مسجد بحاجة ماسه لتكييفات-يا باغي الخير اقبل 1

**Karim_Monir** · 19-06-2010 01:12 AM

ان شاء الله وبمناسبة دخول شهر رجب اول الاشهر الحرم نويت اعمل سلسلة اسمها
يا باغي الخير اقبل
الهدف منها ان كل مايكون في حالة خير تم التحري عنها وعايزين نساعدها نقدر نجمع من بعض ونتكفل بيها
الموضوع هايكون على نطاق ضيق جدا وبعد تحري واسع للمصداقية والامانة ولن تقبل تبرعات على العام الا في اضيق الحدود
نرجع لاول حالة
بيت من بيوت الله بحاجة ماسة وبشدة الا تكييف
لان المصلين يكادون يفقدون تركيزهم من شدة الحر والمعاناة
وامام المسجد رجل صالح يحبه المصلين ويقبلون على الصلاة خلفة
مساحة المسجد صغيرة مائة متر فقط
وبعد اجراء عدة مقايسات تم التوصل لكونة يحتاج الى 25 الف جنية
ولصعوبة المبلغ تم اعادة التفكير باسلوب مختلف واقتصادي بشدة
المسجد له واجهة امامية والخلف بها دورات المياه
سيتم تركيب عدد 3 تكييفات شباك لتقليل التكلفة قدرة كل جهاز 3 حصان باجمالي 9600 جنيه
ومن الخلف يكفي جهاز واحد 4 حصان او 5 لم يتم تحديد ثمنه بعد
مقايسة المكان تقول ان المطلوب 18 حصان
ولكننا سننزل لاقل من ذلك على امل التبريد فقط والوصول لدرجة حرارة معقول يستطيع خلالها المصلون التركيز في خشوعهم
ولو ازمت قوي هانجيب مروحتين كبار قوي بتوع المصانع اللي الواحدة ب 700 جنية دي توزع الهواء البارد جوة المسجد

ثوابك بقي انت يا بختك
صدقة جارية
وفي بيت من بيوت الله
وكام مصلي هايدعي ليك
وحتى الامام هايخلوهم يدعولك
وتاخد ثواب انك ساهمت في خشوع كل الناس دي في صلاتها
وتاخد ثواب انك خليت الناس تطيل في الصلاة والتذكر والعبادة في بيوت الله مش تخلص الفرض وتجري
يا بختك يا بختك يعني
اول مبلغ حضر هو الفان من الجنيهات
لسه المشوار طويل
لكن الحر شديد جدا
ورمضان في الحر
وتخيل لما تاخد ثواب فرد واحد بيصلي ترواويح ويديعلك ولا قيام وتهجد ويديعلك في ليالي رمضان

بيانات المسجد والشخص المفوض اللي متابع الموضوع
اسم المسجد : مسجد النور
عنوانه : جزيرة الشيخ - مركز ابو كبير - محافظة الشرقية
اسم الشخص المفوض : ابراهيم لطفي ابراهيم احمد

تليفونة (هاجيبوة بكرة ان شاء الله)
وهابقي اقولكم تحولو فلوس ليه ازاي او ممكن ليا وانا اجمعهم وابعتهالة
وانا بنفس هاشرف على تركيب الاجهزة وتصويرها بعد التركيب

لا تحقرن من المعروف شيئا
ويا بخت اللي هايخدله دعوتين حلوين
تحياتي
كريم منير

**alaa74** · 19-06-2010 01:32 AM

جزاك الله خيرا يا كريم باشا على سعيك الدائم لعمل الخير .

إن شاء الله سأكون من المساهمين فى هذا العمل بإذن الله ومنتظر التفاصيل وكيفيه تحويل الفلوس .

وفقك الله لما يحبه ويرضاة وجعله فى ميزان حسناتك .

**Karim_Monir** · 19-06-2010 02:31 AM

لما يكون المسجد مالوش ابواب او شبابيك غير عند البوابة عشان البخلف فيه مراحيض
ولما يكون مساحة المسجد مائة متر
لو واقف فيه 50 مصلي فقط لمدة 10 دقائق في درجات حرارة تبلغ ال 35 اعتقد مستحيل يركز في الصلاة
طيب امام المسجد اللي هايئم الناس دي في رمضان والتراويح والتهجد مش ممكن هو كمان يفطس من الحر مع تزايد النفس السخن وحركات الصلاة والعرق
ولو الصلاة تزيد عن الساعة زي التراويح والمسجد مفيش غيرة
ولو في صلاة الضهر والعصر ودرجة الحرارة تقرب من ال 40
تكييف المساجد اصبح ضروري وفيه مساجد ناقص العمل فيها ولكن ما شاء الله اهل الخير كتي وبشوفهم يوميا
ربنا يزيد منهم
اما عن الاسر الغلابة ففي الف اوجه انفاق ما بين صدقات الى زكاة مال
ولما يكون في حالة بناء مسجد مانقولش في اسر
ولما يكون فيه اطعام مانقولش ده فيه مرضى
ولما يكون فيه سداد دين ميت نقول الاحياء اولى
لما يكون في حالة بنساعدها
لو مش هاتساعدها
يكفينا دعائك

**Karim_Monir** · 19-06-2010 02:32 AM

توضيح اخر
المسجد مالوش اي شبابيك جانبية لان على جانبية مباني
امام وبه الباب الرئيسي وشبابيك
وخلفي وبه شراعات عالية جدا لوجود دورات المياه
اي ان التهوية به غير جيدة

**akramlail** · 19-06-2010 05:04 AM

اعذرونى فى السؤال اللى بنى المسجد دة كان مهندس ولا اية بالظبط
عشان الوصف دة لا يجوز ان يكون مسجد ممكن مستودع او مخزن
مين اللى بناة من الاول كدة واقل حاجة هيا مراعاة التهوية

**SunSet** · 19-06-2010 05:24 AM

جزاك الله خيرا
فعلاُ 25 الف كثير جدا برغم اني مع الرأي اللي بيقول ان التكييف بقى شئ غير رفاهية

-

-

-

الموضوع: مسجد بحاجة ماسه لتكييفات-يا باغي الخير اقبل 1

LinkBack

أدوات الموضوع

عرض

مسجد بحاجة ماسه لتكييفات-يا باغي الخير اقبل 1 - انشر الموضوع فى :

-

-

-

-

المواضيع المتشابهه

شنط رمضان 2012- يا باغي الخير اقبل ولو ب 10 جنيه

يا باغي الخير اقبل-مطلوب شنط رمضان ومصاحف

مطلوب مساعدة بعربيتك في نقل مكفوفين لافطار-يا باغي الخير اقبل

يا باغي الخير أقبل- مسجدين بحاجة لدورات مياه

يا باغي الخير أقبل (شنطة رمضان)

الكلمات الدلالية لهذا الموضوع

المفضلات

المفضلات

ضوابط المشاركة