لا البطارية والكاوتش مش تبع الضمان
عرض للطباعة
خالد باشا انا احمد اللى معايا البرافو اللى قابلتك عند أحمد و حسن tuning cars
بص بقى يا سيدى انا حصلى نفس اللى حصل معك بس ده النهارده
امبارح فضلت الف بالعربية طول النهار عادى جداً و مفيش أى حاجة حصلت جيت أدور العربية النهاردة بردو مكنتش بتلقط بس أنا بقى يا معلم العربية مكملتش 4 شهور و غير كده و كده لما شحنت البطارية من عند كهربائى و العربية دارت لقيت الباور مش رادى يشتغل !!!!
كلمتهم فى التوكيل رد عليا المهندس محمود أبو زيد قالى كده عيب بطارية !!!!! ( بعد أربع شهووووور !!!! )
و لما كملتلو موضوع الباور قالى ممكن يكون سير مقطوع
قولتلو سير ايه اللى مقظوع و العربية مركونة و انا بصيت كويس فى العربية مفييش أى حاجة مقطوعة و لا ريحة شياط ولا الى حاجة ..
قالى خلاص هنبعتكل بكره ( الثلاثاء 22 /6 ) ونش يجيبك جسر السويس قولتلو ماشى و لسه مش عارف ايه اللى هيحصل بكره !!!!!!!!!!!!
أنا مش فاهم إيه إلي بيحصل في الجو ده
أنا الحمد لله راكنها تحت البيت و مغطيها (حرام الخروج في الجو ده)
الجو ده أي عربية تبوظ فيه (الشوارع كلها عربيات عطلانه و الناس واقفة جنبها)
إن شاء الله يطلع الموضوع خير بكره لما تروح الصيانة
هي العربيه ماشاء الله معموله بذكاء انها متبوظش نفسها
يعني لو انت قافل العربيه والكونتكت ودوست على الكاسيت (زرار الصوت دوسه لجوه) هتلاقيه فتح وكتب 20 Minutes mode وده بيشتغل لمده 20 دقيقه ويقفل تاني لوحده عشان لو نسيته
نففس الكلام في نور الصالون برضه تقريبا 20 دقيقه ويطفي لو انت فتحته ومش مدور كونتاكت
طب لو انت بتتكلم ودي قمة الذوق لو بتتكلم عن طريق البلوتوث وقفلت الكونتاكت كل حاجه تفصل حتي الكاسيت ماعدا الصوت وتفصل تكمل المكالمه عادي واول ما تقفل تلاقي البلوتوث فصل من الموبايل (بجد ذوق اوي وبيفهمو )
المهم انا باخد بالي من كل ده والعربيه عامله الواجد وزياده وبرضه باظت لوحدها
احمد باشا والله واحشني وكل مره اقول حشوفك في شارع العريش وملاقيكش :)
بص ياسيدي انا لما دورت العربيه ببطاريه تانيه حصل ان لاقيت علامة البطاريه منوره في التابلوه والباور مفيييييييش خالص مش شغاااااااال
اللي استنتجته لان الباور عندنا كهربا والعربيه لما دارت من بطاريه تانيه فملحقتش تاخد دوره كهربتها او ان الباور بيشتغلش لما تكون البطاريه بايظه حاجه كده المهم اول ما غيرت البطاريه وركبت الجديده من عند ممدوح غطاطي لقيت كل حاجه رجعت زي ماكانت بالظبط
بالنسبالك يا سيدي انت تروح التوكيل وهما المفروض زي ماقالولي في التليفون حيغيرو البطاريه عليهم بس انت تدفع الاستهلاك على فرق السنه
يعني 550 + ضريبه=605*4\12=201جنيه دون انت تدفعهم وتاخد بطاريه جديده
بس خد بااااااالك بطاريتنا 60 امبييييييير مش 50 زي ماقالي في التليفون 60 امبير حجم صغير معكوس ( يعني قد القاعد البلاستيك اللي تحتها وال + شمال وال - يمين )
ولو في اي حاجه كلمني على طول
شفت يا عم رحت تانى يووم التوكيل و جه ونش رفعنى من الهرم لحد جسر السويس و فعلاً عملوا معايا موضوع فرق التكلفة ده حدود 5 شهور تقريباً و عملتلهم مشكلة هناك مع المهندس محمود ابو زيد
انا اول ما شفت المهندس اللى هيعملى العربيية قولتلو البطارية تكون 60 امبير و كررتها قدامو 10 مرات و لاحاجة و هو عمال بيقولى حاضر حاضر المهم بعد ما ركبو البطارية و الباور اشتغل عادى لقيتها 55 امبير و عينك ما تشوف الا النور
و عمتاً انا عارف ان البطارية ال55 مش هتفرق كتير بس الحركة نفسها تتضايق جداً و اللى كان منرفذنى أكتر ان اللى اسمه محمود أبو زيد كان بيتكلم معايا و لا اكنه غلطان فى حاجة لحد ما تقريباً المهندس اللى كان اعد معايا اتعاقب تقريباً و ده اللى ضايقنى والله و م / محمود ابو زيد كان هيكتبلى تقرير على ضمان البطارية بس انا قولت خلاص كفاية المشاكل
عاوزين نبقا نشوفك يا عم شووف انته كده هتبقى فاضى امته او هتروح لاحمد امتى و ابقى كلمنى
و ده رقمى اهو 0108886965
55 من 60 مش هتفرق بس اللي ركبوها لحضرتك Marelli ولاحاجة تانية
أنا اللي نفسى أعرفوا هما عارفين إنها 60 أمبير ليه ماجابوش منها؟؟؟؟؟؟
بس لو عندهم 60 و مركبوهاش يبقي إستهبال علني
حمدا لله علي سلامة العربية :)