أهرام الجمعة ..... أخبار السبت .... صوت الأمة .....
دي الجرايد اللي بجيبها كل أسبوع عشان ملحق السيارات اللي معاها .... مع اني عارف ان الملاحق دي مالهاش لازمة و كدب أو في أحسن الحالات اعلانات و بس ....
هوه مفيش في المنتدى دكتور نفساني يعالجني من مرض الجرايد دي ؟

المهم خالد بيه أباظة النهارده بيقول شعر في غبور ماشي ياسيدي براحتك ما انتوا الاتنين مظبطين بعض ......
لكن بقى مين الوكيل بتاع الشركة الأوروبية اللي بيدلل على العربية الأوروبية اللي الشعب المصري اكشف انها مقلب و لاافض يشتريها ؟
‏ لا وايه كمان ماضي العربية في مصر اسود و آثار وجودها في السوق المصري سلبية و الوكيل اللي لبس العربية بيصرف ملايين عشان يقنع الناس ان عربيته صالحة للاستخدام الادمي !!!!

هوه شكله كده بيرمي على رينو أو سيتروين
بالرغم من رأي الشخصي في العربيتين دول بس دي مش عربيات الناس لبستها دي عربيات ليها اللي بيحبوها و يروحوا يشتروها بالاسم و بعدين دي عربيات محترمة جدا في بلادها
امال الصيني هنقول عليه ايه بس ؟

فين الدكتووووووووووور