الموضوع: ممكن مقارنة بين إلنترا - سيراتو - ياريس - صني ؟؟

انا شايف السيراتو

المشاركة الأصلية كتبت بواسطة farfora20082008

أنا عارف إن الموضوع دة إتكلمتو فيه كتير بس بجد أنا محتار جداً عايز عربية كويسة و اكون فيها الائتي :
١- عربية اعتمادية و تعيش على الأقل ١٠ سنين و أنا مطمن لها
٢- مش مهم السبات على السرعات العالية عشان أنا مش نوي أدخل بها سباق أنا أخري إن شاء الله ١٢٠
٣- اكون تكفيله كويس و منظرها جميل
٤- تكون مش بتا كول بنزين كتير عشان البنزين هيغلا و حرام الواحد إدفع ربع مرتب بنزين عربية
٥- اكون قطع غيرها مش نار

بص انا عندى واحد جارى معاه سيراتو وواحد معاه النترا واتنين معاهم الصنى

وانت جاوبت على نفسك انت عايز عربيه تستحمل مريحه وتكييف وشغل وانت مش بتاع جرى والتقفيل حاول تجيب ياريس 1300 او تفكر فى الانسر البوما1300 وبصراحه اللانسر عربيه فيها كل متطلباتك قطع غيار متوفره العربيه بقالها 7 سنين فى مصر محدش اشتكى منها فيها كل اللى طالبه

السيراتو دلوقتى ظهر فيها مشاكل والانترا حلوه بس الباور ناعم اكتر من لازم ممكن متعرفش تتحكم فيه على ال 120 والهونداى معروف عنها فى اى عربيه بتعملها مفهاش ثبات ولو جبت السيراتو انت وحظك العربيه ممكن تطلع كويسه وممكن يبقى فيها عيوب فرديه زى ما كل واحدمعاه سيراتو يقولك بردو ديه عيوب فرديه اى واحد دلوقتى يجيب سيراتو يفرك الفانوس ويقول للجنى العربيه الى هاجبها هيكون فيها عيوب فرديه ولا لا
اصل الكلمه ديه اثرت عليا من كتر ما بتتقال على السيراتو
والصنى تقفيلها مش وحش اوى كده بس هتعوضها فى حاجات تانيه زى الثبات وقوه ماتور وتكييف ممتاز وراحه وتوكيل جيد نوعا ما

بص انا هقترح عليك عربيات تشوفها وتجربها وهتعجبك

اولا الفيات بونتو ايفو عربيه خطيره وتوفرلك فى البنزين لاخر لتر تقربيا مبتستخدمش بنزين وامكانيات عاليه وثبات وشكلها جامد هتعيش معاك الدهر بأكمله

الميتسوبيشى لانسر بوما 1300 انسب عربيه بجد

الفيات لينيا وديه بقى ملهاش حل

هقولك على معلومه الفيات ايفو لما تقف فى اشاره او زحمه العربيه بتفصل ولما تدوس على دواسه البنزين تدور تانى شوفت استهلاك فى البنزين اقل من كده

المشاركة الأصلية كتبت بواسطة احمد عزت

بص يا باشا اولا انت اخترت 4 عربيات من العربيات الكويسه والمنتشره فى السوق واللى كل واحده فيهم ليها مميزاتها وعيوبها بس تعالى نفكر براحه ونرتب معلوماتنا

اولا مفيش خلاص يارس 1300 فى السوق وكل اللى موجود او اللى هيبقى موجود ال 1500 الجديده نفس الشكل وكل حاجه بس بموتور بمختلف بس ودى تمنها اوتوماتيك الموديل الوحيد ب 120 الف جنيه .....وحتى ممكن تلاقى فى معارض ستوك يارس 1300 مانيوال بالعافيه وهيبقى عايز فيها 100 الف زى معرض تويتا كدة فاتح قريب منى

ثانيا من ناحيه الصاج ونظريه علبه السمنه فكلهم كدة الانترا زى السيراتو زى اليارس يمكن الصنى انشف بس شويه

ثالثا الانترا والسيراتو متقاربين جدا فى استهلاك البنزين لانهم قريبين من ناحيه التكنولوجى والصنى بالرغم انها يابانى الموتور ولكن تكنولوجيا قديمة ولكن يزيد فى استهلاكها حاجه بسيطة عن الاتنين التانين وفى الغالب الاستهلاك متقارب
(يبقى كده كل ال 1600 زى بعض واليارس 1500 هتوفر شويه عنهم بسيط)

رابعا من ناحيه التقفيل الانترا والسيراتو شكل خاماتهم انضف لكن كجودة وعمر النيسان واليارس احسن بس بردك مش فارقه اوى وكمان الصنى تقفيلها مش وحش خالص والله (يعنى الموضوع ازواق من ناحيه شكل التابلوه)

خامسا العفشه: اليارس انعمهم على الاطلاق ...يليها الصنى ثم الانترا ثم السيراتو ...وبالرغم من اختلاف نشوفيه العفشه فالاختلاف مش اللى هوة جامد اوى يعنى يخليك ترجح كفه حاجه عن حاجه (بس خد بالك من كتر نعوميه الانترا لو اتنين ركبو ورا العربيه بتهبط بشكل ملحوظ من الخلف بس عادى مش فارق لكن فى ناس زى كده الشكل دة بيثير اشمئزازهم....وعفشة السيراتو بالذات اللى بجنط 17 رياضيه حبيتين بردك لازم تقعد او تأجر واحده وتجرب وتشوف )

سادسا :التوكيل :كلهم للاسف ولااااد تيييييت لانك اكيد فى مصر بس احسنهم معامله وخبره تويتا يلييها كيا ..نيسان....هيونداى

سابعا السعر ودة انا شايفه عامل اساسى ورهيب جدا

لو ثبتنا الكماليات على اد ما نقدر
صنى اى اكس صالون مانيوال (ايرباج واحدة ...زجاج وسنتر وتكيف وباور وكاسيت بدون اى بى اس) ب 84 الف
سيراتو (مفيش ايرباج خالص ونفس الكماليات اللى فوق) 96 الف
النترا (نفس كماليات السيراتو) ب 89 الف
اليارس مفيش منها غير موديل واحد 1500 ولسه كمان ما اطرحش للبيع وده ب 120 الف
ولو عاوز اللى موجودة فى المعرض اللى بقولك عليه دة ده لونها فيرانى 1300 مانيوال فول اوبشن ب 100 الف

واستخير الله فى النهايه ووفقك الله

أولاً أنا متشكر أوي ليك يا أستاذ أحمد بجد إنت انسان جميل و رغم اني لسة محتار بس كلامك ساعدني كتير أنا كان عجبني النساًن صني بس للاسف مفش مركز صيانة لها في شرم و أنا العربية إلي أجيبها انشا الله لزم اكون لها مركز صيانة في شرم عشان مش سهل انزل
كمان أنا حجيب تقسيط و بسرحة أنا شايف إن ١٢٠ ألف خسارة في ياريس
المراكز و التوكيلات المعروفة و الكويسة هي hyndai - renault - toyota - kia -
طيب إنت مش قلت لي رأيك في فلونس رنو ؟؟؟؟؟

المشاركة الأصلية كتبت بواسطة amrseba

بص انا عندى واحد جارى معاه سيراتو وواحد معاه النترا واتنين معاهم الصنى

وانت جاوبت على نفسك انت عايز عربيه تستحمل مريحه وتكييف وشغل وانت مش بتاع جرى والتقفيل حاول تجيب ياريس 1300 او تفكر فى الانسر البوما1300 وبصراحه اللانسر عربيه فيها كل متطلباتك قطع غيار متوفره العربيه بقالها 7 سنين فى مصر محدش اشتكى منها فيها كل اللى طالبه

السيراتو دلوقتى ظهر فيها مشاكل والانترا حلوه بس الباور ناعم اكتر من لازم ممكن متعرفش تتحكم فيه على ال 120 والهونداى معروف عنها فى اى عربيه بتعملها مفهاش ثبات ولو جبت السيراتو انت وحظك العربيه ممكن تطلع كويسه وممكن يبقى فيها عيوب فرديه زى ما كل واحدمعاه سيراتو يقولك بردو ديه عيوب فرديه اى واحد دلوقتى يجيب سيراتو يفرك الفانوس ويقول للجنى العربيه الى هاجبها هيكون فيها عيوب فرديه ولا لا
:zb_sor1[1]: اصل الكلمه ديه اثرت عليا من كتر ما بتتقال على السيراتو
والصنى تقفيلها مش وحش اوى كده بس هتعوضها فى حاجات تانيه زى الثبات وقوه ماتور وتكييف ممتاز وراحه وتوكيل جيد نوعا ما

بص انا هقترح عليك عربيات تشوفها وتجربها وهتعجبك

اولا الفيات بونتو ايفو عربيه خطيره وتوفرلك فى البنزين لاخر لتر تقربيا مبتستخدمش بنزين وامكانيات عاليه وثبات وشكلها جامد هتعيش معاك الدهر بأكمله

الميتسوبيشى لانسر بوما 1300 انسب عربيه بجد

الفيات لينيا وديه بقى ملهاش حل

متشكر ليك أوي يا أستاذ عمرو
هو واضح إن كل عربية ليها عيب طالما بنتكلم تحت ال-١٠٠ ألف أو حتى برد ل حد ال-١٥٠ ألف هتلئي كلام مش كويس عن أي عربية
النيسان استهلاكها للبنزين علي تكنولجي قديمة رغم انها ياباني
الانتر شكلها هيتغير قريب و كمان مش سبتة
السراتو رغم اني عجبني شكلها بس محس شايف رأي صرح أو واضح فيها الكل ااو متدرب فيها
الفيات أنا عجباني أوي أوي و بجد ولهي لو لها مركز صيانة في شرم أو حتى في طنطا كنت اشتريتها خصوصاً لينيا ، تحفة بجد

بس يا جماعة أنا عايز أعرف رأيكم في رنو فلونس يا عمرو هي تقريباً قريبة من لينيا و بجد شكلها تحفة أرجوكم قللي رأيكم فيها

هو أصلاً أنا غالباً ميال ل سيراتو بس نفسي أعلى شوية و أجيب فلونس

أفيدوني جزاكم الله

الفلوينس تحفة.. بس الفئة اللي حضرتك بتتكلم فيها دي فاضية و نفس الكلام للفورتيه..
أنا بقول سيمبول.. موفرة جداً في البنزين بس مشكلتها الضيق في الصالون مش أكتر...
استخير وتوكل على الله..
في رعاية الله.....