الموضوع: مطلوب مساعده بخصوص فتيس رباعى للانسر (لذوى الخبرة فقط)

ممكن أعرف اللينك اللي حضرتك عرفت معلومات عن الايفليوشن لأني بردو في نفس الحيرة بس أنا عايز أجيب لانسرر مكوة وأقلبها أيفليوشن شكلا (ودا ممكن ينفع) ومضمونا (مش عارف ونفسي أعرف التكلفة الأول)

المشاركة الأصلية كتبت بواسطة Exoskeleton

السلام عليكم ورحمة الله وبركاته
من فضلكم ياجماعه انا عاوز اشترى عربيه
المهم ان كل موديلات الانسر اللى فى مصر دفع امامى لان الايفو وحتى الRalliart مش موجوده فى مصر
فانا عملت موضوع امبارح و احد من الاعضاء قالى ممكن تركب فتيس رباعى للعربيه استيراد انا دورت عالنت لقيت ان الموضوع ده صحيح وبيعملوه فى دول كتير منهم كندا لانهم زى هنا الايفو مش بتتباع هناك
فانا عاوز بس اسأل الموضوع ده سهل كده وفك وتركيب وخلاص ولا حواره كبير وتقطيع فى الشاسيه والعفشة؟وحتى لو تقطيع العربيه بتطلع كويسه زى المصنع كده ولا الاقى العربيه بتتهز وتترج وبتفك عن بعضها فى السرعات العاليه؟
معلش سؤال تانى الحوار ده حايكلفنى فى حدود كام؟ بالاضافة لتمن العربيه و مش لازم المبلغ بالظبط اوى (لانى لسه بعمل مفاضلة مابين لانسر والسوبارو) ومش لازم موديل لانسر السنه دى يعنى لو موديل قديم شويه مش مشكله
يعنى مثلا الموديلات من 1995 لحد السنه دى
معلش ياجماعة انا عارف انى غلس فى الاسئلة بس ياريت اللى يتفضل بالاجابة يكون عنده خبره بالموضوع ده يعنى مثلا عنده لانسر وحولها دفع رباعى او شاف واحد صاحبه عاملها فى عربيته

بتجربة شخصية لل sti و ال evo
اقدر اقولك السوبارو احسن

يعني افهم من الحوار ده انك هتركب فتيس رباعي علي نفس الموتور؟!!
اكيد انت هتغير الموتور
بس ممكن اعرف بس ايه سبب انك عايز تركبلها فتيس رباعي؟ّّ

المشاركة الأصلية كتبت بواسطة Exoskeleton

اكيد حضرتك بتهزر الدفع الرباعى تحكمه عالى جدا خصوصا فى الملفات وبيدى Traction اعلى فحتى لاقدر الله مشيت فوق ميه بسرعه عاليه شويه بتلاقى تحكمها احسن من الدفع الامامى اللى بيسبب understeer او الخلفى اللى بيعمل oversteer الكلام ده ممكن تقراه فى موقع صاحبه راجل دماغ فى الفيزياء و تحكم العربيات اسمه
autozine.org خش عليه وحاتلاقى على جنب technical school دى فيه كل قانون فيزياء استخدموه فى بناء كل عربيه

بس على فكره انا مش ناوى اغير الموتور لانى مش ناوى اخش بيها سبق ولا حاجه انا بحب العربيات اللى تحكمها كويس وبس
بالاضافه ان السوبارو امبريزا بتنزل مصر دفع رباعى بمواتير 1500 سى سى و 1600 سى سى وشغاله عادى مش وحشه فى الجرى والسحب

انا اكيد عارف الفرق بين الدفع الخلفي والامامي اذا كان خبره ولا قياده
بس انا اللي كنت عايز اوصله ان حضرتك مش ناوي تسابق ولا رالي ولا الكلام ده
طيب تعالنا نحسبها واحده وحده
اولا انت علشان تخليها دفع خلفي فا انت اكيد محتاج كارونه وعلشان محتاج كارونه هتحتاج تعديل في الشاسيه واحتماليه احتياج تقويه للشاسيه
طيب لو قولنا ان في صنايعي عدل في مصر وقدر ينفذ التركيب وكل حاجه تفتكر هيطلع مظبوط؟
انا اعتقد انه صعب لأن العربيات المجهزه اصلا لو في ملي مش مظبوط بيبرجل العربيه كلها
ولو افترضنا ان الموضوع نجح والتركيب كان مظبوط
ازاي ده بقي يحصل من غير تغيير موتور
انت ناسي انك زودت كرونه ودفرنسيه خلفي
معني كده ان الحمل ورا زاد
وكمان عزم الموتور اتوزع
تفتكر ايه بقي يخليك تتحمل كل ده تعديل وفلوس يمكن ان تصل لتمن العربيه السوبارو علشان عربيه ركوب عاديه

المشاركة الأصلية كتبت بواسطة hema_lancer

انا اكيد عارف الفرق بين الدفع الخلفي والامامي اذا كان خبره ولا قياده
بس انا اللي كنت عايز اوصله ان حضرتك مش ناوي تسابق ولا رالي ولا الكلام ده
طيب تعالنا نحسبها واحده وحده
اولا انت علشان تخليها دفع خلفي فا انت اكيد محتاج كارونه وعلشان محتاج كارونه هتحتاج تعديل في الشاسيه واحتماليه احتياج تقويه للشاسيه
طيب لو قولنا ان في صنايعي عدل في مصر وقدر ينفذ التركيب وكل حاجه تفتكر هيطلع مظبوط؟
انا اعتقد انه صعب لأن العربيات المجهزه اصلا لو في ملي مش مظبوط بيبرجل العربيه كلها
ولو افترضنا ان الموضوع نجح والتركيب كان مظبوط
ازاي ده بقي يحصل من غير تغيير موتور :u_thin1[1]:
انت ناسي انك زودت كرونه ودفرنسيه خلفي
معني كده ان الحمل ورا زاد
وكمان عزم الموتور اتوزع
تفتكر ايه بقي يخليك تتحمل كل ده تعديل وفلوس يمكن ان تصل لتمن العربيه السوبارو علشان عربيه ركوب عاديه :u_thin1[1]:

+111111111111111111111111111111111111

كلام حضرتك مظبوط
ممكن بدل اللفة دي كلها تجيب سوبارو موديل 2006 - 2007 ب 65-70 الف وزي الفل بس عيبها اسعار قطع الغيار نار دا اذا لقتها وسعر اعادة بيع في الارض بس دول العيبين الوحيدين تقريبا اللى أعرفهم وممكن تدخل في قسم السوبارو وتعرف أكتر ....