الموضوع: هل ممكن أفيم العربية ولا فيه مشكلة

المشاركة الأصلية كتبت بواسطة nsync

بسم الله الرحمن الرحيم

يا جماعة انا عايز اقلل درجة الحرارة بتاعة الشمس وكنت بفكر فى الستاير بس مش عجبانى قوى وشايف ان التفييم اشيك منها بس مش عارف ايه الدرجة اللى ممكن افيم بيها وتحمينى من الشمس وفى نفس الوقت مش اى لجنة توقفنى وتعملى مشكلة على الطريق يعنى باختصار عايز درجة خفيفة ماياخدوش بالهم منها فى اللجان وفى نفس الوقت تقلل الشمس وتعكسها!
ومنين أقدر اعملها وبكام؟

اى درجة ممنوع وفيها سحب رخص
اسال مجرب

هتدخل نفسك فى حوارات بلاش احسن
انا كنت سمعت عن حاجة زى الفيمية كدة ودى بتعكس اشعة الشمس بس مش عارف ممنوعة ولا لاء وحتى لو تفتكر كانوا بيعلنوا عنها فى الجرايد عادى
لو ممكن حد يفيدنا فى الموضوع

احسن حاجه الv.cool

المشاركة الأصلية كتبت بواسطة Nsync

بسم الله الرحمن الرحيم

يا جماعة انا عايز اقلل درجة الحرارة بتاعة الشمس وكنت بفكر فى الستاير بس مش عجبانى قوى وشايف ان التفييم اشيك منها بس مش عارف ايه الدرجة اللى ممكن افيم بيها وتحمينى من الشمس وفى نفس الوقت مش اى لجنة توقفنى وتعملى مشكلة على الطريق يعنى باختصار عايز درجة خفيفة ماياخدوش بالهم منها فى اللجان وفى نفس الوقت تقلل الشمس وتعكسها!
ومنين أقدر اعملها وبكام؟

السلام عليكم

أنا عندى نفس المشكله زى عندك بالظبط وبقالى سنه بدور على حل وسالت على كل الانواع وفعلا مفيش غير
v-cool بس للأسف سعره غالى جدا العربيه هتتكلف فى حدود 4500 جنيه

المهم انا من اسبوع ببحث فى دبى لقيت نوع جديد ممتاز اسمه Enzo -cool ومميزاته

1- بيحجز حرار الشمس بنسبه تصل الى 70 % وعن تجربه اكتر من واحد صحبى وخصوص فى دول الخليج انت عارف نظام الحراره ايه

2-شفاف بنسبه 99% يعنى تقريبا نفس الزجاج استحاله حد يعرف انك مركب فاميه (هنا بيتفيم الزجاج الأمامى ) أنا فعلا شفت على عربيه ومكنتش مصدق ان فى فاميه

3- عرضه متر ودى ميزه رهيبه انك تقدر تعمل الزجاج الخلفى قطعه واحد مش على جزئين فوق وتحت لان الموجود بمصر عرضه 50 سم

4- سعر ممتاز يصل المتر الى حدود 63 جنيه مصرى تقريبا يعنى العربيه بتحتاج 3 متر تقريبا فى حدود 200 جنيه للعربيه وفعلا سعر ممتاز لأمكانيات دى


انا طبعا اشتريت لنفسى منه شوفه موجود عندك نزل مصر ولا لو مفيش قولى وانا تحت امرك


وشكرا

ده يبقي جااااااااامد جدا
يا ريت لو ممكن نعرف بيتركب ازاي. وصور له بعد التركيب. ومنين من دبي علي اساس اقول لحد يجيبهولي من هناك؟؟؟؟؟
وشكرااااااااااا

ياريت ياباشا اذا حضرتك نازل مصر على الصيف او قريب او تقدر تبعته مع اي حد تعمل حسابي معاك

لو مفيهاش رزاله ياعنى
معلش بس الشمس مدوخانى جداً جداً
ولو كده بس عرفنى المكان و إسم المحل وانا أخلى حد يجيبه لو أمكن

.........................
بما انك مجرب هل الفرق ملحوظ !!!
وطريقه التركيب كانت إزاى؟زى الفاميه عادى ياعنى ولا ليه طريقه خاصه
والرؤيه بالليل عامله ايه هلى الأنوار عاديه ولا بتبقى عامله زى الشعاع كده ؟؟
معلش بتقل على حضرتك

السلام عليكم

بنسبه لموضوع التركيب عادى زى اى فاميه كل انواع الفاميه بتركب بنفس الطريقه حتى v -cool أغلى فاميه

فى نقطه مهمه لحظتها انهارده وخصوصا بليل فى الزجاج الخلفى فقط نور العربيات فى الخلف بيكون عامل زى الشعاع الى حد ما بس كل شى واضح عادى

وكان فى عضو طلب منى صوره هو طبقه شفاف مكتوب على العلبه 0/0


وبنسبه لموضوع بيتباع فين فى سوق دبى بتاع كماليات السيارات عند نفق الشندغة كله محالات كماليات سيا رات


وبنسبه لكل الاعضاء محتاجين أنا إن شاء الله نازل اخر الشهر بس من فضلكم يكون متاكد علشان انا هدفع تمنه
المقاس هيكون فى حدود 4 متر طول و 1 متر عرض وده يكفى اى عربيه ويزيد بنسبه لسعر المتر حوالى 62جنيه يعنى العربيه كلها 4 متر هيعمل 248 جنيه

وانا من عيونى لأى عضو انقل لحد مصر بس رجاء يبلغ أيمن ( Ayman_52 ) هو عارف وانا كلمته فى الموضوع علشان هو هيحصر الكميه المطلوبه

وأنا تحت امر الاعضاء وخصوصا بروتون


وشكرا