العربية

1- نقدم الكراسى والظهر بتعها للامام عشان نوسع العربية من الخلف
http://foci5a.bay.livefilestore.com/...283.jpg?psid=1

2- نجيب الجزء السفلى من المسند ونضعة على الجزء الاخير من خلف عصى فرامل اليد ونحدد بالقلم اماكن المسامير (4 اماكن) 2 يمين و 2 شمال
http://foci5a.bay.livefilestore.com/...284.jpg?psid=1

http://foci5a.bay.livefilestore.com/...285.jpg?psid=1

3- نجيب الشنيور ونخرم الاربع اماكن للمسامير
http://foci5a.bay.livefilestore.com/...286.jpg?psid=1

4- نركيب الجزء العلوى من المسند فى الجزء السفلى بواسطة المسامير المخصصة لذلك وبعدها نضع المسند فى المكان المخصص له
http://foci5a.bay.livefilestore.com/...287.jpg?psid=1

5- نربط المسامير الخاصة بالجزء السفلى للمسند حتى يصبح ثابت داخل السيارة
http://foci5a.bay.livefilestore.com/...288.jpg?psid=1

6- نقوم بتعديل ارتفاع المسند بما يتلائم مع صاحب السيارة
http://foci5a.bay.livefilestore.com/...289.jpg?psid=1

http://foci5a.bay.livefilestore.com/...290.jpg?psid=1

وذلك عن طريق بكرة موجودة اسفل صندوق المسند
http://foci5a.bay.livefilestore.com/...294.jpg?psid=1

على فكرة الموضوع كلة ما خدش منى اكتر من 10 دقايق وكان الشكل النهائى
http://foci5a.bay.livefilestore.com/...293.jpg?psid=1

http://foci5a.bay.livefilestore.com/...295.jpg?psid=1

http://foci5a.bay.livefilestore.com/...292.jpg?psid=1

http://foci5a.bay.livefilestore.com/...296.jpg?psid=1
ارجو من الله عز وجل ان اكون وفقت فى الشرح وافادتكم
جزاكم الله خيراً

برجاء ذكر المصدر فى حالة النقل او الاقتباس

اولا الف مبروووووووووووك وثانيا شكرا على الموضوع والشرح

اقتباس:

---

المشاركة الأصلية كتبت بواسطة mohamed.ramah

اولا الف مبروووووووووووك وثانيا شكرا على الموضوع والشرح

---

بارك الله فيك يا محمد
وجزاك الله خيراً

الف مبروك يا باشا

اقتباس:

---

المشاركة الأصلية كتبت بواسطة ahmednashaat

الف مبروك يا باشا

---

بارك الله فيك

الف مبروك
شكله جميل وشيك
وأحب أوجه لحضرتك تحية خاصة على جرأتك في التعامل مع السيارة و النتيجة النهائية

الف مبروك يا حاتم باشا
هو مش كان ممكن تخلى التوكيل ييجيبلك الاصلى بتاعها (بتاع سيات ) ولا مش ممكن ؟ ويا ترى لو هو موجود تمنه كام ؟



- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

15ب

اقتباس:

---

المشاركة الأصلية كتبت بواسطة mshamy

الف مبروك
شكله جميل وشيك
وأحب أوجه لحضرتك تحية خاصة على جرأتك في التعامل مع السيارة و النتيجة النهائية

---

بارك الله فيك
وجزاك الله خيراً على كلامك الجميل

اقتباس:

---

المشاركة الأصلية كتبت بواسطة gobeltoffire

الف مبروك يا حاتم باشا
هو مش كان ممكن تخلى التوكيل ييجيبلك الاصلى بتاعها (بتاع سيات ) ولا مش ممكن ؟ ويا ترى لو هو موجود تمنه كام ؟

---

بارك الله فيك
وجزاك الله خيراً
طبعاً التوكيل يقدر يجبلى الاصلى وعلى فكرة انا كنت ممكن اشترى الاصلى من انجلترا بس كان تمنة تقريباً هيكون 1200 جنية مصرى

وبصراحة التوكيل برفع سعر الاكسسورات اوى اوى اوى وكمان بيجبهالك بعد 3 شهور من عمل طلب الشراء ودفع الفلوس

يعنى مثلاً انا سالت مرة فى التوكيل على الجنوط الاصلى
قالولى الجنوط 15 بوصة اصلى تمنها من غير كاوتش 5600 جنية وتستلمها بعد 3 شهور
مع العلم وانا بدور على الانترنت وجدت انى ممكن اشترى من انجلترا طقم الجنوط الاصلى 16 بوصة بالكاوتش تقريباً بحوالى 4000 جنية مصرى
فا انا كبرت دماغى من التوكيل فى موضوع الكماليات دة خالص
انا عارف ان فى ناس هتقول سعر المسند غالى جداً
بص انا عندى وجهة نظر فى الموضوع دة انا احب اجيب الحاجة مرة واحدة وتعيش معايا العمر ويبقى شكلها مناسب وجودتها عالية احسن ما اشترى حاجة رخيصة وتكون رديئة وتبوظ بعد فترة قصيرة وممكن تضر اشياء اخرى جنبها

شكرا على الموضوع

الف مبروك علي المسند يا حاتم وجزاك الله خيرا وربنا يباركلك في فكرك وطريقك بحثك وشرحك و.....كل حاجه بصراحة ممتازة

اقتباس:

---

المشاركة الأصلية كتبت بواسطة احمد عبدالله

شكرا على الموضوع

---

جزاك الله خيراً

اقتباس:

---

المشاركة الأصلية كتبت بواسطة ehab_mansour

الف مبروك علي المسند يا حاتم وجزاك الله خيرا وربنا يباركلك في فكرك وطريقك بحثك وشرحك و.....كل حاجه بصراحة ممتازة

---

جزاك الله خيراً
بارك الله فيك

شغل علي اوي. الف مبروك يا أستاذ حاتم. وفعلا العربية ناقصها المسند ده والجنط.

اقتباس:

---

المشاركة الأصلية كتبت بواسطة john_samy_1

شغل علي اوي. الف مبروك يا أستاذ حاتم. وفعلا العربية ناقصها المسند ده والجنط.

---

شكراً جدا يا استاذ جون الله يبارك فيك
اتفضل ياباشا ما يغلاش عليك
وقريب جداً فى جهاز الانذار وحساسات الركن والجنوط

مبروك يا باشا
بس انا شايف انك افلت على الفتحة المدورة للراكبين ورا
متعرفش يا باشا dvd يكون تتش للعربية و يركب فى الفتحة الاصلية

الف مبروك شكلة جميل جدا و واضج ان جودتة عالية

جاااااااااااااااااااااااا اامد جدااا انت استاذ

اقتباس:

---

المشاركة الأصلية كتبت بواسطة sherifahmed

مبروك يا باشا
بس انا شايف انك افلت على الفتحة المدورة للراكبين ورا
متعرفش يا باشا dvd يكون تتش للعربية و يركب فى الفتحة الاصلية

---

بارك الله فيك
وجزاك الله خيراً
فعلاً الفتحة الخلفية اتلغت بس المسند الاصلى بيعمل نفس الموضوع
ادورلك على dvd وابعتلك اللينك على طول

اقتباس:

---

المشاركة الأصلية كتبت بواسطة mohbasyouni

الف مبروك شكلة جميل جدا و واضج ان جودتة عالية

---

بارك الله فيك
وجزاك الله خيراً
اتفضل يا باشا مايغلاش عليك

اقتباس:

---

المشاركة الأصلية كتبت بواسطة snakeson2

جاااااااااااااااااااااااا اامد جدااا انت استاذ

---

بارك الله فيك
وجزاك الله خيراً

mabrooooooooooooooooooooooooook

اقتباس:

---

المشاركة الأصلية كتبت بواسطة hatemahmed75

شكراً جدا يا استاذ جون الله يبارك فيك
اتفضل ياباشا ما يغلاش عليك
وقريب جداً فى جهاز الانذار وحساسات الركن والجنوط

---

ربنا يخليك, بس حضرتك كده هتخلي بقيت العربيات تبور :C_laugh[1]:.

اقتباس:

---

المشاركة الأصلية كتبت بواسطة John_Samy_1

ربنا يخليك, بس حضرتك كده هتخلي بقيت العربيات تبور :C_laugh[1]:.

---

:C_laugh[1]::C_laugh[1]::C_laugh[1]::C_laugh[1]::C_laugh[1]::C_laugh[1]:

اقتباس:

---

شكراً جدا يا استاذ جون الله يبارك فيك
اتفضل ياباشا ما يغلاش عليك
وقريب جداً فى جهاز الانذار وحساسات الركن والجنوط

---

هى مش العربية فيها اصلا انذار؟

اقتباس:

---

المشاركة الأصلية كتبت بواسطة sherifahmed

هى مش العربية فيها اصلا انذار؟

---

العربية فيها نظام تأمين يمنع دخول او خروج اى شخص من والى العربية وليس جهاز انذار

الف مبروك يا حاتم باشا علي المسند
معلش لو فيها رخامة لو احتجت حاجة من انجلترا للعربية ممكن تجبهالي حضرتك و لو عايز نسبة ربح مافيش مشكلة بس اكيد طالما حضرتك دورت كده يبقي اكيد عرفت ان الابيزا في انجلترا هي الاكثر انتشارا بين الشباب و عندهم لها كماليات كتيير جدا انا اعتقد هي منتشرة في انجلترا اكتر من اي بلد تانية :] مستني رد حصضرتك و اسف علي الاطالة

مبروك ... المسند شكله شيك وملائم للصالون ولون الكراسي
موضوعك مميز وشرح ممتاز

الف نهار ابيض والف مبروك يا حاتم جامدد

اقتباس:

---

المشاركة الأصلية كتبت بواسطة mr_shims_49

الف مبروك يا حاتم باشا علي المسند

---

اقتباس:

---

المشاركة الأصلية كتبت بواسطة د.محمود صلاح

مبروك ... المسند شكله شيك وملائم للصالون ولون الكراسي
موضوعك مميز وشرح ممتاز

---

اقتباس:

---

المشاركة الأصلية كتبت بواسطة windsofchange

الف نهار ابيض والف مبروك يا حاتم جامدد

---

بارك الله فيكم
وجزاكم الله خيراً

صراحه ليك حق تشتريه بالسعر ده وليك حق تجيبه من بره لان العربيه من غيره شكلها زباله

اقتباس:

---

المشاركة الأصلية كتبت بواسطة m_mekkawy

صراحه ليك حق تشتريه بالسعر ده وليك حق تجيبه من بره لان العربيه من غيره شكلها زباله

---

اتفضل يا باشا ميغلاش عليك

الف مبروك يا حاتم بيك اوحييك على شغلك الجميل فى العربية
ربنا يباركلك فيها

عاشت إيديك والف مبروك

اقتباس:

---

المشاركة الأصلية كتبت بواسطة hatemahmed75

اتفضل يا باشا ميغلاش عليك

---

حبييييييييييييييييييب قلبى
الله يخليك
الألنترا فيها واحد جاى فيها

شكرا على الشرح و الافادة

شكرا عالمموضوع.....انا بقالي مده بادور عليه
عايز اجييب واحد للايفو بتاعتي

ما شاء الله شغل عالي اوي يا باشا تسلم ايديك

مبروك عليك

مشكوووووور والله يعطيك الف عافيه

ممكن استفسار لو سمحتوا ؟؟؟؟
انا عندي ابيزا 2002 هل ينفع عندي مسند اليد دة ولا هيبقي كبير ؟؟؟؟
http://nileup.com/up/uploads/nilemotors_13882237951.jpg

ينفع عادى
وبعدين التجربه العمليه فى الحجات ديه افضل يعنى تختار وتخلى صاحب المحل يجربه عندك بس كده

اقتباس:

---

المشاركة الأصلية كتبت بواسطة hossamalsadik

ينفع عادى
وبعدين التجربه العمليه فى الحجات ديه افضل يعنى تختار وتخلى صاحب المحل يجربه عندك بس كده

---

اشكرك يا استاذ حسام ، هجرب وهقول لحضرتك النتيجة