عرض للطباعة
اولا انا عاوز اعبر عن اعجابي بالمنتدي وبالمشاركات الايجابية الكثيرة من الاعضاء . انا اول مرة اشتري عربية وكنت بفكر في لاداا تكون اول عربية اجيبها. بس انا سامع كلام من سواقيت التاكسي انها مش زي القديمة وحصلهم مشاكل معاها. فياريت حد يكون اشتري السنة ديه يقولنا ايه نظامها.. وشكرا
انا فى الطريق لشرائها ان شاء الله
مبروك مقدما ربنا يكتبكلك خيرها ويكفيك شرها. بس يا يريت توضحلنا نوعها مصري ولا روسي واسعارها ايه ومنين؟
وهل فيها كماليات زيادة تكيف او باور واسعارهم ايه
:) شكرا واسف للاطالة
محلى ان شاء الله ...ب44 الف +3 تكييف+2500 باور
الشراء ان شاء الله من توكيل لادا اللى خلف الحريه مووول
اختيار موفق ان شاء الله وباذن الله حجيب لادا 2107 بتكيف ويركبلها باور زيك ان شاء الله يا ريت لما تستلمها تحكلنا ايه اخبارها واخبار التكيف والباور فيها ايه
والف مبروك مقدما.
معلش سؤال يا ميدو ليه مفكرتش في لادا نوع تاني سمارا مثلا يكون تكيف وباور وحيكون تقريبا قرب نفس السعر ولا اللادا 2107 بتكيف وباور احسن
بص ياباشا السمارا دى كانت ومازالت عجبانى جدااااااااااااا بس فى مشكله واحده الا وهى قطع الغيار ((مش متوفره غير فى التوكيل)) وفى حاجات كمان مش موجوده فى التوكيل ...واذا كنت مسافر بره القاهره وحصل مشكله فى العربيه هتحتاس فانا قلت العب فى المضمون احسن...ادعولى بس ربنا يسرلى حالى واجيب ال 2107 بقى
حاجه كمان نسيت اقولها ان السمارا مفيهاش باور ومفيهاش تكييف ((فيها سنتر و2 زجاج كهربائى امامى فقط)) وتمنها 53 الف جنيه لو بالتكييف تبقى 56 الف جنيه
يعنى الفرق اكتر من 6 الاف جنيه وانا بحاول اجمع المقدم بتاع ال2107 بالعافيه
ربنا يوفقك وييسرلك الحال ان شاء الله وباذن الله تجيب ال 2107. على فكره انا من اسكندرية وحشوف ايه نظام توكيل الامل ده عندنا ان شاء الله.
ربنا يكرم واللادا بعد تركيب الباور والتكيف تبقه عربية حلوة ان شاء الله وشكرا على الرد يا ريس
مبروك يا باشا بس ياريت تحكي اللي هيحصل معاك بعد ماتشتريها ونصيحة مش تقرص عليها لان المكنة بتلين لسة لمدة 5 ايام وبعد كدة اعمل اللي انت عاوزة