السلام عليكم و رحمه الله و بركاته
الاخ الفاضل
من وجهه نظرى الشخصية بلاش انك تستعمل موبيل 1 و دة لاكتر من سبب
السبب الاول
ان فترة وجودة فى العربية هتكون طويلة و نتيجة ان العربيات بتاعتنا موديلات قديمة و اغلبها فيها ترشيح زيت فالطبيعى انك هتقعد ماشى بالعربية فترة و مستوى الزيت قليل و دة طبعا ممكن يسبب اضرار بالموتور
السبب التانى
المواتير القديمة برضوا بيبقى معدل التاكل بيها اعلى من المواتير الجديدة و للسبب دة هتلاقى الزيت فية رواسب كتيرة و بتقعد فترة فى الموتور و برضوا هتسبب لية الضرر
انا كنت بغير بموبيل اكس اتش بى كل 3000 كم
و المرة اللى فاتت من حوالى 9 ايام و دى اول مرة اغير لزيت شل الاصفر " الجركن ب 98 جنية " اللى بيقولوا علية زى الاكس اتش بى
بصراحة مقدرش احكم علية دلوقتى و خصوصا ان العربية لغاية امبارح انا عامل بيها 100 كم بس
لكن كل الناس اللى معاهم فكترا اية زى محمد طنانى هيقولك على ان الشل احسن بكتير من الموبيل
و الكلام دة مقنع لان الزيت لسة منتشرش و بالتالى لسة مظهرش فية الهبل اللى ظهر فى الموبيل
بالنسبة لزيت الفتيس انا غيرت لزيت شل " الاتوماتيك " " تمن الكيلو 24 جنية " غيرت زيت الفتيس باربعة كيلو و الفتيس حسيتة ناعم و بقى اروق من الاول
فتوكل على الله و غير شل الاصفر للموتور و لو العربية اتوماتيك غير شل برضوا
الحاجة التانية غير فلتر مع كل غيار زيت
لان كل نواتج الاحتراق و الرواسب هتتحجز فى الفلتر . فعلى اية غير الفلتر و دة كلة ب 15 " جى ام المصرى " او ب 25 الالمانى و ريح دماغك
لانك بكدة هتطول عمرة المكنة و هتحافظ عليها
المفضلات