[gdwl]اخوكم الحمد لله خلص سنه 3 هندسه مدنى[/gdwl]
و ان شاء الله السنه الجايه بكالوريوس
انا عاوز اشغل فراغى و اخد كورسات هندسيه
بس فى ملاحظه
انا عاوز اخد كورسات مش عاديه يعنى كله هيقولى اوتوكاد و ساب
الحاجات دى طبيعى هاخدها لكن انا عاوز كورسات مختلفه و مميزه
عاوز اخد كورسات لما اكتبها فى الcv تخطف العين تخلى اللى قاعد بيسألنى يكون متأكد ان اللى قاعد قدامه ده مهندس مختلف و مميز و دارس حاجات مش اى حد دارسها
مش عارف انتو فاهمنى و لا لأ بس ياريت تساعدونى
ايه يا جماعه مفيش مهندس مدنى فى المنتدى يقول رايه؟؟؟!!!
على العكس كتر الكورسات فى السى فى لواحد لسه متخرج مش حاجه كويسه انت المفروض حديث التخرج يعنى مهما كنت يعنى لسه عاوزلك على الاقل لو فرود يعنى 6 شهور تعليم وده لو شغل طحن ومعاك مهندسين فراوده ساندينك انما الطبيعى ان المهندس حديث التخرج ده بيكون عاوز على الاقل سنه على ما بيتدى ينتج ويعتمد عليه , ثم انت ماقولتش انت ايه نوع الشغل اللى انت ناوى تشتغله لما تتخرج يعنى تنفيذ , تصميم , مكتب فنى بفروعه المختلفه كل حاجه وليها كورساتها ومجال مختلف عن التانى . فى البدايه حاول تركز على الحاجات المطلوبه فى سوق العمل يعنى الانجليزى , الاكسل والوورد ,الاتوكاد اساسى , الساب مش ضرورى الا لو هتشتغل تصميم فى بريمافيرا لو هتشتغل تخطيط , الاول شوف عاوز تشتغل ايه وبعدين قرر ايه الكورسات المتخصصه اللى هتاخدها لكن كورسات كده على الفاضى والمليان مش كويسه فى الاول ولا فى الاترفيوهات
انا مع أخى ان بلاش كورسات على الفاضى والمليان
ياعنى خليك فى الأساسى
زى الأوفيس و الأوتوكاد و اللغه
وبعد كده لما تقرر هتشتغل فى التنفيذ او التصميم يبقى تاخد باقى الكورسات
انا متخرج من حوالى 5 سنين ولسه لحد دلوقتى مخدش كورسات بس انا شغال فى التنفيذ والحمد لله
بس انا ندمان انى مخدش ...وحالياً مش لاقى وقت اخد كورسات ولا اى شئ
لما تبتدى عرفنى قبليها يمكن أخد معاك
انا أخوك محمود
خريج مدنى
اولا شكرا لكل الردود
هى النقطه دى اللى انا خايف منها الواحد لما بيبدأ شغل بيبقى خلاااااص مفيش اى وقت كله شغل شغلاقتباس:
بس انا ندمان انى مخدش ...وحالياً مش لاقى وقت اخد كورسات ولا اى شئ
و معلش اسمحولى اعترض على وجهه نظركم انا شايف ان الكورسات فى بدايه الشغل حاجه مهمه
نفرض مثلا ان انا مقدم فى مكتب تصميم و معايا اتوكاد و ساب و برنامج كمان مثلا و واحد تانى مقدم و مش معاه الكورسات دى هياخد اللى معاه كورسات ولا هياخد واحد مش معاه كورسات و يبدا يعلمه من الاول
ثانيا بالنسبه لطبيعه الشغل انا نفسى اشتغل اى شغل يكون فى مكتب مش موقع يعنى تصميم او تخطيط او اى تكون فى مكتب مش عاوز اشتغل تنفيذ فى مواقع و كده و بالتحديد نفسى اشتغل فى الخليج فياريت بجد اللى يقدر يساعدنى و يحدد ليا كورسات مفيده
نصيحة من مهندس ميكانيكا
اللغة مهمة جدا لازم تبقى لغتك قوية جدا جدا علشان هى المفتاح انك تتعلم حاجة كتيير بعد كده فى شغلك و فى مجالك
على فكرة الشركات المحترمة و الملتى بتعمل انترفيوهات بالانجليزى
إنت عايز تاخد كورسات ليه؟؟؟
عشان تتبقى ديزاينر مثلا ولا إيه؟
الكورسات التقليديه هي اللي حتفيدك كمهندس مدني.....
مش أي حاجه تانيه..
و خلي فى دماغك إنك مهندس مدني..مش مهندس معماري..
المطلوب منك كمهندس مدني...رسوماتك التقليديه على الكاد..
مش الإبتكار..لأن ده دور خريج العماره..
وسواء إشتغلت تنفيذي (مقاولات)..
أو إستشاري..
مش حتفيدك الكورسات السوبر اللي إنت بتسعى ليها...
انا عاوز اشتغل شغل مكاتب مش مواقع
سواء ديزاينر او تخطيط او شغل يكون فى مكت مش فى موقع
انا عارف ان لو جالى شغل فى موقع مش هقول لا بس انا نفسى فى شغل مكتب
autocad ,sap, primavera
سؤال .....ليه مش عايز شغل التنفيذ؟؟
سؤال تانى....شغل المكاتب فيه انشائى و طرق و مياه و تخطيط و ميكانيكا تربة
ولو الموضوع متقدم شوية ممكن تلاقى داخل كل تخصص تشعبات تانية
عايز ايه منهم؟؟ :b4_556:
عشان الصحه على القداقتباس:
سؤال .....ليه مش عايز شغل التنفيذ؟؟
و خصوصا رجلى وشغل التنفيذعاوز واقفه طول النهار و حركه و كده عشان كده عاوز حاجه مريحه انا عارف ان الناس هتقول ان كل الشغل متعب و الكلام ده و انا عارف كده كويس و لو جه قدامى شغل تنفيذ مش هقول لا و هستحمل بس عاوز تصميم عشان اقعد فى مكتب عشان رجلى اصلا تعبانه
انا نفسى اشتغل فى مجال الطرق او المياه او التخطيط او الانشائى بالترتيباقتباس:
سؤال تانى....شغل المكاتب فيه انشائى و طرق و مياه و تخطيط و ميكانيكا تربة
شكرا لرد حضرتك لكن انا شايف ان دى كورسات اساسيه لازم كل المهندسين المدنى يكونو عارفينهااقتباس:
autocad ,sap, primavera
انا عاوز كورسات مميزه مش اى حد يكون واخدها انا مش عارف الناس مش فهمانى و لا انا اللى طلبى صعب
عزيزى المهندس محمود
لا تقسو على نفسك
مفيش كورسات سوبر تقدر تاخدها علشان السيرة الذاتية تبقى مميزة
السيرة الذاتيه بتبقى مميزة بالخبرات اللى اكتسبتها
وده غير متاح فى وضعك الحالى لانك لسه هتتخرج
وبالتالى امتداد للتعلم من الكليه
اساسيات الشغل لازم تبقى موجودة
اهم حاجة طبعا الاتوكاد
الاكسل وكيفيه عمل التصميم بيه وعمل برامج بسيطة با ستخدام الfuctions الموجوده وفهم طريقة عملها
اللغة الانجليزيه السليمة للكتابه والتحدث
خد ال 3 حاجات دول مرحلة أولى
هيفدوك جدا
بعد ما تتخرج حاول تاخد دبلومة فى ادارة الاعمال او كورس
ازاى تكتب اجندة اجتماع ، محاضر الاجتماعات ، الادارة واصولها وهكذا
ربنا كرمك بشغل هنا تبدا تدور على الكروسات السوبر اللى انت بتحلم بيها وهتعرفها لما تبدا شغل
لانك لو خدتها دلوقتى صعب جدا تفهمها او تهضمها لانك معندكش الخبرة العمليه المطلوبه لمجاراة الكورس
كلام منطقى ومظبوط بنسبه كبيرهاقتباس:
المشاركة الأصلية كتبت بواسطة محمد عز
شكرا لرد حضرتك و البنسبه لاداره الاعمال انا اصلا بفكر اخد المشروع بتاعى فى اداره المشروعات عشان انا بحب مجال الاداره اوى و ربنا يقدم اللى فيه الخيراقتباس:
المشاركة الأصلية كتبت بواسطة محمد عز
بس انا كان نفسى يكون فيه كورسات مميزه اقدر اخدها خصوصا ان فى الاجازه الواحد بيكون فاضى و مش لاقى حاجه يعملها فكنت عاوز اشغل وقتى بالكورسات دى
محمود انت خدت الكورسات الاساسية ؟؟؟؟اقتباس:
انا كان نفسى يكون فيه كورسات مميزه اقدر اخدها خصوصا ان فى الاجازه الواحد بيكون فاضى و مش لاقى حاجه يعملها فكنت عاوز اشغل وقتى بالكورسات دى
ليه مش بتدور على تدريب صيفى؟؟؟
انت حاطط فكرة فى دماغك ومش عاوز تتنازل عنها، مافيش حاجة اسمها كورس عاادى وحاجة اسمها كورس مميز
شكرا لرد حضرتكاقتباس:
محمود انت خدت الكورسات الاساسية ؟؟؟؟
ليه مش بتدور على تدريب صيفى؟؟؟
انت حاطط فكرة فى دماغك ومش عاوز تتنازل عنها، مافيش حاجة اسمها كورس عاادى وحاجة اسمها كورس مميز
انا اسمحى محمد مش محمود
ثانيا انا بنزل تدريب صيفى الحمد لله تبع المقاولون العرب مواقع تنفيذ
و بنزل لمده شهرين فى الصيف
و الكورسات الاساسيه انا خدت اوتوكاد و ساب و ان شاء الله قريبا هاخد برامفيرا
خد الكورسات الاساسيه زى الاتوكاد والساب والانجليزى والبريمافيرا , لو انت مصمم بقى على الكورسات غير العاديه يبقى تاخدلك شويه كورسات اداره فى الجامعه الامريكيه , الانجليزى يكون فى الجامعه الامريكيه مافيش مانع تضربلك كام كورس فيديك على تحكيم على شويه كورسات من اللى ملهاش لازمه زى Time Management , Report writing , how to write your C.V وياسلام بقى لو كتبت فى الس فى انك مشترك فى جمعيات اهليه ونشاطات مختلفه زى تنميه المجتمع والكلام الكبير ده , استريحت كده برده انت مش قادر تستوعب انك مهندس حديث التخرج مهما كانت السى فى مليانه كورسات مش مهمه اوى زى مهو مهم انك تتعلم الشغل الحقيقى لما تتخرج لان اللى بتدرسه فى الكليه تقريبا بستخدم منه حوالى 10 % والباقى بتكتسبه بالشغل , لو عندك امكانيه تاخد تدريب كويس فى اماكن محترمه متترددش دى هيه اللى فعلا مفيده ليك بالاضافه الى الكورسات الاساسيه زى الانجليزى والاوتوكاد والساب . ممكن تساعد ناس زمايلك فى مشروع التخرح علشان تمشى ايدك فى الاتوكاد والساب ده مفيد جدا وهتاهد خبره مش بطاله فى الاتوكاد والساب وربنا يوفقك ان شاء الله .اقتباس:
المشاركة الأصلية كتبت بواسطة eng/muhamad
محمد روح الجامعه الامريكيه في كورسات كويسه ليكم انا مفهمتش فيها حاجه علشان انا ميكانيكا
بس هو انتا الفرقه الكام و جامعه الزقازيق ولا العاشر
انا هندسه العاشراقتباس:
محمد روح الجامعه الامريكيه في كورسات كويسه ليكم انا مفهمتش فيها حاجه علشان انا ميكانيكا
بس هو انتا الفرقه الكام و جامعه الزقازيق ولا العاشر
و الحمد لله خلصت سنه تالته و السنه الجايه بكالوريوس
ممكن project manegment in auc
طب تمام زيي بس انا هندسه الزقازيقاقتباس:
المشاركة الأصلية كتبت بواسطة eng/muhamad
و من الكورسات اللي شوفتها حاجه اسمها building maintenance
في الجامعه الامريكيه تقريبا تبعكم الله اعلم
وده بيتكلم عن ايه او ايه هى فكره الكورس؟
معرفش ده بروشور قريته كده و اصلا فيه حاجه اسمها asme
بس دي تبعنا
اسال ان كان فيه زيها
و برضه اللي حتنفعك اوي تبعهم بس لما تخلص تاخد الرخصه الامريكيه لمزاوله الهندسه حتفرق معاك جامد
وربنا يوفقك يا بشمهندس و ادعلنا بقى نعدي السنادي
تمام وشوية حاجات على الجودة وال 6 سيجما والكلام دهاقتباس:
المشاركة الأصلية كتبت بواسطة engahmedsamy
ودى عباره عن كورسات ولا إمتحان على طولاقتباس:
اللي حتنفعك اوي تبعهم بس لما تخلص تاخد الرخصه الامريكيه لمزاوله الهندسه حتفرق معاك جامد
معلش سؤال كنت عاوز أعرف هل فى الكورسات إلى فى الجامعه الأمريكيه بيشترطوا اللغه تكون كام فى الميه تقريباً
و بالمناسبه يا جماعه انا عاوز اجيد اللغه الانجليزيه اجاده تامه خصوصا فى المحادثه تنصحونى اخد كورسات فين؟
انا زيك يا بشمهندس رايح بكالريوس السنة الجاية مدنى بردو ولسة مخدش اى كورسات بس انشاء الله هاخد ساب واوتو كاد وزى الفل على كدة
وسيب الشغل دة على ربنا كلة بيشتغل على فكرة
انا الحمد لله لسه مخلص بكاليريوس اهو والمشروع مكمل معايا كمان عشرين يوم اهو
ومخدتش غير اوتوكاد فقط وبالنسبه للساب ف انا ومجموعه اصدقائي اتفقنا مع بشمهندس في مكتب بيشرحلنا الديزاين من اوله لاخره
يعني جابلنا بلان لبرج من عنده
بنرسمه اوتوكاد
وناخده ع الساب نحله كمرات وبلاطات وريأكشنات الاعمده
تاخدها تروح بيها ع الاكسيل تصممها هيا والقواعد
حاول تفكر ف الموضوع دا اعتقد انو مفيد وتحس انك بتربط معظم اللي درسته
واحييك علي اختيارك ل مجال الطرق كرغبه اولي لان انا كمان زيك ومشروعي كمان طرق وهو مجال ممتع جدا:vctry:
الله اعلم ممكن تروح الجامعه الامريكيه فرع التحرير و تسالاقتباس:
المشاركة الأصلية كتبت بواسطة moood
اخ محمود اهلا بيك انا حاليا خلاص فى مرحله بحث عن مكان كويس اخد فيه كورس برامفيرا فلو حضرتك لسه مهتم بالموضوع عرفنى و لو فى اى جديد انا هبقى اكتبه فى الموضوع هنااقتباس:
لما تبتدى عرفنى قبليها يمكن أخد معاك
انا أخوك محمود
خريج مدنى
برامافيرا بس
ولا فى كاد ولغه
اصلى عاوز أبدأ بكاد ولغه
او كاد حالياً
السلام عليكم
انا مهندس مدني حديث التخرج
معلش ان كنت قرات الموضوع متاخر بس حبيت ارد باسلوب مختلف عن كثيييييييير من المشاركات السابقة
اولا نعمل مقارنه بسيطة و محتصرة بين مهندس حديث التخرج و مهندس خبرة
حديث التخرج يعرف يصمم كويس جدا
المهندس الخبرة يعرف يصمم بس يعرف يستلم يدير مشروع (يتابع بنود العمل يظبط الشغل لو فيه تاخير ) يسلم تقارير وهكذا
من هنا لازم يكون للمهندس حديث التخرج بعض المقومات و الخبرة و بما انه لم يسبق له العمل في الموقع
لابد من دخول عالم البرامج لانك لو منفذ اكيد هتحتاج اتوكاد ساب في برامج اخري هوضحها لاحقا
لو تصميم هتحتاج السابق وشويه برامج حسب التخصص و استيعابك وحبك للبرامج
بص يا سيدي هذكر لك بعض البرامج المهمه لتكون مهندس شامل
طبعا لا غني عن الاتوكاد و الساب لاي مهندس
ايه الحل لو المكتب اللي رحت تشتغل فيه قال انا شغال بالاستاد
نفرض انك سافرت دول الخليج الشقيق و اتضح لك ان برنامج الاتوكاد الناس بتقول عليه مش مستخدم و قالوا انتهم بيستعملو الماكرو استيشن
من البرامج المهمه في الطرق اللاند وهو برنامج يعتبر قديم صحيح اخر اصدار كان في 2009 لاكن برنامج سيفل ثري دي اول اصدار له2008 حل مكانه والبنامجين تبع اتوديسك نرجع لدول الخليج تلاقي برنامج mx road و in road تبع برنامج الماكروستيشن
هنيجي مثلا لبرامج ادارة المشروعات و هي مهمه جدا هتلاقي البريمافيرا و في نفس الوقت هتلاقي ميكروسفت بروجيكت
وبرامج المياة زي الووتر كاد وغيرهم كتير
يمكن ضخمت الموضوع بس انت بقيت في عام 2011 يعني الكمبيوتر لاغني عنه لانه بيوفر كتير
نصيحتي انك تركز علي برامج المهمه جدا وممكن تتعلم في البيت بقيه البرامج اعرف الاساسيات الاول علي برنامج وهتلاقي الباقي قريب جدا من اللي انت عرفته تعالي نسرد بعض البرامج
(الاتوكاد الميكرو ستيشن) (الساب الايتاب السيف الاستاد روبوت اتوديسك لسه ماتشهرش سيبك منه)
(الاند سيفل mx ,in road ) (البريمافيرا ميكروسفت بروجيكت مهمين الاثنين ) فيه غرهم بس مش متزكر دلوقتي
بس فيه برامج لتصميم رصف المطارات والطرق برامج مرور برامج ميه برامج صرف
نسيت اقول ان البرامج بتنقسم لجزئين مهمين
شركه اتوديسك
شركة بينتلي من برامجها ميكروستيشن
اسف علي الاطاله وانا تحت امرك