هما يعني الدكاترة بس اللي يتعرفوا على بعض
كل مهندس أو طالب هندسة في المنتدى يوريني نفسه ويديني ال CV
تخصص إيه
شغال فين
كل حاجة عن حياتك العملية وياريت بتاخد كام :) :)
والجيولوجيين معنا كمان
الفكرة مقتبسة من د. أحمد
Thanks
Eng.Sherif Shaker
عرض للطباعة
هما يعني الدكاترة بس اللي يتعرفوا على بعض
كل مهندس أو طالب هندسة في المنتدى يوريني نفسه ويديني ال CV
تخصص إيه
شغال فين
كل حاجة عن حياتك العملية وياريت بتاخد كام :) :)
والجيولوجيين معنا كمان
الفكرة مقتبسة من د. أحمد
Thanks
Eng.Sherif Shaker
فكرة حلوة يا باشا
بس انت ليه مبدأتش بنفسك؟؟
عموما أبدأ أنا
محمود الخشن
اتصالات
الهيئة العامة لتنمية الصادرات
مرتبي خماشر تمناشر ألف جنيه :d
والله فكره ممتازه اننا نلم المهندسين النايلموتوريه عشان لو جد جديد في موضوع النقابه نبقي نتلم في حته خلا ونكشف راسنا و ندعي عاللي ظالمنا
أنا طاهر رياض
مهندس أجهزه دقيقه و تحكم
هيئه مياه و كهرباء دوله خليجيه
المرتب علي أد ماقدر أغرف من بير الفلوس اللي واقف عليه :-))
انا معاكو طبعاً
محمد عادل
مهندس معمارى
خريج فنون جميله قسم عمارة
بحضر ماجستير :rolleyes:
مهندس مكتب فنى فى الشركة المصريه السعوديه للتقنيه المعماريه
المرتب يدوب بيكفى وربنا يخلى الحج :D
طب تنفع حاسيات و معلومات ؟
عموما
انا محمد احمد زعتر
خريج حاسبات و معلومات 2006
مهندس برمجيات ( software Engineer (
شركة اي تي سوفت
شغال دوت نت و جافا
بحضر ماجستير في الاكادمية البحرية
المرتب اهو يدوب يكفي و ربنا يخلي الحج طبعا
ياسر يحي عيسى
كمبيوتر و تحكم الي
شغال في ميابروم الي هي (الشرق الاوسط لتنمية البرمجيات ) It
المرتب ماشي الحال وربنا يخليلي الحج برده
انا برضه
احمد حازم
خريج حاسبات ومعلومات مودرن اكاديمي 2006
شغال مهندس برمجيات وقواعد بيانات في احد البنوك المركزية
المرتب بيكفي لموصلات وشاي ونسكافية وباقي من الوالد والوالدة :D
مفيش غير هو بنك مركزي واحد .......... مش كده ولا ايه ؟؟؟!!!!1اقتباس:
وقواعد بيانات في احد البنوك المركزية
نهى 22 سنه
خريجة هندسة كيميائية و قاعدة في ببتنا بربي العيال D:
محمد
مهندس اتصالات والكترونيات
السويدي للكابلات
محمد
مهندس إلكترونيات و إتصالات
رئيس قسم - أوليمبيك جروب
المرتب الحمد لله ربنا ساترها معانا
أحمد سمير
مهندس كمبيوتر
و شغال في مكتبة الأسكندرية
كريم م. كامل
مهندس معماري
خريج 2005
مدير فريق عمل في شركة INTERCAD
مكتب متخصص في الاظهار و التصميم المعماري و الMultimedia .
الراتب نصهم في قسط العربية و التاني في افساط ال Credit Card
و حاليا مفلس .
شكرا D:
ما شاء الله ربنا يزيد و يبارك
بس إيه يا جماعة كل المهندسين مفلسين وللا إيه الدكاترة كدة هياكلوا وشنا
و فين طلبة هندسة ؟
Thanks
Eng.Sherif Shaker
محمد عزالدين يونس
مهندس مدنى
دفعه 2004 هندسه القاهره
بشتغل حاليا فى شركة كاردنو انترناشيونال مهندس طرق ونقل ومرور فى ابوظبي
وكنت شغال قبل كده مع حكومه ابوظبي فى برنامج تحسين الطرق والمواصلات (Trip)
اما المرتب This is my little secret
كريم سراج منير
والشهرة كريم منير
خريج تربية كمبيوتر جامعة الازهر وحضرت MCSE
اشتغلت IT وبعد وصلت System Engineer في ABB
وحاليا Service IT Assistant-Service Sector في ABB
اللي بسموها في مصر
المقاولين العرب للصناعات الكهربائية
المرتب يوم 10 مبلقيش رصيد في البنك وبسرح بالاتنين اللي في التوقيع دول
واهو دي بقى اللي بنسميها ال Out sources
ها ها ها
تامر عبد المقصود حسين
مهندس حاسبات (خريج هندسة القاهرة - 2002)
شوية certificates كتير كدة
مهندس نظم - شركة لادس
متزوج وأعول
شغل كتير ومرتب قليل
و ع الحديدة :(
يا عينى عليكوا
ايه البؤس ده ( ولا ده عشان العين و الى بالى بالكم )
أحمد
2 ميكانيكا هندسة عين شمس (كلية العذاب والضنا وفى قول اخر كلية الخرفان البلدى)
قريبا ...
التـــــــجاريون الموتورزيون
اشمعني احنا !!!
حسين عزام
هندسة القاهرة 2001 قسم مدنى
عندى مكتب هندسى (مشترك مع 2 صحابى)
متزوج و عندى بنت
طبعا مبخدش مرتب لكن الحمد لله الدنيا ماشية
مصطفي بكري
هندسة قوي والات كهربية
مهندس مبيعات في شركة Abb لأنظمة الطاقة و التحكم الآلي إحدي شركات Abb مصر
المرتب الحمد لله الذي لا يحمد علي مكروه سواه النهاردة خلصت عليه وربنا يفرجها بقا لأخر الشهر
نفسي اتعلم احوش فلوس من المرتب بتاعي مش عارف ازاي الناس بتحوش فلوس يلريت حد يقوللي يا جماعة الطريقة عشان نفسي اشتري عربية جديدة و كل اما احوش مبلغ اصرفة و شغال بعربية والدي
عموما فكرة جميلة
howa el site koloh mohandesen wala 2eeh :D..anyway,
ana ahmed el 3adawy
talta madany handaset el kahera
we tab3an mafeesh moratab yadeeeob howa el masroof :D...
we bgd nice montada :)
العبد لله
باسم شوقي
هندسة عين شمس ... قسم مدني .. اشغال عامة مساحة ... دفعة العذاب ... حد عارفها؟
دبلومة و شوية كورسات في المساحة البحرية من انجلترا .. و النرويج ... و حتت تانية...
مهندس مساحة بحرية ... شركة سي جي جيcggالفرنسية ... فرع النرويج
خاطب و على وشك .. و محدش يقوللي اعقل يا مجنون علشان مدام المستقبل بتدخل تتفرج هنا احيانا
المرتب ... فضل من ربنا عليا .. و ربنا يكملها بالستر دنيا و اخرة .. و كله بركة رضا الوالدين
مهما كان المرتب فى مصر يبدو أنه لا يمكن الاعتماد عليه
لابد من أكثر من عمل
وهذا ما يقوم به كل الأطباء: عمل حكومى + عيادات ..والحمد لله مستورة جدا
أما المرتب فعار ذكره
الواضح إن شباب تجارة اعلنوا الحرب علينا يلا يا جماعة شدو حيلكوا
أي حد من أي شغلانة يتخفى ويعمل مهندس ويدخل يشارك :)
Thanks
Eng.Sherif Shaker
يا د.أحمد إنت نسيت العمليات والزيارات المنزلية ما شاء الله أنا مش بحسد والله :) بس الدكاترة المتخصصين الله أكبر عليهم
ده الكشف عند بعض الدكاترة في القاهرة وصل أكتر من ١٠٠ جنيه وتدخل العيادة يديك معاد بعد إسبوع ولا كأنك بتحجز عربية :)
عموما ربنا يدينا الصحة كلنا ويبارك في رزق الناس كلها ويزيدنا يا رب .
Thanks
Eng.Sherif Shaker
أسامة نجدي
مهندس آلات حاسبة وتحكم آالي (قبل ما يغيروا اسم القسم)
جامعة الاسكندرية
دفعة 2003
Ejada
Business Analyst
Banking Consultancy Division
المرتب معقول الحمد لله (بس الاسعار كل يوم بتزيد وده بينقص المرتب يوميا!!! حد عنده حل!!!)
على فكرة لو حد عاوز يغير شركته وشغال برمجي ويحب يجي الشركة عندنا في فرص كويسة فمصر والسعودية
Ahmed Ahmed El-Badawy
24 Years
Civil Engineer
Mesh #arf At7'rg
Bsht3'l sho3'l 7'as
أخوكم في الله هشام فتحي مكي..دكتوراه في نطم المعلومات.. تحديدا قواعد البيانات..نائب رئيس قسم الكمبيوتر في احدى السفارات الأجنبيه
سبعاوى كما هو اسم الشهرة فى المنتدى
خالد عمر كما هو اسمى فى بطاقة الرقم القومى
هندسة عين شمس
ميكانيكا قوى 1994
حاليا انا مهندس اجهزة قياس دقيقة وتحكم من واقع 14 سنة خبرة
اعمل مدير مشروعات بشركة الجيزة للأنظمة
اما عن المرتب فهو بيكفى والحمد لله وكل ما اتمناه من الله ان يديمها نعمة ويحفظها من الزوال
عبدالمجيد محمد سالم
والشهرة عبدالمجيد سالم
خريج تربية تكنولوجيا التعليم جامعة بنها 1998
MCSE CCNA VOIP UNIX Admin
بشتغل IT فى EMOE : Egypt Ministry Of Education
Network Admninistrator
Security Administrator
System Engineer
حد هيقولى طبعا ازاى 3 مع بعض هقوله : حسبى الله ونعم الوكيل : لان دى حكومة والمطلوب انى اتعامل مع اى مشكلة سواء فى LAN او WAN او Intranet بتاعتنا او فى Services
متزوج واعول
اما المرتب فبلاش احرج ( حكومة )
لا مؤاخذة بفى في ناس كتيرة شغالة ك" مهندسين " و هما معهمش " بكالريوس هندسة "
الي ينتمي للنقابة بس يرفع ايده !
التطبيقيين بقى و التجاريين و الكلام ده علي جنب لا مؤاخدة و تركن كدة و تدي انتظار :)
سوري يا CryptonX
بس في بردو مهندسن بردو شغالين شغل ناس تانية
مبرمجين مثلا و لا ايه ؟؟
انا عن نفسي كنت هندسة القاهرة بس سبتها
و دخلت كمبيوتر سينس
و فخووور بنفسي
يعني النقابة هتعملي اية
السلام عليكم
انا يا جماعة محمد حسين
خريج هندسة بترول السويس دفعة 2000
حقيقى المنتدى ده احسن منتدى شفته فى مواضيع السيارات.
و ميزته هى مجموعة الاعضاء الحلوة اللى فيه و اللى مش بتبخل باى معلومة عن اى حد.
و انا استفدت كتير من معظم التوبيكس الموجودة.
و كانت هى السبب فى شرائى سيارتى الاولى من شهر حيث انى لسه مبتدئ شوية فى موضوع السواقة..
الحمد لله ربنا وفقنى فى سيارة دايو لانوس موديل 2005 بحالة جيدة.
و من ساعتها و غاطس فى بحر منتدى الدايو و مش عارف اخد نفسى..
و اهو ماشى شوية شوية مع العربية رغم انها بتفضل مركونة لمدة شهر نظرا لظروف عملى..
انا لسه مش متجوز و علشان كده موضوع المرتب و المصاريف مش حاسس بيها لانى لسه عايش مع الاهل..
لكن الحمد لله مستورة..
طيب يا CryptonX
انت بتعتبر حاسبات ومعلومات من طمن اية
واية انواع المهندسين اللي انت عايزهم ياريت توضح
بدل ما تلاقي واحد دخلك يقولك
دكتوراه في جراحة المخ واسنان وعلاج القلب وبشتغل مبرمج ومصمم مواقع ويب في كلية الشرطة :D