عرض للطباعة
الأخوة الكرام
لدى زوج أختي سيارة byd f3 وطلب مني اعرض المشكلة عليكم وهيه ان حرارة العربية بتعلى على الرغم من الآتي:
- الميه مش بتنقص
- طلمبة الميه شغاله كويس
- المروحتين بيشتغلو
- الردياتير نظيف
بصراحة هو احتار ومش عارف يعمل إيه .. هل ممكن يكون العيب دا بسبب ايه .. نرجو الإفادة بالنصائح الطيبة من الأخوة الكرام.
مع جزيل الشكر
السلام عليكم
الأخ الفاضل
بداية لا تقلق فسيارات byd غير معروف عنها أي سخونة ....والمهم هو الحرارة بترتفع بمقدار أد إيه بالظبط؟؟
ثانيا الأسباب المحتملة عديدة منها منها ممكن يكون فيه خلل في ساعة الحرارة مما يوخر توقيت تشغيل المروحة مثلا .. أو حدوث بداية شروخ بوش السلندر لأي سبب أهمها غسيل المحرك وهو ساخن خاصة مع بدء دخول الصيف هذه الأيام وإن كان مستبعد لأنك بتقول إن دورة المياه نظيفة والمهم إنها ماتكونش منظفة حديثا فقط لأنه لو فيه سدد من رواسب قديمة ثم تم إعادة تغيير المياه ستبدو نظيفة لكن السدد لم يزول لذا لا مانع من إعادة التأكد لإستبعاد هذا الإحتمال نهائي
وممكن الراديراتير يبدو نظيف ولكن علي عكس ذلك يكون به سدد لدخول أي شيء للراديراتير ولا تراه أثناء فتح غطاءه ويجب إختبار معدل تدفق المياه جيدا ومهم جدا عدم إستعمال الماء العادي بالراديراتير وإستعمال المياه الخضراء وإحذر من الأنواع السعودية أو المركزة أو مجهولة الهوية لإنها غالبيتها مغشوشة بمصر وبها مواد تتفاعل مع جسم الراديراتير والمحرك وتؤدي لتآكلهم مما يمكن أن يؤدي لحدوث سدد أو تلف بالراديراتير وبالترموستات الميكانيكي الذي يسمح بتدفق الماء عندما تكون حرارته عالية ويمنع التدفق عندما تكون الحرارة منخفضة ليساعد علي سرعة تسخين المحرك في بدء التشغيل
وأنا شخصيا قد جربت نوع أسباني إسمه أيادا وأستعمله من زمان في كل السيارات التي ركبتها وهو ممتاز جدا وأستعمله حاليا في الـ BYD-F3 وللعلم التوكيل يستعمل نوع مركز أمريكي يتم تخفيفه بالماء العادي وهذا النوع لا أحبذه أنه سبب رواسب وتكلسات بدورة التبريد
....وهناك بعض الميكانيكية يقومون بإلغاء الترموستات الميكانيكي ظنا منهم أنها تساعد علي عدم سخونة المحرك والحقيقة علي العكس فهذا إعتقاد خاطيء فهي توفر الحماية للمحرك ولدورة التبريد وإلا لما كانت مصانع السيارات تقوم بتركيبه
هناك سبب آخر وهو ضعيف أيضا هو أن تكون السيارة أخدت مطب شديد علي سرعة يجعلها تتهبد جامد ويحدث شرخ بالبلوك الداخلي للمحرك وهذا قد حدث معي ذات مرة بسيارة هوندا أكورد وإحترت في سبب سخونة المحرك الدائمة حتي إكتشفته بعد مدة
وأفضل شيء طبعا هو فحص السيارة بالتوكيل وخاصة فرع الإسكندرية فهم متخصصون في هذه السيارة جدا
معذرة للإطالة وأرجو أن تفيدنا بما تم
تقبل مودتي
الأخ الكريم sv065 شكراً على ردك الطيب
أولاً الحرارة بترتفع عنده لقبل النهاية يعني ارتفاع غير طبيعي
لي بعض الأسئلة .. ما هو المقصورد بساعة الحرارة ؟ هي هو حساس ؟ أم ثرموستات ؟ أم ماذا ؟ لأنه على ما يبدو هو دا اللي بيحصل أن السرعة الثانية بتاعة المروحة بتتأخر في التشغيل.
وهل وضع العربية على كمبيوتر ممكن يكشف سبب العطل ؟ وتنصحني يروح بيها فين ؟ احنا من القاهرة ؟ هل فيه حد كويس في الحرفيين؟
أم يغير الثرموستات للاطمئنان؟
أشكرك مرة ثانية لردك الكريم
اقتباس:
المشاركة الأصلية كتبت بواسطة mohamed a s
العفو يافندم
ساعة الحرارة هي ثرموستات إستشعار الحرارة حين ترتفع لتقوم بتشغل المروحة وفصلها حين تنخفض الحرارة وللعلم مروحة الراديراتير ليس لها سرعتان إنما هي سرعة واحدة تعمل عند إرتفاع الحرارة أما المروحة الثانية المثبتة من أمام الراديراتير جهة مقدمة السيارة خاصة بسرنتينة التكييف فقط ولا تعمل إلا عند تشغيل التكييف ولا دخل لها بحرارة المحرك وإن كانت تساعد علي تبريد الراديراتير بصورة إضافية
وساعة الحرارة تشبه البوجيه ولكن أصغر وبها طرف سلك تشغيل المروحة ومكانها تقريبا قرب خرطوم خروج المياه المتجه للراديراتير ويمكنك فكها بسهولة وشراء مماثل لها ولكن يفضل من التوكيل وإطمئن سعرها لن يكون غالي وأنصحك بتجربة ذلك أولا ويمكن لأي ميكانيكي عادي جدا تغييرها إن لم تكن تستطيع تغيرها بنفسك ولكن إحذر من الميكانيكية الغشاشين يريدون فتح شغل وخلاص علي أي حاجة
وبخصوص فرع القاهرة أنصح بعدم الذهاب هناك للأعطال الخارجية أي لا تذهب إلا للصيانة الدورية فقط مثل غيار زيت وفلتر وتربيط عفشة ودمتم أما ما عدا ذلك يفضل فرع الإسكندرية وعندهم كمبيوتر كشف علي السيارة من قبل مصنعها إذا لم يصلح موضوع تغيير ساعة الحرارة
أعتذر للإطالة أرجو المتابعة بما تم لتعم الفائدة للجميع
مشكور
حاولت أجد أقرب صورة للمحرك فلم أجد غير هذه
http://up.7cc.com/upfiles/cEk49009.jpg
وتحت امرك في أي إستفسار
ربنا يكرمك يا رب ومتشكر حدا على الرد والصور .. بإذن الله هشوف موضوع ساعة الحرارة وهخليه يغيره ونشوف النتيجة إيه .. وبإذن الله هقولك على النتيجة
هى المروحة بتشتغل قبل الاخر بكام شركة لو قبل الاخر بثلاثة شرط يبقي هى كده مظبوطة
لانها مظبوطة على كده من المصنع
لكن لو قبل الاخر بشرطة مثلا او اللمبة بتنور بتاع الحرارة يبقي في غلط فى حاجة
عموما انا حصل عندى انها كانت بتسخن بسرعة لكن المروحة بتبرد عادى
و الصارحة شوفتها فى الصيانة فى القاهرة و الحمد لله اخيرا عرفوا يعرفوا حاجة
لقوا ان خرطوم الفايظ بتاع القربة اللى واصل للردياتير كان مسدود فكانت المياه بتروح للقربة و مترجعش الرادياتير فنقص منه
و لما سلكوا الخرطوم رجعت عادى تانى و الحمد لله