محتار يا جماعه اجيب كورولا (هاي لاين ) ولا اوكتافيا ولا جيتا عايز راي خبراء

**nonopopo** · 20-06-2010 02:15 PM

دي صوره لشنطه العربيه كان رافعها احد الاعضاء

**nonopopo** · 20-06-2010 02:21 PM

ودي صوره للاتنين

**nonopopo** · 20-06-2010 02:23 PM

ودي الفانتزيا

**m073med** · 20-06-2010 03:27 PM

لو هنفكر صح خليك في الفانتازيا سعر قطع الغيار حلو وعوامل امان حلوة وشكل جميل والمقصورة خاماتها عالية وربنا يهديك للخير.

**Mustafa_Farouk** · 20-06-2010 04:03 PM

السلام عليكم،

أنا بحب الاوكتفيا جدا لانها عربية جامدة جداً وأنا مجربها من أيام a4 وأكيد حكون منحاز ليها، بس إنت شوف أنهي عجباك ودوس فيها لأن التلاثة كويسين وممكن تحط معاهم الرينو فلونس الجديدة.

**taftaf87** · 20-06-2010 10:46 PM

تسلموا يا جمااااعه كلكو ومتشكر على اهتمامكم وانا استفدت جدااااااااااااااااا من كلامكووو

انا حاسس اني ميال للاوكتافيا بصراحه لان كل الناس بتشكرلي فيها جداااااا

بس عايز اعرف اجيبها من في ن احسن من المعرض ولا من الوكيل والوكيل الاقيه فين اصلااا ؟؟؟

**amrseba** · 21-06-2010 12:43 AM

طب بص التيوتا كورولا جميله جدا ومريحه وفيها اوبشن اعلى وثبات الكورولا جميل جدا لاغيت 180 وبعد كده بيقل عشان العفشه ناعمه والعربيه تركابها تبقى فى عالم تانى خالص وانت مش داخل سباق ياعنى عشان تقفل العداد

بس برده هقولك على حاجه الامانى المانى لا يعلى عليه

بس توكيل تيوتا محترم وانا بتعامل معاه زى الفل وتريح دماغك و تبقى معاك كل الاوبشن الى تحلم بيه

بس لو انت ميال لاوكتافيا جميله جدا والتلت عربيات كويسين وبصراحه ركوبه الاوكتافيا حاجه والتيوتا حاجه تانيه

تيوتا بتهتم الامان اولا الراحه ثانيا الجوده ثالثا

انا معايه كورولا ملكه 96 بسم الله مشاء الله مريحه جدا وتاكيفها حلو ركبت الاوكتافيا ال a4 بص عربيه بجد ملهاش حل وماتورها عفى انا دوست على البنزين سرحت لاقيت نفسى بجيب فى ال 190 ومش حاسس بأى حاجه

التيوتا ياعنى امان وراحه تامه وكل الى تتمانا فى اى عربيه لكن الاوكتافيا غول ذات طابع رياضى تشعرك بقوتها وصلابتها

**KHALED AYMAN** · 21-06-2010 12:56 AM

المشاركة الأصلية كتبت بواسطة taftaf87

تسلموا يا جمااااعه كلكو ومتشكر على اهتمامكم وانا استفدت جدااااااااااااااااا من كلامكووو

انا حاسس اني ميال للاوكتافيا بصراحه لان كل الناس بتشكرلي فيها جداااااا

بس عايز اعرف اجيبها من في ن احسن من المعرض ولا من الوكيل والوكيل الاقيه فين اصلااا ؟؟؟

عندك حاجتين ..
خليجى ..دى كماليات اعلى بسعر اقل ..عيبها انها من غير ضمان و اقل فى الارتفاع عن الوكيل ب 3 سم و ممكن تحك فى المطبات العاليه ...سيبك من كلام تكييف اقوى و بويه احسن ..الكلام ده مش فيها ...و دى معانا مفيش منها مشاكل ...
وكيل ...دى عليها ضمان ....و اعلى من الخليجى من حيث الارتفاع ...
رأيى خليك فى الوكيل ليه ؟؟
عشان الموضه دلوقت ان الوكلاء يمنعو دخول الخليجى ...او يقولك تدفع 5000 جنيه ..و ممكن توصل ل 7000 جنيه زى فولكس كده ...
الوكيل هو ارتوك اوتو ...
حضرتك منين ؟؟