يا جماعة ارجوا الأفادة انا قربت استلم الكروز و عايز اعرف شوية حاجات

**Hosam_Optrawy** · 20-06-2010 12:37 AM

المشاركة الأصلية كتبت بواسطة ahmedsa33

فرصة سعيدة يا باشا انك رديت عليا انا قرأت مواضيعك كلها قبل كدة
المهم انا عرفت حاجة غريبة اوى ان الواحد لو ركب حاجة فى العربية تخرج برة الضمان بس معرفش اية نوع الحاجات دية يعنى فى حاجات ممكن تخرج من الضمان و فى حاجات لأ و اتقلى ان الصيانة هما اللى عارفين الحاجات دى

انت اية رأ يك فى اللون الأسود و هل الزجاج الخلفى كهرباء ولا عادى فى الاتوماتيك و شكرا يا باشا:s_thum1[1]:

انا اسعد ياباشا

اى حاجه فيها لعب فى الكهربا او اى تعديل فى العربيه او فى العفشه كل دا يخرج برا للضمان

يعنى مثلا لو ركبت انذار او غيرت كاسيت ضفيرة الكهربا هاتخرج برا الضمان

انت ناوى تغير ايه او عايز تعدل فى ايه ؟

اللون الاسود طبعا اشيك وأحلى لون وخصوصا على الكروز تحفه

بس عيب اللون الاسود عموما فى اى عربيه انه بيتوسخ اسرع مما تخيل وفى الحر والشمس بيمتص الحراره بطريقه فظيعه

والزجاج الكهربا امامى وخلفى فى كل الفئات سواء مانيوال او اوتوماتيك

واى استفسار تحت امرك

**Ahmedsa33** · 20-06-2010 06:33 AM

المشاركة الأصلية كتبت بواسطة hosam_optrawy

الاليجانس من غير شبكه نيكل

الطاره ملتى معرفش ينفع تركب ولا لأ

ومبروك مقدما

سؤال اخير يا باشا هو انا لو استلمت دلوقتى هخدها موديل 2010 ولا 2011 و اعتقد 2010 صح

**mido** · 20-06-2010 12:38 PM

المشاركة الأصلية كتبت بواسطة hosam_optrawy

انا اسعد ياباشا

اى حاجه فيها لعب فى الكهربا او اى تعديل فى العربيه او فى العفشه كل دا يخرج برا للضمان

يعنى مثلا لو ركبت انذار او غيرت كاسيت ضفيرة الكهربا هاتخرج برا الضمان

انت ناوى تغير ايه او عايز تعدل فى ايه ؟

اللون الاسود طبعا اشيك وأحلى لون وخصوصا على الكروز تحفه

بس عيب اللون الاسود عموما فى اى عربيه انه بيتوسخ اسرع مما تخيل وفى الحر والشمس بيمتص الحراره بطريقه فظيعه

والزجاج الكهربا امامى وخلفى فى كل الفئات سواء مانيوال او اوتوماتيك

واى استفسار تحت امرك

على فكره انا ركبت انذار وسنتر ومحدش قلى حاجه بس ده يمكن علشان انا مشتكتش من حاجه فى الكهربا
اعتقد اللى هيبقى محتاج يركب الباركنج سنسور وده مش قصه كام خرم فى الاكصدام وقطع فى سللك لمبة الفرامل

**mido** · 20-06-2010 12:39 PM

المشاركة الأصلية كتبت بواسطة ahmedsa33

شكرا يا باشا انا بجد محظوظ انى وقعت فى واحد زيك انا كنت بفكر اركب زينون و باركينج سنسور محترم بس مش مشكلة ممكن انفض و ادينى كنت ماشى من غيرهم فى عربيتى القديمة و بصراحة كان كمان نفسى
اركب lcd
عشان الاولاد و انت فاهم ممكن اجيب نوع يشتغل على الولاعة و يكون فى اف ام ترنسميتر يبقى كدة فى السليم و كنت هكوت على الطارة المالتى فنكشن بس متهيئلى مش هتنزل مصر غير بعد سنتين مثلا
و ربنا يسهل و انت بتعتقد يكون فى لعب من التوكيل فى العربية مثلا تكون مخبوطة او حاجة و هل انا بستلمها
من منصور عليها الشمع بتاعها الابيض ولا اية

و شكرا يا باشا على العموم انا رايح منصور اللى فى سور نادى الزمالك المهندسين يوم الثلاثاء اديهم الجواب
وفى واحد هناك مدير بدون ذكر اسماء قالى التسليم خلال 48 ساعة و كمان فى مركب اليومين دوول و العربيات
فى الشونة و الموضوع هياخد يومين عشان يجيبولى الافراج الجمركى و الاستلام و اعتقد كلامهم على الاقل صح بنسبة 60 % ولا رايك اييية

موديل 2011 ولا 2010 ؟

**mustafaibrahim** · 20-06-2010 04:22 PM

المشاركة الأصلية كتبت بواسطة ahmedsa33

شكرا جدا يا باشا على رايك انا معالك جدا فيية لأنى بقالى 9 شهور مسمعتش حد شكر فيها و كلوا بيفتى
و اظاهر ان الناس اللى جابت كيا سيراتو مخنوقين منها و بيطلعوا همهم على الكروز مع العلم ان مفيش حد اشترى العربية و اشتكى منها نهائيا حتى الأخ اللى عمل حادثة والله اعلم اذا كان صادق ولا بيفتى ليية عربية فيها عيب التوكيل ازاى ميغيرهاش و كل اللى اشتروا العربية شياطين و هو اللى ملاك و عربيتة بتبطل و مش نافعة يا جدعان للأسف مازال المصدر الأساسى للمعلومات هو التجربة و عن تجربة بقول العربية دى احسن عربية فى مصر فى الفئة بتاعتها و الايام بيننا يا معارضين

المهم سيبك من العالم اللى مخنوقين دوول العربية 10000 على 100 و فاجرة و سافلة جدا و انا اسف على التعبير دة بس هو دة اللى المفروض يتقال

فعلا فيه ناس حاقدين عالعربية و دول فرايى 3 انواع
1- ياما معاه سيراتو
2- ياما معاه عربية زبالة و منفسن من العربية الشيك ديه اللى اسمها كروز
3-بيفتى وعايز يعمل نفسه ناصح
يعنى لما واحد مثلا يخش يقول يا جماعة انا عايز اشترى الكروز ايه رايكو
يقومو الشخص يقوله لالالا توكيلها وحش و هو لا ركبها ولا ساقها ولا جرب الاستباليتى بتاعها
اصله ملاقاش عيب فالعربية فلازم يقول اى حاجة الناس ديه بتحب الكلام الكتير

يا باشا تعالى اسكندرية وشوف انتشار العربية عامل ازاى

معلش يا باشا طلب صغير

انا طبعا نويت اشترى كروز فئة ال 150 الف اللى فيها فرش جلد وجنوط17 بجانب كماليات التوب لاين

ياريت يا باشا وانت بتستلم تسالى اى حد فالتوكيل اضافة فتحة سقف عالكروز التوب لاين تتكلف كام

وهل ده يعتبر اسبيشيال اوردر ولا هينزلو دفعة عربيات بفتحة

**mustafaibrahim** · 20-06-2010 04:23 PM

المشاركة الأصلية كتبت بواسطة ahmedsa33

سؤال اخير يا باشا هو انا لو استلمت دلوقتى هخدها موديل 2010 ولا 2011 و اعتقد 2010 صح

هتستلمها 2010

موديلات 2011 بتنزل من شهر 10 تقريبا

**Hosam_Optrawy** · 20-06-2010 09:24 PM

المشاركة الأصلية كتبت بواسطة ahmedsa33

شكرا يا باشا انا بجد محظوظ انى وقعت فى واحد زيك انا كنت بفكر اركب زينون و باركينج سنسور محترم بس مش مشكلة ممكن انفض و ادينى كنت ماشى من غيرهم فى عربيتى القديمة و بصراحة كان كمان نفسى
اركب lcd
عشان الاولاد و انت فاهم ممكن اجيب نوع يشتغل على الولاعة و يكون فى اف ام ترنسميتر يبقى كدة فى السليم و كنت هكوت على الطارة المالتى فنكشن بس متهيئلى مش هتنزل مصر غير بعد سنتين مثلا
و ربنا يسهل و انت بتعتقد يكون فى لعب من التوكيل فى العربية مثلا تكون مخبوطة او حاجة و هل انا بستلمها
من منصور عليها الشمع بتاعها الابيض ولا اية

و شكرا يا باشا على العموم انا رايح منصور اللى فى سور نادى الزمالك المهندسين يوم الثلاثاء اديهم الجواب
وفى واحد هناك مدير بدون ذكر اسماء قالى التسليم خلال 48 ساعة و كمان فى مركب اليومين دوول و العربيات
فى الشونة و الموضوع هياخد يومين عشان يجيبولى الافراج الجمركى و الاستلام و اعتقد كلامهم على الاقل صح بنسبة 60 % ولا رايك اييية

ربنا يخليك

كل الحاجات دى ممكن تركبها عادى بس ضفيرة الكهربا هاتخرج برا الضمان

بمعنى ان لو حصل اى مشكله او عطل فى العربيه وله علاقه بالكهربا والحاجه دى فى الضمان , التوكيل هايرفض تصليحها تبع الضمان لانك مركب حاجات خارج التوكيل , فهاتصلحها انت على حسابك

موضوع ان العربيه تبقى مش سليمه طبعا احتمال مستبعد , بس للاسف مبقاش فى حاجه مضمونه فى الزمن دا , وانت بتستلم العربيه اكشف كويس وافحصها

وبالنسبه للاستلام كلامهم مظبوط لانى لما كنت باسأل من فتره قاللى ان الاليجانس مبتتأخرش فى الاستلام

اللى بيتأخر التوب لاين

المشاركة الأصلية كتبت بواسطة ahmedsa33

سؤال اخير يا باشا هو انا لو استلمت دلوقتى هخدها موديل 2010 ولا 2011 و اعتقد 2010 صح

2010 لان لسه 2011 منزلش

المشاركة الأصلية كتبت بواسطة mido

على فكره انا ركبت انذار وسنتر ومحدش قلى حاجه بس ده يمكن علشان انا مشتكتش من حاجه فى الكهربا
اعتقد اللى هيبقى محتاج يركب الباركنج سنسور وده مش قصه كام خرم فى الاكصدام وقطع فى سللك لمبة الفرامل

بالظبط عشان انت مشتكش

لكن لو اشتكيت او حاجه باظت وطلبت تصليحها او تغييرها تبع الضمان هايرفضوا

**Ahmedsa33** · 21-06-2010 05:39 PM

المشاركة الأصلية كتبت بواسطة Famo

أخى الكريم صاحب الموضوع

الأخوة الأفاضل المشاركين فى الموضوع

أنا الشخص اللى بتقولوا علية مش عارفين أذا كان صادق و لا لأ

أنا اللى عربيتى عملت بيا حادثة كذا مرة و الحمد لله على رجلى

أولا العربية أحب أن أحيط علم الجميع أنها فوق الممتازة
بس فية كام تعليق

العربية أى حد يفكر يشتريها يبقى عامل حسابة أنها تفضل معاه العمر زى ما أشترها
بمعنى لا يحاول أضافة أو تعديل أى شيء فى السيارة

أى حتى قطع فى الأسلاك الخاص بالسيارة بيتسجل على الكمبيوتر
أى حاجة أضافية من عندك ممكن تكلفك ضمان العربية

بالنسبة لأداء العربية
فوق الممتاز فعلا و لو قرأتم موضوعى كاملا هتعرفوا دة من كلامى

بس أنا مشكلتى كانت من ضمن المشاكل اللى زى بعض الزملاء ما قالوا أنها حاجة عرضية

و كل اللى أتعرفت عليهم فى مشكلتى معاهم كروز محدش أشتكى و لا قال أى حاجة
فى الأتوماتيك و لا فى الستيب ترونيك

لكن بالنسبة للمانيوال أتقسموا أتنين

جزء معاة الأصدار القديم و هو اللى 2 زجاج كهرباء و دول عانو أن مرة واحدة العربية مش بتدور اساسا
و كا ن حل الموضوع دة كابل البطارية بيتفصل و توصلة تانى و المشكلة تبقى أنتهت

و جزء تانى و للأسف أنا منهم اللى معاة مانيول بس 4 زجاج كهربائى
و هم 12 عربية فى مصر اللى فيهم المشكلة دة
و للأسف أنا واحد منهم

فأى حد بيفكر فى الكروز

تفاديا للمشاكل
يبعد عن المانيول

بس أنا مشكلتى أنى بحب المانيوال و دة اللى عمل فيا كدة

و عموما مبروك يا أخى الكريم على سيارتك مقدما

و ربنا يكفيك شرها و شر طريقك

و يباركلك فيها ان شاء الله

شكرا يا باشا اولا انا جايب اوتوماتيك
ثانيا انت الوحيد اللى عرفتة بيشتكى مش بقول انك كداب بس نتفاهم اولا العربية كل الناس اجمعت انها ممتازة قد يون فى اول انتاج عيوب و قد يوجد فى اى سيارة هى عملية حظوظ بس مش اكتر انا كلمتك اكتر من مرة و مردتش عليا قولت اشتغالة على العموم تبقى شركة غبية لو معالجوش المشاكل اللى واجهت العربية فى اول انتاج و ربنا يستر و مبقاش زيك بسب فى العربية