حد عنده فكرة لو التكييف هيس وبقى بيفصل لوحدة فى عز الحر اللى احنا فيه
هل فى حاجة ممكن اعملها بنفسى ولا اطلع عالتوكيل هى فى الضمان عالعموم بس عايز اوفر وقت
هو بيفصل ولازم اطفية شوية واشغلة عشان يرجع يقوم تانى !!!
شكرا مقدما
عرض للطباعة
حد عنده فكرة لو التكييف هيس وبقى بيفصل لوحدة فى عز الحر اللى احنا فيه
هل فى حاجة ممكن اعملها بنفسى ولا اطلع عالتوكيل هى فى الضمان عالعموم بس عايز اوفر وقت
هو بيفصل ولازم اطفية شوية واشغلة عشان يرجع يقوم تانى !!!
شكرا مقدما
من وجهة نظرى نقص فريون التكييف
لو نقص فريون يفصل وبعدين يرجع يشتغل كويس ؟؟
انا اظن ان فيه حاجة زى ترموستات ودى اللى اتهبلت من الحر ولا اية؟
التكييف عمل معايا الحراكات النص كم ديه كل شويه يجيب هو سخن وشويه ساقع وشويه سخن لغيه ما تفيطه وكنت هموت من الحر
روح التوكيل غالبا الكومبريسور بيفصل ويرجع يشتغل تانى ......
أنا برده ياجماعه قابلتنى نفس المشكله إمبارح ,كنت لسه داخل عشان اسأل عنه
يا جماعة كتر خير الدنيا , درجة الحرارة امبارح كانت 53 فى مصررررررررر,فاى كهرباء فى البيت فى الشارع فى العربية لازم تتاثر بالحر الشديد ده
انا عندى فى التيدا عشان احس بسقعة التكيف كنت مشغله على 18 وكنت مش حاسس بسقعة اوى ,كان التبريد متوسط فالعملية ملهاش علاقة بيابانى ولا امريكى
فممكن يكون عندك الكومبريسور بيفصل
واضح انها مشكله عامه بتحصل عند سخونة الكمبريسور بذيادة - انهارده عالطوالى اشتغل كويس - بس هقولهم فى التوكيل لما اروح
التكيف بتاع الصنى فعلا تلاجة وده بلا منازع اكيد فى حاجة فى شحن التكيف لانه لو زيادة او ناقص التكيف مش هيشتفل كويس روح السبع وهناك هيكشفوا عليه ويبقى تمام
محمد على ابو الفتوح
والله يا جماعة احسن تكيف عربية فى مصر موجود فى الصنى امبارح فى عز الحر ده وكنت مشغلة وكان تمام وكان معايا عيالى فى العربية وراة وكنت بسالهم التكيف عامل ايه معاكم قالوللى حلو يا بابا اكيد فى حاجة عندك ومادام بتقول لسة العربية فى الضمان روح التوكيل واسالهم
يا شباب أنا حصل معايا نفس الموضوع امبارح في الحر ...
النهاردة اتصلت بالمهندس كريم من السبع وسألته فقالي إن عنده النهاردة أكثر من 40 سيارة فيهم نفس المشكلة حصلت إمبارح ...
كان تفسيره الفني للموضوع إن شحن الفريون في المكيف زيادة شوية ولازم ينقص حبة ...
وقالي كمان إنه بعت استفسار لمصنع نيسان بيستفسر عن المشكلة وتأثيراتها ....
ووعدني بالإتصال لو جاءه رد آخر من مصنع نيسان
كويس يعنى المية دى طلعت عرق مش اكتر :ma(30):
ومطلعش ان بيتهيئلى ولا حاجة زى مبعض الناس فكرونى بهاجم لسمح الله التكييف التلاجة
انا طبعا معنديش اعتراض انه تلاجة انا بس شرحت اللى حصللى بدون شكوى (العربية اصلا مش بتاعتى انا هتنطط على اية ههههههههه:shyy: دى سلف من حمايا لغاية مستلم عربيتى )
المهم انا رحت شغلى ورجعت 100 كم والتكييف تمام فواضح انو بيعمل كدة لما بتزنق فى الزحمة مع الحر الجامد وبس
شكرا للنيساناوية على تفاعلهم وحسن متابعتهم
هو ده الكلام التمام.
انا كنت متاكد انها مش حالة فردية. وان فى مشكلة فى تكييف صنى 2010
وكون السبع اهتم و حيتابع دا زاد احترامى للصنى
اما ندفن راسنا زى النعام ونقول كله تمام ده الغلط
اللى ماعندوش مشكلة ربنا يباركلوا بس ما يحجرش على راى غيروا
متابع باهتمام
( انا رحت مودرن موتور 3 مرات من ساعة ما استلمت العربية اللى عاملة 2000 كم ومن اول صيانة ال 1000كم عشان التكييف و بردة مافيش حل)
عشان كدة توقعت ان المشكلة اكبر منهم وانه عيب فى موديل 2010
بعض القواعد اللتى وجدتها مفيدة عند بدا المكيف
1. لا تشغل المكيف مباشره عند ركوبك السيارة لكن ابدا بفتح النوافذ لطرد الهوا الساخن
2. شغل المكيف مع فتح الزجاج قليلا لطرد الهوا الساخن حوالى 2 دقيقة this reduce the cooling start up time substantially
3. اغلق النوافذ.
أنا حصل معايا نفس الموضوع امبارح وأول أمبارح وانا راجع من الشغل في عز الحر.
احب اوضح العربية عندى موديل 2008 بس حمايا مبيسقش كتير فهى عامله 9000 بس
بس بصراحة مش عارف اشتكى اقول اية فى التوكيل اذا كان العيب مبيظهرش غير لو العربية سخنت جداً ؟
يعنى ببساطة ممكن يقولولى كدة اتظبطت وبقت تمام وانا مش هعرف غير لمل اواجه نفس الظروف بالصدفة بعد فترة كبيرة !!!
المشكلة يا شباب ان نقص الفريون يجعل السربنتينا كلها ثلج ولا يسمح بمرور الهواء من خلالها لذلك يفضل زيادة شحن الفريون ..ولكن عندما يحدث ذلك وانت حران وليس هناك وقت للذهاب الى الكهربائى هناك طريقة سهلة سريعه مؤقته عندما يفصل التبريد ويقل دفع الهواء قم بفصل الكمبروسور (زرار a/c) ثم ارفع الهواء الى 4 لمدة 2 &3 دقيقة وسوف تلاحظ زيادة دفع الهواء تدريجيا وعندما يكون دفع الهواء طبيعى قم بتشغيل الكمبروسور ( زرار a/c) وادعيلى خاصة عندما يحدث ذلك فى طريق سفر والجو جميل زى الايام ده ...ربنا يحسن ختامنا
ااتصلت النهاردة بالمهندس كريم من السبع كما اتفقنا وعرفت إن مهندس من مصانع نيسان كان موجود النهاردة في السبع وأكد سبب العطل وهو زيادة شحن الفريون ...
وطلب مني حجز موعد والحضور لقياس شحن الفريون...
انا برضو المشكله دي حصلت معايا مرتين اول امبارح و بصراحه مش قادر اقتنع ان زياده شحن الفريون ممكن يعمل كده انا انا بفكر ابعت complain (شكوى) لشركه نيسان الرئيسيه في اليابان علشان يقدرو يفيدونا في الموضوع ده ولو في حاجه ممكن يعملوها او يغيروها اكيد حايعملوها علشان الناس دي بيهتموا اوي بالعملاء وبيخافو على اسم الشركه قبل اي حاجه خاصه ان من الواضح ان الموضوع ده مش حاله فرديه وكتير مننا حصل معاه الموضوع ده, بس الاول انا محتاج عدد الناس اللي حصل معاهم الموضوع ده علشان ابعت الشكوى، ياريت اي حد حصل معاه الموضوع ده يقول موديل عربيته و عامله كام الف ، شكرا مقدما
قشطة ماشى - قابل يعم
اكرم 2008-9000كم
محمد 2008 عامله 73 الف بس بعتها وركبتها من كام يوم الاني بيعها لخالي
ايمن ex اتوماتيك موديل 2010 وماشية 3200 كم
يا جماعه مش نيسان بس أنا معايا رينو لوجان 2010 وحصل نفس الكلام بالرغم من إن تكيفها ممتاز و عملت موضوع فى قسم الرينو وأدى اللينك بتاعه http://www.nilemotors.net/Nile/159075-42.html
وحصلت مع ناس كتيير برضه ومحصلتش مع ناس تانيه والأعضاء أجمعت إن دى زيادة فريون...وعضو تانى معاه كرولاقال إنها حصلت معاه برده فى نفس اليوم ...
معاك حق فى كل كلمة يا أستاذ أحمد....
فيه نقطه محدش واخد باله منها....
تكييييف البيت ...حضرتك بتشغله عشان يعمل درجة الحراره من 50 درجه...ل 24 درجه...متخيلين طبعا حمل الكومبريسور بتاع تكيييف كامل متكااامل منزلي حيكون عامل إزاي...الأيام اللي فاتت التكييف ده مكنشي بيفصل...لإنه المفروض إنه بينزل الحراره حوالي 25 درجه..
نيجي لتكييف العربيه...
كباس محطوط جمب المكنه فى درجة حراره بالفعل عاليه جدا جدا جدا...و جمبيه موتور...بيسخن هو كماااان...
يعني لو قولنا الحراره حوالي سبعين درجه مثلا!!!!!!!!!!!..
المطلوب من الكومبريسور إنه يرفع ضغط الفريون عند درجة حراره 24...
لظغطه عند درجة حراره 70...
وده مجهوود كبيييير جدا جدا على الكبااس...فطبعا لازم يفصل معاك..كنوع من الأمان مش قصور ولا حاجه...
طب لية شغال فى الخليج زى الفل وعندنا احنا لازم يفصل - انا كنت فى دبى فى عز الصيف وهناك زيادة عننا 15 درجة بالميت وعمر مالتكييف قصر - يعنى ينفع يتعمل صح اكيد المواصفات عندنا اقل بكتير - لنا الله
يوم الاثنين كنت مسافر - والاسف كانت الساعه 12 ظهرا - وكان معى اقاربى- وفاجاه فصل التكيف ومكنشى عاوز يشتغل خالص- كلامت السبع - قالوا هات العربيه يمكن يكون التكيف فى مشكله علشان درجة الحراره العاليه - المشكله انى كنت على طريق اسكندريه - المهم ركنت شويه علشان الحراره تنزل - ومراتى وبناتى ركبوا مع قاربى - بالزمه فى عربيه جديده 2010 تكيفها يفصل فى عز الحر - هيشتغل امتى فى عز البرد -سبحان الله
Ali
EX 2009 New shap
15000 Km
الساده الافاضل هناك اكثر من سبب لفصل التكييف اولا ان يكون نقص غاز الفريون ثانيا حساس التكييف يكون به عطل او يكون لا يعمل بكفائه علشان كده التكييف اوقات يشتغل كويس وبعدين يفصل وبعدين يشتغل بمزاجه لذالك الي هيحدد العضل ويصلحه هو جهاز التكييف لدى التوكيل
اخى الفاضل الاول روح التوكيل وشوف المشكله اتحلت ام لا ولو لم تحل تعلى واشتكى والالشركه تحت امرك فى كل حاجه
اخواتى الافاضل لما التكييف بيفصل يبقى نقص فريون او حساس التكييف لا يعمل بكفائه
رووحت التوكيل وظبطوة ب 100 جنية - الصراحة العيب كان ظهر مرة واحدة بس قبل كدة فمش عارف احكم ان كان راح ولا لا
اديت للمهندس فى التوكيل السايت بتاعنا هنا عشان كان مهتم يعرف مشاكل العملاء وربنا يسهل
اظن المهندس هو استاذ mdouglas واضح من تاريخ الانتساب ورده على الموضوع يلا بقى اللى عايز حاجة يتفضل يسأله براحتة
الراجل بصراحة متعاون جدا وبشوش
سيدى الفاضل انا رحت مودرن موتور مرتين بالسكندرية عشان التكييف و لسه العيب موجود
العريبة ممتازه ولو ان فى حدفة شمال ابتدت تظهر
يا ترى ده طبيعى لعربية عاملة 2000 كم موديل 2010
احبائي أصحاب الصني
أنا معايا صني 2009 من الزيرو و تكييفها فعلا ثلاجة
و نفس مشكلة التكييف حصلت عندي يومين الحر اللي فاتو الكومبريسور بتاع التكييف مش بيشتغل و أحيانا يشتغ ثواني و يفصل , لكن أنا رحت التوكيل ( مركز يونايتد ) و أول ما دخلت قابلني مهندس الأستقبال و قال طبعا التكييف
المهم المهندس رد علي رد منطقي جدت و علمي جدا و بكل أدب أقتبس منه جزء " يعني أنت شايف حرارة الجو وصلت لـ50 و متخيل مدي السخونة و كمان الهوا ده بيدخل عند الموتور عشان التكييف يبرده , قام كومبيوتر العربية فصل كمبريسور التكييف عشان يحافظ علي الموتور "
طبعا أنا كنت أول مرة أتعامل مع المهندس ده لأن مهندس محمود اللي بقابله علي طول أجازة
و أخذت ثواني أحاول أفهم الرد ده نوع من الهزار لتخفيف حرارة الجو ولا جد
و للأسف تبين أن الباشمهندس بيتكلم بجد يعني الثرموستات اللي بيشغل التكييف لو أن حرارة الجو زادت عن حد معين بيفصل عمل الكومبريسور عشان ميحملش علي الموتور أكتر من اللازم و يحافظ عليه
و لما قلت له أنت بتكلمني عن يوم عادي من أيام الخليج يعني مش معقولة العربيات الصفيرة تبقي مشغلة التكييف و أنا عربيتي 1600cc و فاصلة تكييف عشان حمل علي الموتور
قال هي دي المواصفات المصرية و شرحلي أن التكييف في المواصفات الخليجي بياخد لحد 15 % من قدرة الموتور بينما في المواصفات المصرية بياخد لحد 9 % فقط لأن الجو مش بيحتاج أكتر من كدة
و قال أن اللي حيأكدلي كلامه أن الجو لما يتحسن حلاقي التكييف أشتغل طبيعي و ده اللي حصل
طبعا و كلي أسي سبت التوكيل و مشيت و أنا حزين لأني راكب عربية تقفيل مصري
علما بأن حصل معايا مشكلة تانية بس مش وقته أتكلم عنها و رحت التوكيل بعدها بأسبوع و سمعت حوار بين المهندسين عرفت أن يومين الحر اللي فاتو معظم الشكاوي كانت من تكييف الصني اللي بيفصل في الحر
بجد أنا مستغرب جدا.
انا في السعودية الان وفين في جيزان يعني أقصى الجنوب
بدون مبالغة الايام دي مافيش مخلوق يقدر يمشي تحت الشمس الحارقة بجد.
ورغم ذلك عمري ما سمعت عن موضوع ان الكومبرسور بيفصل قال إيه علشان يحافظ على الموتور!!!!!!
أنا معايا كورولا 2005 وكمان 1300 سي سي وواالله بشغل التكيف على واحد أو 2 بالكتير في عز الظهر والعربية بتبقى متكيفة بجد وما شاء الله معزولة تماما عن الفرن اللي برة ربنا يحرصها. على فكرة الصني هنا أحسن حاجة فيها التكييف ممتاز.
للأسف العربيات اللي في مصر لو جات السعودية الأيام دي هاتولع على كدة.
لنا الله.