اقتباس:
المشاركة الأصلية كتبت بواسطة ahmed samy
يا اخواننا الله يكرمكم
انا شايف اننا لما نكون في بلد درجة الحرارة فيها بتكسر الأربعين في بعض ايام الصيف يبقى التكييف ما عادش رفاهية
و بعدين الأستاذ كريم بيقول ان التكييفات هاتكون بحد أدنى لتعديل الحرارة لتوفير جو مناسب و ليس بغرض التبريد و التسقيع يعني
أما الإخوة اللي شايفين ان هناك ابواب أولى
أكيد لكل باب من ابواب الخير ما هو أولى منه
لكن الأولوية لا تقطع السبيل على الأبواب الأخرى
اللي عنده اسره معدمه و قدامه جامع ....يدي للمعدمين
انما اللي شايف باب مفتوح للخير يقوم يحاول يقفله و مافيش في ايده باب تاني يبقى يراجع نفسه
و الخير ما بيخلصش علشان نشيل من هنا و نحط هنا
خير الله في عباده كتير يكفي هنا و هنا
ربنا يوفق للي فيه الخير
بارك الله فيك يادكتور أحمد ... أنا مقتنع بكلامك جدا
اقتباس:
المشاركة الأصلية كتبت بواسطة abdo_eldesokey
خلاص يا دكتور عشان قلت رأيي بقيت بقفل أبواب الخير .. جزاكم الله خيراً
أكيد هو مش قصده المعنى اللى حضرتك فهمته ..
ولكن وبضرب المثل المذكور إن مبلغ الـ 5000 على فرض إنه ممكن فعلا يجوز عروسين .. إحنا هنا مش بنتكلم على جمع مبلغ 5000 جنيه من فرد واحد .. لأ .. ولكن كل فرد بيدفع مبلغ بسيط حتى ولو كان 10 جنيه وبكده بيكون كل فرد قام بدوره فعلا في المجتمع ... لأن مبلغ الـ 10 جنيه ده نفس الفرد ممكن يدفعه مرة تانية لإعانة أسرة فقيرة وممكن مرة ثالثة لمكافحة مرض السرطان وممكن مرة رابعة لضحايا العدو الصهيوني وممكن مرة خامسة للأيتام ......... وهكذا
وبكدة بيكون الفرد نفسه دفع مبلغ 50 جنيه فقط مثلا ولكن في كل ابواب الخير اللى قدر يعثر عليها ... لأن أصلا العثور على ابواب الخير في الزمن اللى إحنا فيه ده أصبح شيء صعب عشان بقى عادي جدا إنك تطلع الفلوس وتديها لمن تعتقد أنه مستحق لها وبعدين تلاقيه بيروح يشم بيها ولا يشرب بيها أي هباب
بالنسبة لتصريح تركيب التكييف .. أعتقد أصلا إن المسجد ده غير تابع لوزارة الأوقاف من الوصف بتاع كريم .. وإن كان تابع .. عادي برضه ممكن التصريح يمشي زي أي حاجة في مصر ... بالواسطة مثلا
بارك الله فيك ياكريم باشا