صوت تكتكة فى الزجاج

**best2010** · 20-06-2010 03:17 AM

معلش ان كان موضوعى مكرر انا فاكر انى قريت حاجة زى كده بس ما عرفتش بعد تدوير اوصل لها ..
والمشكلة بسيطة بس مضايقانى وهى انى باسمع صوت تكتكة لما بقفل زجاج الشباك اللى جنبى على الآخر .. شباكى انا بس باقى الشبابيك تمام
ومش عارف ده من ايه وليه ؟

**foxarc** · 20-06-2010 07:53 AM

متابع باهتمام

**shshmoh** · 20-06-2010 08:15 AM

و انا كمان بس حاسس ان الموضوع مفهوش مشكله ان شاء الله

**yahiazakaria** · 20-06-2010 08:50 AM

وانا كمان اوقات بحس بيه واوقات لقه بس مش عارف ليه

**DR/WAFEK** · 20-06-2010 12:39 PM

المشاركة الأصلية كتبت بواسطة yahiazakaria

وانا كمان اوقات بحس بيه واوقات لقه بس مش عارف ليه

+11111111111

**amr123** · 20-06-2010 01:13 PM

انا عندى مشكلة مشابهة فى الباب اليمين ادام
لما بقفل الزجاج اسمع صوت تكته و زقزقة لما اعدى على حتة مش ممهدة كويس انا قنت فاكرها ماكنة الزجاج فيها حاجة ...واحد صاحبى افتالى فتوه قالى روح لحد بتاع اظبط ابواب قوله يعملك رجلاش للباب هيتظبط....بس انا الحقيقة مش فاهم يعنى ايه رجلاش للباب ...فالصراحة مروحتش ...ايه رايكو ؟

**mostafabakry** · 20-06-2010 01:40 PM

يا جماعة الموضوع دا كان عاملي مشكلة و كان في كل الأبواب و كان مخايلني و مضايقني
و بالصدفة اكتشفت حله ايه

الموضوع ببساطة ان الجزء اللي بيقفل الباب و اللي متثبت في القايم و اللي بنسميه اللسان بيلم تراب و التراب هو الللي بيعمل صوت التزييق و التكتكه دا
كل للي عليكم هو مسح القفل بتاع الباب و اللسان اللي بيمسك فيه في القايم و يا سلام لو شوية شحم صغيرة بطرف صابعك كدا علي اللسان اللي فيالقايم و في الكالون الباب من جوا لكل باب يبقي 100%
كل حاجة هتبقي تمام انا عملتها مرة او مرتين و راحت تماما

سب المشكلة دي من وجهة نظري ان الباب مافيهوش كاوتش جلد خارجي علي محيط الباب نفسه يمنع التراب و طبعا مع الوقت التراب بيترسب علي اللسان و داخل الكلون و يحصل تزييف نتيجة لوجود التراب بينهم

بس كدا

**zkralla** · 20-06-2010 03:30 PM

الموضوع ده عندى بس سببه - بالنسبه لعربيتى - هو القزاز مش الباب لأنى لما بضغط على القزاز بتاع الشباك بايدى باسمع نفس الصوت
بعض الاخوه قالولى أن السبب هو دخول تراب برضه

**bishoy02010** · 20-06-2010 03:58 PM

الموضوع ده ليه 3 أسباب أبسط من بعض

1. مكنة الإزاز عايزه تتربط ( نادرا )
2. الإزاز عايز يترش عليه حاجة كده عشان التراب بيعملوها فى التوكيل مبتاخدش 3 دقايق بعد مبيفك الكاوتشه بتاعت الإزاز اللى فى الباب بيرش ماده كده عشان التراب ( انا كان عندى الموضوع ده )
3. القفل بتاع الباب لو عليه تراب بيعمل الصوت ده وبيكون محتاج تنضيف

**tamer61** · 21-06-2010 11:43 AM

المشاركة الأصلية كتبت بواسطة bishoy02010

الموضوع ده ليه 3 أسباب أبسط من بعض

1. مكنة الإزاز عايزه تتربط ( نادرا )
2. الإزاز عايز يترش عليه حاجة كده عشان التراب بيعملوها فى التوكيل مبتاخدش 3 دقايق بعد مبيفك الكاوتشه بتاعت الإزاز اللى فى الباب بيرش ماده كده عشان التراب ( انا كان عندى الموضوع ده )
3. القفل بتاع الباب لو عليه تراب بيعمل الصوت ده وبيكون محتاج تنضيف

شكرا يا بيشوي باشا....أنا عندي نفس الحكايه ومن وجهة نظري الحل رقم 2 هو إللي حيمشي معايا وإن شاء الله أعمله في صيانة ال 15000 اليومين إللي جايين و حبلغكوا. و تقبلوا تحياتي.

الموضوع: صوت تكتكة فى الزجاج

LinkBack

أدوات الموضوع

عرض

صوت تكتكة فى الزجاج - انشر الموضوع فى :

-

-

-

-

-

-

المواضيع المتشابهه

صوت تكتكة

قدر الله وماشاء فعل - اخذت زلطة فى الزجاج الامامى تفتكره احقن الزجاج فين ؟

أكرة الزجاج الخلفي... وماكينة رفع الزجاج.

تكتكة الموتور

صوت تكتكة او زغردة ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة