الموضوع: لو انت مش مصري كنت هتختار تبقى ايه !!!

ألمانيييييييييييييييييييي ييييييييي
German
Deutschen
بلد الهندسة الميكانيكية اللي على حق!!!!
في رعاية الله

المشاركة الأصلية كتبت بواسطة M.Osman

ولا عدو للإسلام و لا حاجة

احنا اللي بنحب نظرية المؤامرة

احنا اللي خايبين

امريكا مش بتحب غير نفسها و خلاص و مصلحتها فوق اي حاجة
و بصراحة حقها...

السلام عليكم و رحمة الله و بركاته

أنا شايف أن الكلام ده مظبوط ميه فى الميه لأن امريكا و كندا و أوروبا و اليابان, كل الدول دى مايهمهاش فى المقام الأول الا مصلحتها و راحتها و راحة شعوبها بس, العيب علينا احنا , أننا بنديهم الفرصة أنهم يدونا على قفانا و يستغلونا و يضحكوا علينا و يلعبوا بينا الكورة .

الغريب فى التوبيك ده, أن لقيت كتير من الناس نفسها فى الجنسية السويسرية , رغم أن أنا كنت فاكر أن سويسرا دى دولة صغيرة بحيث ماتخطرش على بال أى حد, و أنا بعتبر فعلا أن سويسرا هى جنة الله على الأرض لأن كل خاجة هناك منظمة و متظبطة بطريقة تخلى دموع الفرحة تنزل من عنيك و الله العظيم و لو كان سكان سويسرا دول كلهم بنسبة 100 فى ال 100 يهود , فأنت هتحبهم جدا جدا جدا من حلاوة معاملتهم معاك و أنك هتحس فعلا أنك بنى آدم مش زى اللى بيحصلنا فى مصر .

يالله , ربنا ييسر لينا كلنا الخير و يدى كل واحد الجنسية اللى هو عاوزها و فوفها كمان جنسيتين بونص عشان الواحد يدلع نفسه, أنا عن نفسى لو الأمور مشيت زى ما أنا مخططلها-ان شاء الله رب العالمين - و أخدت الجنسية الكندية و بقى معاى جواز سفر كندى و أقدر ألف بيه كل العالم من غير ماتلطع على أبواب القنصليات عشان آخد التأشيرة , قصدى رفض التأشيرة و تكون كرامتى فى الحفظ و الصون أنا و كل أهلى , هحمد ربنا و ابوس ايدى وش و ضهر .

MASERATI

هاختار ابقى تمساح
حد عنده مانع ؟
هههههههههههههه

المشاركة الأصلية كتبت بواسطة mada121977

انا بقى احب اكون بروناوى
يعنى مواطن محترم فى سلطنه بروناى الرائعه

المواصلات عندى ببلاش مش زى الدوله الواقعه فى شمال شرق افريقيا اللى المواصلات العامه فيها قطعه من العذاب والطرق فيها لاترقى لسير عربات الخيول فى القرون الوسطى ...

والحدائق العامه والمتنزهات واماكن الترفيه ببلاش مش زى نفس الدوله اللى فوق واللى المواطنين فيها بيبقوا حاملين هم الخروج للتنزه علشان الميزانيه متخرمش منهم ...

مابدفعش ولا سحتوت ضرائب مش زى بلد تعبانه فى اقصى شمال شرق افريقيا كل يوم يخترع جباه الضرائب فيها انواع جديده من الضرائب التى تقصم ظهر المواطنين بها...

بروح احج على حساب السلطنه ببلاش مش زى نفس الدوله اللى فوق اللى المواطن علشان يروح يحج فيها بيدفع مبلغ وقدره واللى بيدفعه فى الحج اضعاف مضاعفه بيدفع قصاده لما بيروح العمره مبلغ بسيط !!

فى الاعياد الرسميه للمملكه الملك بينزل للشعب ويوزع عليهم دهب واموال اما الدوله اللى فوق فالمواطنين بيستغلوا الاعياد الرسميه فى السهر وزياره الاقارب والنوم لوقت متأخر والبكاء على الاطلال !!

لوقدر لى فى السلطنه ان اصبحت وزيرا (وده شىء سهل جدا فى السلطنه الجميله ) سأصبح من مالكى السياره الانجليزيه العريقه رولزرويس والتى تعتبر السياره الرسميه الاولى بالسلطنه .. بعكس الدوله المشار لها بالاعلى والتى يركب وزرائها مجرد سيارات مرسيدس وبى ام دبليو تعتبر من تعتبر من فئه السيارات المتوسطه فى اوروبا...

كمواطن من ابناء السلطنه ونظر للطبيعه الساحره والخلابه التى تتمتع بها من حيث انها جزيره فى المحيط الهندى تتمتع بسواحل وشواطىء على درجه عاليه من الفخامه والجمال فقد ساعدتنى هذه الميزه فى عدم اهتمامى بالسفر الى الخارج سواء الى دول اوروبا او اسيا او افريقيا للسياحه (بالرغم من سهوله ذلك لى فى اى وقت من الاوقات ) بعكس نفس الدوله المشار اليها سابقا والتى يدفع الفرد من الطبقه المتوسطه بها مرتب خمس سنوات لمجرد قيامه باجازه 3 ايام فى منطقه سياحيه تسمى شرم الشيخ او منطقه اخرى تسمى الغردقه يقال انهما على البحر الاحمر ..

عندنا فى السلطنه مفيش مظاهرات او احتجاجات او ناس واقفين من غير هدوم على رصيف البرلمان السلطانى او ناس بتموت من التعذيب ليييه ؟ علشان السلطان ادام الله عمره معيشنا فى رخاء وسعاده والناس هنا كلها بتحب بعض وبتخاف على بعض وبيروحوا يصلوا فى الجوامع مع بعض .. ااه افتكرت ان مره حصلت مظاهره عندنا من كام سنه علشان الحكومه قررت انها تنزل موديلات سيارات من ماركه تسمى جاجوار كسيارات اجره واحنا كشعب بروناوى رفضنا هذا القرار لاننا نستمتع بسيارات الرولزرويس
اييييييييييه ده ........ ليه كده ياابنى صحتنى من الحلم لييه !!

حلم جميل فعلا ...............

المشاركة الأصلية كتبت بواسطة Ahmed Samy

المشكلة بقى اني فعلا مش قادر احس اللي hon حاسه و حاسس قوي باللي فؤاد قال عليه

أنا عارف اني في مصر ماليش قيمة

ليا ظهر و اتنين بس باقرف لما اكلم حد علشان أخلص حاجة المفروض تخلص بدون واسطة

لما بانزل اتمشى في الشارع ما باشكيش للشوارع تعبى و قرفي

لأن الشارع ده هو اللي تاعبني و قارفني

حتى كلام البعض ان في هنا أمان لو الواحد مرض و عمل مشكلة هايلاقي اللي يلحقه

اللي هايلحقك من أهلك بيكون بيعوض غياب نظام يحميك

اللي بياخدك في عربيته على مستشفى " وده حصل لي" بيعوض غياب نظام اسعاف محترم

اللي بينزل يقف معاك و يكلملك ناس لو عملت حادثه " ظالم أو مظلوم" برضه بيعوض غياب نظام امني عادل


وجودنا وسط أهلنا بيدينا شعور بالأمان لأننا عايشين في غابه


نفسي أحس اني ماشي في الشارع و لي قيمة ووزن ..من غير كارت و من غير موبايل و من غير ما اقول اتفضل كلم يا باشا ..فلان بيه عايز يكلمك



الوطن هو اللي يحميني جواه و براه

الوطن اللي أموت فيه و عارف ان ولادي هايتعلموا و ياكلوا و يشربوا

الوطن اللي يفرحنى ولو يوم في السنة

الوطن اللي يديني حقى فيه و ياخد حقه مني بالعدل

الوطن ....اللي عمري ما افكر ابدله

وهو الواحد بيحب امه ليه ؟؟؟ علشان هي امه و خلاص ولا علشان هي حلوة ؟؟؟

عشان حنينة و قلبها عليه

انما لو رمته و داست على قلبه و كرامته

ما تبقاش امه

ولا يبقى وطن

+11111111111

المشاركة الأصلية كتبت بواسطة amarakl

تركى تركى تركى

اه الاتراك انا بحبهم اوي