بطارية البرافو باظت

**khalid_adel** · 20-06-2010 03:12 PM

النهارده الصبح نازل فتحت العربيه بدور مش بتدور ويدوبك الشاشه بتلقط بالعافيه وتفصل بعد اول ما احاول ادور
المهم بعد ساعتين من التجارب اتأكدت ان البطاريه جايبه جااااااااااز
مع اني امبارح لفيت مصر كلها من الضهر لحد 1 بليل والتكيف شغال وزي الفل وبطفي وادور 100 مره وفي كام ساعه دول كانت ماتت
المهم كلمت التوكيل قالي اللي عندنا 50 امبير و تمنها 550 من غير ضريبه قولتلو ده مكتوب على العربيه انها 60 امبير بيقولي لا دي 50 واللي عندنا 50 ( اذا كان عاجبك ) قولتلو طب دا انا شاري العربيه زيرو من شهر 9 اللي فات قالي خلاص حنخصملك الكام شهر اللي فاضلين على السنه دول من تمن البطاريه
المهم اتخنقت ونفضت يعني اجيب بطاريه اقل وكمان اغلى قومت نازل على ممدوح غطاطي واشتريت واحده جافه 60 امبير معكوسه ( يعني ال + شمال وال - يمين ) ب 350 جنيه زي الفل والحمد لله شغاله تمام
اللي غاظني ان البطاريه الاصليه marelli magneti يعني ايطالي وتقعد 10 شهور بس مع اني بحافظ على البطاريه ومش بشغل اي حاجه والعربيه مطفيه ولا بسيب حاجه شغاله وانساها ( لان اصلا العربيه مفيهاش الكلام ده )
الحمد لله على كل حال
الدروس المستفاده:-
دائما بتأكد ان لو اعرف اجيب اي حاجه بره التوكيل حتبقى احسن من ان حد يشتغلك وارخص بكتير ( قال كان عايز يديني 50 امبير قال )

**egytamer** · 20-06-2010 03:43 PM

للاسف التوكيل مخوف الناس الي زينا الي عجباهم عربيات فيات الجديدة بس خايفين من اومترا المفروض يحولو يهتمو شوية براي الناس لان بجد فيات منزلة شوية عربيات ممتازة باسعار حلو جدا فسهل اوي يحققو مبيات كويسة لو حسنو فكرهم شوية

**ahmadmidop** · 20-06-2010 05:33 PM

انا لسه مغيرها للباليو وجبت واحدة اسيدكو .... بس غريبة اووي الواحد اول لما بيشيل المفتاح من الكونتاك ايه حاجة منورة بتطفى .... انا البطارية بتاعتي اعدت ماشاء الله 3 سنين ... يلا مش مشكلة وفعلا الواحد في حاجات بيلاقيها غالية في التوكيل بيجيبها من بره بس ياترى الي عندهم نوعها ايه !1 لان كل الي بره بيقولو بيعد سنة وباي باي

**dodger111** · 20-06-2010 05:47 PM

ربنا يعوض عليك يا استاذ خالد , بس انت معرفتش اية سبب اللى خلاها تعمل كدا..بس انا عاوز افهم حاجة ازاى اقدر اشغل الكاسيت و انا واقف بالعربية لازم اطفى الموتور واشتغل على البطارية وطبعا دة غلط ومكتوب فى الكتالوج غلط بردو ,بس انا عندى الكاسيت مبيشتغلش والكونتاكت مقفول اية الحل البطارية كدا هتبوظ منى!

**hobaz** · 20-06-2010 06:01 PM

بجد التوكيل ليه عامل كبير اوي في اقبال الناس على العربية يعني البرافو ده قطعة فنية (ربنا يحفظهالك ويكفيك شرها وشر الطريق) بس التوكيل هو سبب تردد ناس كتير والتفكير 1000 مرة قبل الشراء.....

مش بس التوكيل دده معظم التوكيلات في مصر كده الا من رحم ربي....