عاوز عربيه مش بتعطل و ب 15 الف

**AMA** · 23-06-2010 05:31 AM

المشاركة الأصلية كتبت بواسطة KHALED AYMAN

ودى بتعمل كام ؟؟

و هل هتكون احسن من الهوندا مثلا ؟؟

هتعمل من أول 9 إلى 12 زى ماقولتلك و لو زادت عن كدة يبقى حرام و سيبه و أمشى

و فعلا تستحمل أكتر من الهوندا لكنها قطع غيارها غاليه جدا و تقيله حبه فى إعادة البيع

**Eng.Geo** · 23-06-2010 09:18 AM

أنت يابني حظك حلو
لسة من يومين عارف واحد جايب بقاله سنتين 127 توب ومسقطلها مكنة 1500 بفتيس 5 نقلات وحاطت جنط عريض وجايبلها عدادات كم و أر بي أم وكل حاجة
وبيقولي انه سافر العين السخنة وكانت جايبة 180 وكان فيها تدي كتييييييييير كمان
قلتله هتلاقي الثبات في الضياع ...... مانت بتجر موتسيكل بمقطورة .... أكيد العربية مسحولة
قالي ثباتها كويس جداااا لغاية 150 بعد كدة بتخف والسبب انه مجنطها بمقاس ( تقريبا كل الحتة اللي تحت الربية علي كاوتش ) هههههه
والتكلفة مش كبيرة
هو جابها ب7 وسقطلها موتور ب2.5 وسمكرة ودوكو والعربية تحسها زيرو
بجد كان شغلها نضيف جداااااا
أكتر حاجة عجبتني هي صاجها ..... مفيهوش بارومة واللون كان شكله جامد جدااا
ربنا معاك ويوفقك

**islam.3bada** · 23-06-2010 10:32 AM

fiat 132 2000 cc موديلات اواخر التمنينات ممتازة تعمل معاك المسافات اللي انت عايزها واكتر من غير مشاكل ودي عربية تكييف و بور وازاز كهربا وقطع غيارها في الارض وسعرها زي ما انت عايز (في نفس الرينج )

**atamim** · 23-06-2010 10:45 AM

عايز عربية اوروبى و تستحمل و تعمل 500 كيلو كل يوم ما تقولش بس

و يتركبلها تكييف و بتاعها كمان

و صيانتها سهلة و قطع غيارها موجودة

و شكلها شبابى

عليك و على البيجو ال 205

موديلاتها من 84 لحد 96

ماتور استيراد ب 1700 تكييف استيراد ب 1500

**Ellawai** · 23-06-2010 10:47 AM

هات بيجو 205 .

**Eslam.Elrefaey** · 23-06-2010 11:06 AM

أنا عندى حل جمييييييييييل جدا ومستخدم عنكم فى الغربية بس محدش بياخد باله منه وهوا إيه أى عربية متعدلة عندكم فى الغربية أى عربية خد بالك وعندك مثال عربية السمنودى لو عارفها الى هيا البوما عامل إيه بقى حاطط عدد 2 إستيكر قدام وورا بمساحة صغيرة جدا ومش باينة أوى يعنى مش كبيرة ومكتوب عليها إيه
بسم الله ماشاء الله
وإن شاء الله صلح العربية واستهدى بالله كده وعلق سورة الفلق على المراية وربنا يهدى الناس هما كمان وترجع المياه لمجاريها أما تقولى تنزل من عربية فكترا هاى لاين لعربية ب15 ألف جنية يبقى إنت كده بتظلم نفسك وفلوسك الى هتخسرها فى بيعة الفكترا وأخوك كمان لو هيركب معاك العربية أم 15 ألف دى صلى أستخارة كده وشوف إيه النظام و مهما كان متستعجلش فى بيع الفيكترا وتقبل مرورى

**volcano12** · 24-06-2010 02:21 AM

المشاركة الأصلية كتبت بواسطة eslam.elrefaey

أنا عندى حل جمييييييييييل جدا ومستخدم عنكم فى الغربية بس محدش بياخد باله منه وهوا إيه أى عربية متعدلة عندكم فى الغربية أى عربية خد بالك وعندك مثال عربية السمنودى لو عارفها الى هيا البوما عامل إيه بقى حاطط عدد 2 إستيكر قدام وورا بمساحة صغيرة جدا ومش باينة أوى يعنى مش كبيرة ومكتوب عليها إيه
بسم الله ماشاء الله
وإن شاء الله صلح العربية واستهدى بالله كده وعلق سورة الفلق على المراية وربنا يهدى الناس هما كمان وترجع المياه لمجاريها أما تقولى تنزل من عربية فكترا هاى لاين لعربية ب15 ألف جنية يبقى إنت كده بتظلم نفسك وفلوسك الى هتخسرها فى بيعة الفكترا وأخوك كمان لو هيركب معاك العربية أم 15 ألف دى صلى أستخارة كده وشوف إيه النظام و مهما كان متستعجلش فى بيع الفيكترا وتقبل مرورى

+11111111111111111

اتوكل على ربنا ربنا هو اللى بيرزق... و هو اللى بياخد و خليك واثق ان ربنا فداك ف حجات تانيه مهمه.... و ان لو العربيه ده ما كنتش أوبل متعرفش ايه اللى كان ممكن يحصل.... ربنا هو اللى بيسبب الأسباب
و يمكن تصليح العربيه جاى رزق لواحد مؤمن متعثر .. و تبقى أخدت ثوابه

أنا من رأيى .. احمد ربنا و اصبر على المصيبه ده....
شغل فيها قرأن .... ادبح لله.... قول دعاء الركوب..

فيه مليون حاجه... و فى الاخر ربنا كريم....

من رأى لو الفكره ف دماغك أوى .. يبقى أم 15000 ألف ده تسند جنب ده فى المشاوير الصعبه و لكن ليست بديله...
, ربنا يكرمك و يوفقك و يحفظك .. :)

**golf2010** · 23-06-2010 01:40 PM

هات هوندا قديمة مابيبانش عليها العمر بصراحة.
او ممكن تفكر في جولف 1 قديمة

**KHALED AYMAN** · 24-06-2010 01:43 AM

شكرا يا جماعه لكل الناس الى ردت ...
بس انا ميال اكتر للهوندا ...
الهوندا بتقبل تعديلات بطريقه فظيييعه و ليها اكسسوار كتير ..شكل مش قديم قوى ...
ولا انتو رأيكو ايه.؟؟

**Samah AbdAllah** · 24-06-2010 02:04 AM

انت تجيب توكتوك
هههههههههههه
نتكلم جد شوية
خليك منطقى يا خالد
ازاى عربية بقالها ما لايق عن 20 سنة بتمشى مش هتكون فيها اعطال؟؟
ومهما كانت تكلفة الصيانة بسيطة واى ميكانيكى يعملها
بس انت متخيل ان هتبقا متقبل انك كل شوية بتصلح فيها ولا كل ما تيجى تروح مشوار تعطل منك والحاجات دى !!!!!

الموضوع: عاوز عربيه مش بتعطل و ب 15 الف

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

المواضيع المتشابهه

الماروتي لما بتعطل في الهند والونش يسحبها ...!!!

عاوز عربيه

عاوز عربيه ب 30 الف

عاوز عربيه 128

عاوز عربيه 128

الكلمات الدلالية لهذا الموضوع

المفضلات

المفضلات

ضوابط المشاركة