-
سؤال بخصوص تنك البنزين
بالامس وانا بفول العربية من محطة (امارات مصر قبل كارفور المعادى ) المسدس بتاع البنزين اغلق اتوماتيكياً عندما امتلا التنك ولكن الراجل فى البنزينة استمر فى وضع البنزين وعندما سالتة قال انه فتح التنك الاحتياطى ووضع فيه البنزين الى فاضل عشان كان عايز يكمل عدد اللترات الى رقم صحيح - المهم عشان مطولش عليكم ايه موضوع التنك الاحتياطى دة وهل معنى كدة انى انا الى بفتحة واقفله ولا خو بياخذ من التنك الرئيسى عند الحاجة ولا هو كان بيشتغلنى ولا ايه مش عارف - اصل انا بصراحة بسوق من سنه 95 مسمعتش عن الموضوع دة قبل كدة ... وشكرا على الردود مسبقاً :confused: وتحياتى للجميع
-
-
على ما أعتقد أن مسدس البنزين قفل عشان إندفاع البنزين وقرب وصوله لفتحة التانك
لكن مفيش حاجة إسمها إنه فتح التانك الإحتياطى
وبعدين حتلاقى أن الكمية اللى بيضفها بعد أول فصلة فى حدود لتر الى لتر ونصف
-
-
يا امام باشا اكيد دي اشتغالة
وعمتا برضو ممكن يكون فيه حاجة في عربيتك كده
-
نو طبعا يا رجالة - المسدس بيقفل أوتوماتيك بعد ما مستوى الوقود يعدى الماسورة والراجل بيكمل بعد كدة مانيول لحد شفة التانك أو أنة يقفل رقم فى دماغة يكون كسرة 25 قرش علشان يضربها بجانب النص جنية أو الجنية بقشيش - وهو حافظ موضوع التانك الحتياطى دة علشان يضحك على الزبون أو الله وأعلم يكون هو كمان مضحوك علية
على العموم التانك الأحتياطى دة مكان أفتراضى ويبداء من بداية لمبة البنزين لما تنور ودة بيكون فى حدود 15% من سعة التانك
-
هو خلاص ما بقاش في ذمة في أي حاجة في المخروبة دي يا ناس ؟؟؟
-
كله كلام نصابين انا كنت بفول الابيزا في total قبل كده و بعت واد من عندهم يجيبلي carberetur spray و شال الورقة اللي عليه و قالي 23 دفعت و عديت مرة بليل كنت بجيب علبة ل واحد صاحبي نزلت و جبنها بنفسي لقيتها ب 20 نصاب بقي نعمل ايه
IBIIIIIIIIIIIIIIIIIIIIIIIIIIIIIIIIIIIIIIIIIIIIZZZZ ZZZZZZZZZZZZZZZZZAAAAAAAAAAAAAAAAAAA FOR EVER
-
هو مفيش حاجة اسمها تنك احتياطى.هى الفكرة ببساطه ان مسدس البنزين فيه حساس بيفصل اتوماتيك عند امتلاء التنك ولكن بيكون فية لسة شوية كمان بيكونوا فى الزور و هو بيملاهم عشان فعلا يعمل كسر جنية و ياخدوا بقشيش يعنى مثلا يعمل 30.10 تقوم انت طبعا تديله 31
يعنى من الاخر نصب
-
العربية الوحيدة اللى شفت فيه تانك احتياطى فعلا هى البيتلز القديمة، كان فيها تانك احتياطى بياخد 5 لتر وله محبس جنب عصاية الفتيس، تفتحه لو البنزين خلص وتدور العربية ولما توصل محطة البنزين سيب المحبس مفتوح علشان التنك الإحتيطاى يتملى تانى وبعد ما تفول تقفله
بس طبعا البيتلز راحت وراحت ايامها وماعادش حد بيعمل التانك الإحتياطى ده غير نصابين محطات البنزين اللى كلهم بيفكرونى بالميكانيكى بتاع اعلان هيونداى اللى بيقول:" الكاربراتير بينقط كهربا"
افضل طريقة فى رأييى لشراء البنزين هى شراء رقم ثابت يتوافق مع ورقة عملة مقفولة ، انا لما بشترى البنزين 92 لسيارتى باخد 35 لتر ب49 جنيه واديله ال50 مقفولة واسيب له الجنيه بقشيش ، ولما بشترى بنزين 90 لسيارة زوجتى بطلب 30 لتر ب39 جنيه واديله ورقتين بعشرين من ضمنهم جنيه بقشيش ، وبقيت متبرمج اول ما ادخل المحطة ، لو بعربيتى اقول: 35 لتر 92 ولو سمحت متسندش على العربية، ولو بعربية زوجتى اقول له : 30 لتر 90 والتانك مفتوح
لكن كلمة فاوول دى عمرى ما بستعملها ابدا لأن هو لازم يظبط نفسه يضرب ربع جنيه زيادة فى جيبه وملعو ن ابو البنزين اللى هيقع على الأرض وهدفع تمنه وملعون ابو بوية العربية اللى البنزين هيخليها تصفر وتطوس
Content Relevant URLs by
vBSEO 3.6.0 PL2