العربية اتجننت

**tananybasha** · 21-06-2010 12:16 AM

انا شاكك فى الكونتاكت نفسه

**harphosh** · 21-06-2010 08:54 AM

المشاركة الأصلية كتبت بواسطة tamertamer

ربنا يوفقك فى الامتحنات وتنجح وتجيب مجموع كمان

يا صديقى مشكور على الشعور الجميل بس أنا امتحنت وجبت مجموع والحمد لله من حوالى 21 سنة بس أنا دلوقت أعمل فى ديوان عام وزارة التربية والتعليم ( أخصائى تكنولوجيا تعليم ومعلومات )

المشاركة الأصلية كتبت بواسطة tananybasha

طيب جرب اللى هاقولك عليه و من غير تريقه
اللى بيحصل عندك عيب فى الكونتاكت نفسه الفيشة فيها حاجة
غطى المنطقة بتاعت الكونتاكت بفوطة تقيله و سيبها و جرب بس حاول تلف الفوطه من فوق و تحت
هتلاقى العيب اختفى

بإذن الله أجرب وأخبرك الرد وما فيش تريقة ولا حاجة والله لازم نجرب كل الاحتمالات

المشاركة الأصلية كتبت بواسطة tananybasha

جرب مش هتخسر حاجة
و لو جابت نتيجه فك الفبره و بص كويس على الفيشة و فيشة الأيمولايزر

أرجو توضيح ما هى فيشة الايمولايزر

المشاركة الأصلية كتبت بواسطة eng\ahmed

لمبات التابلوة بتنور لما تفتح الكونتاكت ؟؟ يعنى فى كهربا فى العربية ولا قاطعة كهربا
ياريت كمان تجرب حاجة وتقولى عملت اية .. اركنها فى الشمس بس سيب زجاج الابواب مهوى سنة بسيطة متقفلوش للاخر

كل لمبات التابلوه بتنور والكهرباء سليمة وما فيش أى مشاكل ، أما بالنسبة للزجاج فكرت أعمل كده بس بمجرد غلق السيارة وحدات الرفع بتقفل الزجاج للآخر

المشاركة الأصلية كتبت بواسطة tananybasha

انا شاكك فى الكونتاكت نفسه

نجرب موضوع تغطيته ونشوف بإذن الله

المشاركة الأصلية كتبت بواسطة lancerevolution

عجيبة جدا المكلة جرب حل طنانى كدا

بإذن الله

**N.a.j.d** · 21-06-2010 10:30 AM

جرب حضرتك وقولنا التقرير

**tamertamer** · 21-06-2010 01:00 PM

المشاركة الأصلية كتبت بواسطة harphosh

يا صديقى مشكور على الشعور الجميل بس أنا امتحنت وجبت مجموع والحمد لله من حوالى 21 سنة بس أنا دلوقت أعمل فى ديوان عام وزارة التربية والتعليم ( أخصائى تكنولوجيا تعليم ومعلومات )

أرجو توضيح ما هى فيشة الايمولايزر

ربنا يكرمك ويذيدك من علمة
فيشة الانبوليزر هى فيشة الكونتك انت لما بتفك الغطاء بتشوف زى فيشة دائرية الشكل بتتفك يقصد بالامبوليزر هى الفحماية قلى فى المفتاح ان حتى لو المفتاح موجود مش هتدور الى بالفحماية دية نوع من الامان

**tananybasha** · 21-06-2010 04:25 PM

تمام زى ما قال تامر

**tamertamer** · 21-06-2010 05:24 PM

بص هى الفيشة دية اصلا لما تفكها هتلقيها ليها 3 سنون ودية لما بتبوظ مبتديش نور للطبلوة خالص يعنى هيقطع مية ونور خالص ملهاش دعوة خالص انا فكتها كتير وعندى وحدة زيادة معاية كمان بس ممكن تفوت بس ملهاش دعوة بالحرارة خالص سعات لما تفوت اعرضها تيجى تدور مفيش اى حاجة خالص تدور تانى تدور بس دية نادرا جدا لما بيحصلها حاجة لان سبب العطل فيها انك نسيت المفتاح منور الطبلوة فالفبرة بتعتها بتسخن وتبوظ غير كدة شغالة معاك حلاوة

**ENG\AHMED** · 21-06-2010 10:07 PM

المشاركة الأصلية كتبت بواسطة harphosh

كل لمبات التابلوه بتنور والكهرباء سليمة وما فيش أى مشاكل ، أما بالنسبة للزجاج فكرت أعمل كده بس بمجرد غلق السيارة وحدات الرفع بتقفل الزجاج للآخر

كدة كهربة العربية مفهاش مشاكل
اللى شاكك فية حساس عصاية الفتيس يكون بيخرف مع الحرارة وخصوصا ان العربية وهى مقفولة فى الشمس بتبقى ساونا او الكونتاكت زى طنانى ما قال لأن دول الحاجتين اللى ممكن يعملوا اللى حضرتك بتوصفة ان النور ينور والموتور ميلفش

حضرتك ممكن تجرب تحرك عصاية الفتيس شوف هتلقط ولا لأ او نمشى واحدة واحدة
هات شماسة ... يوم غطى بيها الجزء بتاع عصاية الفتيس شوف هتعمل معاك اية ويوم غطى الجزء بتاع الكونتاكت وشوف هتعمل اية .. دة حل
او تحطها على سكانر ولو فى عيب فى الفتيس هيبان

هى المشكلة مش الشمس المشكلة فى الحرارة المحبوسة فى صالون العربية لو واقفة فى الشمس بتبقى مولعة لو فى الظل بتبقى ارحم شوية ومع الحرارة فى حاجة بتهيس

**tananybasha** · 21-06-2010 11:03 PM

كلها احتمالات منطقية
بس اكتر شكى فى فبرة الكونتاكت و توصيلاته

-

-

الموضوع: العربية اتجننت

LinkBack

أدوات الموضوع

عرض

-

-

-

-

-

-

-

المواضيع المتشابهه

العربية اتجننت فيات برافا افيدونى رجاااء

الحقونى العربية اتجننت

العربية اتجننت أرجوكم أفيدونا

انا شكلى اتجننت اكيد اتجننت

العربية اتجننت - سلانسية على 4000 rpm

الكلمات الدلالية لهذا الموضوع

المفضلات

المفضلات

ضوابط المشاركة