انا رايح بكرة و ما حدش عبرنى

انا رايح بكرة اوماترا و ما حدش عبرنى المفروض ان استاذ ماجد قاللى ان استاذ طارق ها يكلمنى و يشوف لى حل فى المشاكل اللى قلتله عليه (بالذات المشاكل المتعلقة بالحساب زى اللخبطة فى نسبة الخصم لنايل موتورز و عدد ساعات المصنعية اشتغلوا تلاتة و حاسبونى على 7!!) ده غير ان اصلا طلمبة البنزين كان المفروض تتغير الصيانة(120 الف) اللى فاتت ربنا يستر و ما تكونش بوظتلى حساس الشكمان انا هاروح من غير معاد عشان مسافر بكرة بالليل و مش ها ينفع اسافر بيها كدة (للأسف مستعجل كالعادة ما بعرفش اهاتى معاهم) دا غير ان ما فانش 3 شهور من ساعة ما كنت عندهم اخر مرة مش فاهم العربية دى بتعمل فيا كدة ليه كل ما اروح لهم بعديها بيومين تطلع لى بحاجة جديدة, حاجة كمان ازاى اسيبهم بعد ما يكشفوا على العربية و يقولولى عايزة ايه و اروح الكيلانى و ارجع اسيبلهم الساعة رهن يعنى؟
يا ريت يا جماعة حد يساعدنى افهم هاعمل ايه بكرة احسن ها يبقى يوم علقة

نمرتى اهى يمكن استاذة دينا او استاذ ماجد يكلمونى الصبح

أول ما توصل إطلع للبشمهند طارق جبريل وقوله على الوضع وهو إن شاء الله يعمل اللازم

خلاص ان شاء ,شكرا يا يوكو باشا و حمد الله على السلامة

نسيت احط نمرتى احتياطى برده 0105660802

زى ما احمد قال لحضرتك، اول ما توصل اوماترا تطلع للمهندس طارق جبريل وقوله ليه مردتوش عليا فى موضوع الشكوى؟؟؟

الف شكر ليكو يا جماعة

ابقى طمنا يا دكتور عملوا ايه معاك؟؟؟
ياخوفى لاحسن تكون ريما رجعت لعادتها القديمه ويكونوا رجعوا لتكبير الدماغ والتنفيض

انت متخيل ايه طبعا
رحت ما لقيتش استاذ طارق و لا دينا كلمتها قالتلى قول لمدير الصيانة محمود ابو زيد قعدت احكيله حاضر و بتاع و هاشوف و نزل خلاهم يدخلونى فضلت ملطوع لحد 5 (انا واصل 2.5) قاعد اسمع الناس بتدعى عليهم و تتخانق معاهم (هاحكيلكو على الناس بعدين) العربية كانت بتنتش و مدية engine failure مسحوه ما رجعش و بس هو ده اللى عملوه قلتلهم العربية لسة بتقطع و تنتش قالولى سيبها و روح بتاكسى على حسابنا و ها نبعتهالك (اى اشتغالات انا قايله انى مسافر) بس الصراحة قابلت حد بيفهم باشمهندس شريف بتاع الكهربا مش الاستقبال و جرحولى التابلو و شحموه تانى رغم انى قلت للراجل المدير يقولهم ياخدو بالهم و قلت للعامل ان المهندس لؤى فى الدقى عملها بمفتاح عريض بمنتهى السهولة قاللى اصله ممنوع!!؟ يعنى من الاخر رحت و جيت ما عملوليش حاجة الا كتر الف خيرهم ما دفعونيش حاجة (ضحكوا على ب30 جنيه يعنى)
احكيلكوا بقى على الناس اللى شفتها هناك
1-واحد معاه لينيا 2009 و قاعد يولول انه فى سنة و شهرين دفع 10000 جنيه صيانات و بتاع
مغيرين له طنابير عند 18000 كم وداها عند واحد قاله ممكن تتخرط و شايلها عنده ستبن غيرو له سيور و بلية شداد طبعا عند 40000 كم و كانو عايزين يغيروا طنابير تانى!!
العربية الكهربا مهيسة يدى نور عالى التكييف يفصلو حاجات غريبة كدة و هو ده اللى كان موديه اصلا طبعا الصيانة خلصت 1.5 و العربية فضلت مركونة برة لحد 3 و بعديها كشفوا عليها و قالوله بكرة بقى تيجى من النجمة (الواد كان محروق دمه رغم انه مهذب جدا) فضل قاعد عندهم 9 ساعات و فى الاخر قالوله على الحساب اكتر الف و نص عن الكلام الأول (كانهم فكة) و الواد اضطر يروح يسحب فلوس و ييجى و ما عرفش يتصرف فى المبلغ كله عملوله خصم 60 جنيه بعد الخصم الأول
2- راجل كبير كان معاه لينيا كان قاعد يتريأ عليهم و على نظامهم و فطسنا من الضحك فعلا العربية فى الغالب مرمية فى البارك و ما حدش عارف هى فين و الصنايعية قاعدين يتمشوا حوالين العربيات طب بيورونا ليه ياخدوهم ورا ستارة سودة و يريحونا بلاش حرقة دم
3- واحد كان معاه ع ربية زى بتاعتى (اول مرة أشوفها هناك) و بفتحة سقف كمان 2006 عاملة 20000 بس و رايح يعمل الصيانة فا بيقول للمهندس و السيور ايه نظامها؟ كأنه ما صدق احسن لك تتغير عشان بقالها من 2006 عشان الموتور بعد الشر و حاجات كده بس عجبنى قاله لأ برده
4- واحد قالوله العربية ها تخلص 2 و استلمها 5 برده كان قاعد يصوت من المواعيد
من الاخر حاجة تحرق الدم تقريبا كان فى زى مظاهرة فى اودة الحسابات دى بس تريقة الراجل الكبير كان قاعد يتريق عليهم و الناس تضحك

اضافة بس الولد بتاع اللينيا كان عنده فتحات التكييف الاربعة مشققين و واحدة منهم اتكسرت قالهم غيروهالى قالوله الواحدة ب 375 جنيه فقالهم ليه قالوله عيب استخدام فعقب و الكلام له "ليه انا باتشعلق فيهم الاربعة" هاهاهاها
انا مسافر و مش معايا كمبيوتر هاشوف ايه النظام الاسبوع الجاى
اشوفكم على خير

الكلام ده ميطمنش ابدا :120146b

تأملت اليوم قبل قراءة هذا الكلام في مصير فيات مع أوماترا واقتنعت إنه مفيش فايدة..

يا اخوانا الناس دي دخلت على توكيل الفيات الملاكي غلط وعايزين يبلطجوا وبس.

لن يدعم التوكيل سياراته بجهد تسويقي يضمن سعر إعادة البيع

الموضوع ده مش في دماغهم

والكلام في التحسن يكدبه إنهم مابيبعوش غير بونتو بمشتقاتها دلوقتي

هو لا مؤاخذة فيه واحد بخيل بيتغير؟

انا كده بفكر جديا اني الغي الحجز بتاع الايفو :shyy:
انا ماليش في المرمطه ديه
اهو اشوفلي عربيه اي كلام و توكيلها محترم احسن ماجيب عربية احتاس بيها.

ده رد الأستاذ ماجد تدرس
http://www.nilemotors.net/Nile/3872778204-post118.html

طب ماهو كان فيه قبل كده رد الاستاذ ماجد و رد مهندسه دينا و كانوا كمان لنفس الشخص صاحب الشكوي(Dr.Halawa) و اتعمل فيه كده
امال هيعملوا ايه في باقي الناس؟؟؟؟؟
الواحد بيجيب عربيه زيرو عشان يريح دماغه من الميكانيكيه
بس الواضح ان اللي بيجيب فيات بيدفع و بيتعب اكتر بكتيير.

هايبحث المشكلة
هوايات اللينيا هاتفضل مكسورة, البونتو هاتفضل تنتش, و غيره كتيير
و كل سنة و انت طيب
كل لما اتهبل فى عقلى و أقرر أروح هناك, تحصل حاجة و أقول ماله أسطى بلية زى الفل

اقتباس:

---

المشاركة الأصلية كتبت بواسطة dr. Halawa

انت متخيل ايه طبعا
رحت ما لقيتش استاذ طارق و لا دينا كلمتها قالتلى قول لمدير الصيانة محمود ابو زيد قعدت احكيله حاضر و بتاع و هاشوف و نزل خلاهم يدخلونى فضلت ملطوع لحد 5 (انا واصل 2.5) قاعد اسمع الناس بتدعى عليهم و تتخانق معاهم (هاحكيلكو على الناس بعدين) العربية كانت بتنتش و مدية engine failure مسحوه ما رجعش و بس هو ده اللى عملوه قلتلهم العربية لسة بتقطع و تنتش قالولى سيبها و روح بتاكسى على حسابنا و ها نبعتهالك (اى اشتغالات انا قايله انى مسافر) بس الصراحة قابلت حد بيفهم باشمهندس شريف بتاع الكهربا مش الاستقبال و جرحولى التابلو و شحموه تانى رغم انى قلت للراجل المدير يقولهم ياخدو بالهم و قلت للعامل ان المهندس لؤى فى الدقى عملها بمفتاح عريض بمنتهى السهولة قاللى اصله ممنوع!!؟ يعنى من الاخر رحت و جيت ما عملوليش حاجة الا كتر الف خيرهم ما دفعونيش حاجة (ضحكوا على ب30 جنيه يعنى)
احكيلكوا بقى على الناس اللى شفتها هناك
1-واحد معاه لينيا 2009 و قاعد يولول انه فى سنة و شهرين دفع 10000 جنيه صيانات و بتاع
مغيرين له طنابير عند 18000 كم وداها عند واحد قاله ممكن تتخرط و شايلها عنده ستبن غيرو له سيور و بلية شداد طبعا عند 40000 كم و كانو عايزين يغيروا طنابير تانى!!
العربية الكهربا مهيسة يدى نور عالى التكييف يفصلو حاجات غريبة كدة و هو ده اللى كان موديه اصلا طبعا الصيانة خلصت 1.5 و العربية فضلت مركونة برة لحد 3 و بعديها كشفوا عليها و قالوله بكرة بقى تيجى من النجمة (الواد كان محروق دمه رغم انه مهذب جدا) فضل قاعد عندهم 9 ساعات و فى الاخر قالوله على الحساب اكتر الف و نص عن الكلام الأول (كانهم فكة) و الواد اضطر يروح يسحب فلوس و ييجى و ما عرفش يتصرف فى المبلغ كله عملوله خصم 60 جنيه بعد الخصم الأول
2- راجل كبير كان معاه لينيا كان قاعد يتريأ عليهم و على نظامهم و فطسنا من الضحك فعلا العربية فى الغالب مرمية فى البارك و ما حدش عارف هى فين و الصنايعية قاعدين يتمشوا حوالين العربيات طب بيورونا ليه ياخدوهم ورا ستارة سودة و يريحونا بلاش حرقة دم
3- واحد كان معاه ع ربية زى بتاعتى (اول مرة أشوفها هناك) و بفتحة سقف كمان 2006 عاملة 20000 بس و رايح يعمل الصيانة فا بيقول للمهندس و السيور ايه نظامها؟ كأنه ما صدق احسن لك تتغير عشان بقالها من 2006 عشان الموتور بعد الشر و حاجات كده بس عجبنى قاله لأ برده
4- واحد قالوله العربية ها تخلص 2 و استلمها 5 برده كان قاعد يصوت من المواعيد
من الاخر حاجة تحرق الدم تقريبا كان فى زى مظاهرة فى اودة الحسابات دى بس تريقة الراجل الكبير كان قاعد يتريق عليهم و الناس تضحك

---

يوم الحرية يوم ان شاء الله م ابيع عربيتى واجيب هيونداى او كيا او الحاجات المنتشرة فى السوق بتعنا

انا ما سافرتش و هاروح بكرة ان شاء الله و اقابل الولد بتاع اللينيا ده تانى
احكيلكو عنه اكتر بعد اخر صيانة راح عند ميكانيكى لقى العفشة مفكوكة خالص و بتجيب معاه ربط من كل حتة (بيفكرك بمين يا يوكو)
والمهندس الظريف كان قاعد يتريأ على تقفيل اللينيا و بيقوله تلاقى الضفيرة جت حتة منها تحت الدبرياج فسلكة هربت و لازم يتشيك على الضفيرة كلها و بيضحك بس هو عدل كلامه الصراحة مش تريأة و قاللى انت و حظك و انه كان شغال فى اسبيرانزا قبل كده و شاف عربيات كملت 80000 كم من غير و لا مشكلة و عربية جابت سير كاتينة و موتور بعد 700 كم بس

اقتباس:

---

المشاركة الأصلية كتبت بواسطة Moe86

هايبحث المشكلة
هوايات اللينيا هاتفضل مكسورة, البونتو هاتفضل تنتش, و غيره كتيير
و كل سنة و انت طيب
كل لما اتهبل فى عقلى و أقرر أروح هناك, تحصل حاجة و أقول ماله أسطى بلية زى الفل

---

مع كامل احترامى و حبى للبونتو كلاسيك

ايه التكنولوجيا العويصة اللى فيها اللى مخلاية مركز الصيانة مش عارف يعملها !!!
عربية بتنزل من اول التسعينات ازاى مش عارفين يظبطوها ؟؟
الا لو عارفين و بيلفوا و يدوروا علشان ما يغيروش حاجة فى الضمان
المفروض الكنترول يتراجع و نظام الحقن و الحساسات كلها تتراجع و اللى بايظ يتركب غيروه
و عيب بصراحة اوى اللى هما بيعملوه فى الناس ...حاجة تكسف
و كمان المفروض حضرتك تجرب العربية عندهم لو ما اتظبطتش ارفض استلامها و بلغ حماية المستهلك و خلى الدنيا تتقلب

انا مش عارف حايعملوا ايه مع المكن التيربو لما يقدم شوية و يبتدى يحتاج صيانة بجد :N_no[1]:

انا بجد مش عارف اقول ايه هل استاذ ماجد رد بس علشان بتوع ايطاليا كلموه وشدوا على مشاكل الناس؟؟؟؟؟ ولا كانا بنثبت لحد ما الموضوع ينام هو قالى مفيش الا 5 او 6 عربيات اللى فيهم مشاكل وانا بايع 5000 طب ما يمكن ال 4995 مش مشتركين فى نايل موتورز ويمون فعلا فى مشاكل وبعدين يا دكتور مبلغ 10000 جنيه واحد دفعهم سنه فى صيانه ليه صيانه بى ام؟؟؟
انا بجد مذهول استاذ ماجد قال كل المشاكل دى هتتحل على اخر السنه لما يفتحوا المركزين بتوع ابو رواش و العباسيه
انا بجد مش عارف اقول ايه
انا رايى مهله لمده اسبوع واحد لا اكثر ولا اقل وموضوع الشكاوى يرجع ويكون اقوى من الاول ولا انتم رايكم ايه

ياريت لو فى تحرك ايجابى زى بحث لمركز صيانة يكون على كفائة عليا غير التوكيل زى اما حصل فى كيا ومركز تكنووان وايضا تحرك فى جانب اخر مع التوكيل ويبقى اللى بيعمل الصيانة حيعملها وهو مرتاح وشكاوى فيات لااوماترا مستمرة دى من وجهة نظرى واظن كدة يبقى احسن والناس تشترى وهى مطمنة والله الموفق

اقتباس:

---

المشاركة الأصلية كتبت بواسطة ghamrawy

مع كامل احترامى و حبى للبونتو كلاسيك

ايه التكنولوجيا العويصة اللى فيها اللى مخلاية مركز الصيانة مش عارف يعملها !!!
عربية بتنزل من اول التسعينات ازاى مش عارفين يظبطوها ؟؟
الا لو عارفين و بيلفوا و يدوروا علشان ما يغيروش حاجة فى الضمان
المفروض الكنترول يتراجع و نظام الحقن و الحساسات كلها تتراجع و اللى بايظ يتركب غيروه
و عيب بصراحة اوى اللى هما بيعملوه فى الناس ...حاجة تكسف
و كمان المفروض حضرتك تجرب العربية عندهم لو ما اتظبطتش ارفض استلامها و بلغ حماية المستهلك و خلى الدنيا تتقلب

انا مش عارف حايعملوا ايه مع المكن التيربو لما يقدم شوية و يبتدى يحتاج صيانة بجد :n_no[1]:

---

حاجة تحرق الدم فعلا, لأن مشاكلى الأساسية فى التكيف و الدبرياج و العفشة, يعنى مش كمبيوتر و حساسات و كدة
المشكلة انى فى ال3 مرات اللى رحت فيها التوكيل, بحجز على 11 كدة و العربية تخلص على 4ونص , فلما بستلم العربية بيكون أغلب المهندسين و العمال مشيوا خلاص, دة غير ان فى حاجات بتبان بعد لما أمشى

على فكرة, أنا رحت التوكيل 3 مرات, قلتلهم على المشاكل فى صيانة ال10,000 و مرة لما كانت العربية عاملة 15,000 و مرة تالتة فى صيانة ال20,000
خايف أروح مرة كمان و المشاكل كلها ماتتحلش فى نفس اليوم, ساعتها ممكن أولع فى العربية و مركز الصيانة
و مش بروح للميكانيكى غير فى حاجات بسيطة زى تغير الزيت مثلا لما العربية عملت 30,000, لأنى مش بثق فيه قوى و مش عايزه يلعب فى العربية

اقتباس:

---

المشاركة الأصلية كتبت بواسطة ahablass

هو أخبار د.حلاوة ايه و اخبار المشكلة بتعته ايه عايزين نطمن عليه
و نشوف فعلا اوماترا حلوا مشكلته و لسة

---

تابع معانا على التردد الجدبد
http://www.nilemotors.net/Nile/161502-a.html