حد جاب لادا 2107 موديل 2008 ؟؟ روسي ولا مصري ؟؟

**osama_alam** · 16-02-2008 09:57 PM

اولا انا عاوز اعبر عن اعجابي بالمنتدي وبالمشاركات الايجابية الكثيرة من الاعضاء . انا اول مرة اشتري عربية وكنت بفكر في لاداا تكون اول عربية اجيبها. بس انا سامع كلام من سواقيت التاكسي انها مش زي القديمة وحصلهم مشاكل معاها. فياريت حد يكون اشتري السنة ديه يقولنا ايه نظامها.. وشكرا

**midonbtc** · 17-02-2008 08:36 PM

انا فى الطريق لشرائها ان شاء الله

**osama_alam** · 17-02-2008 09:38 PM

مبروك مقدما ربنا يكتبكلك خيرها ويكفيك شرها. بس يا يريت توضحلنا نوعها مصري ولا روسي واسعارها ايه ومنين؟

وهل فيها كماليات زيادة تكيف او باور واسعارهم ايه

:) شكرا واسف للاطالة

**midonbtc** · 18-02-2008 11:33 AM

محلى ان شاء الله ...ب44 الف +3 تكييف+2500 باور
الشراء ان شاء الله من توكيل لادا اللى خلف الحريه مووول

**osama_alam** · 18-02-2008 01:03 PM

اختيار موفق ان شاء الله وباذن الله حجيب لادا 2107 بتكيف ويركبلها باور زيك ان شاء الله يا ريت لما تستلمها تحكلنا ايه اخبارها واخبار التكيف والباور فيها ايه

والف مبروك مقدما.

**osama_alam** · 20-02-2008 06:02 PM

معلش سؤال يا ميدو ليه مفكرتش في لادا نوع تاني سمارا مثلا يكون تكيف وباور وحيكون تقريبا قرب نفس السعر ولا اللادا 2107 بتكيف وباور احسن

**midonbtc** · 20-02-2008 09:02 PM

بص ياباشا السمارا دى كانت ومازالت عجبانى جدااااااااااااا بس فى مشكله واحده الا وهى قطع الغيار ((مش متوفره غير فى التوكيل)) وفى حاجات كمان مش موجوده فى التوكيل ...واذا كنت مسافر بره القاهره وحصل مشكله فى العربيه هتحتاس فانا قلت العب فى المضمون احسن...ادعولى بس ربنا يسرلى حالى واجيب ال 2107 بقى

**midonbtc** · 20-02-2008 09:06 PM

حاجه كمان نسيت اقولها ان السمارا مفيهاش باور ومفيهاش تكييف ((فيها سنتر و2 زجاج كهربائى امامى فقط)) وتمنها 53 الف جنيه لو بالتكييف تبقى 56 الف جنيه
يعنى الفرق اكتر من 6 الاف جنيه وانا بحاول اجمع المقدم بتاع ال2107 بالعافيه

**osama_alam** · 21-02-2008 10:41 AM

ربنا يوفقك وييسرلك الحال ان شاء الله وباذن الله تجيب ال 2107. على فكره انا من اسكندرية وحشوف ايه نظام توكيل الامل ده عندنا ان شاء الله.

ربنا يكرم واللادا بعد تركيب الباور والتكيف تبقه عربية حلوة ان شاء الله وشكرا على الرد يا ريس