السلام عليكم,
أنا كان عندي مشكلة بسيطة كده حصلت أول يوم رخصت فيه العربية ومشيت عالطريق وهي إن الإشارات والانتظار فصلوا ومبقوش بيشتغلوا.
المهم فضلت مقضيها كام يوم كده نظرا لظروف الشغل وبعدين رحت انهارده التوكيل عشان اظبطها.
الحمد لله المشكلة كانت بسيطة كان فيوز وتغير وكله تمام دلوقتي.
نيجي بقى للأهم وهو أيمن...يا جماعة الراجل ده واللهِ مش عارف أقول ايه!! ده يحسسك إن مصر لسة بخير.
أنا يوم ماحجزت قالوا لي آجي الساعة 11 هو قال لي لأ روح 9. المهم أنا راحت عليَّ نومة لقيته بيتصل بيَّ الساعة 9 وهو اللي صحاني وبيقولي انزل الحق قبل الزحمة وبتاع.
ومش عايز أقول لكم كام مكالمة اتعملت,كل شوية يتصل يطمن و يكلم باشمهندس محمد عبدالهادي بتاع الاستقبال, وداليا بتاعت خدمة مابعد البيع. بقيت كل معدي أسمع اسم أيمن في التليفون.
ربنا يخليك يا أيمن ويوفقك في امتحاناتك وتجيب امتياز يا رب. قولوا آمين.
تحياتي, وانتظروا تقرير ال 1000 على أول 7 إن شاء الله.
محمود.
المفضلات