يحكي أن
الحق و الباطل سافروا مع بعض في رحلة طويلة
و كان مع الحق جمل عظيم يركبه
بينما كان الباطل يمشي ذليلا متعبا
فقال الباطل للحق إيه رأيك لو تخليني أركب شوية لأني تعبت جدا
و لأن الحق حق وافق
الباطل طلب أنه يركب نصف المسافة و الحق نصف المسافة
و الحق وافق
الباطل طلب يركب الأول
الحق وافق
بعد فترة طويلة عدت نصف المسافة و الباطل مانزلش
الحق قال له لو سمحت يعني ...
الباطل قال له طيب شويه كمان ...
و هكذا حتي ثلثي المسافة
و هنا أعترض الحق بقوة فقال له الباطل مش نازل
الحق :يعني إيه
الباطل: هو كده و اللي عندك أعمله
خناقة و صراع و مفاوضات و ...
و بعدين الباطل أقترح أنهم يحكموا أول حد يعدي عليهم
الحق وافق
رجل عدي عليهم فالحق بدأ يحكي الحكاية , الباطل قال له أسكت أنت مش هتعرف تحكي و قال بصوت عالي و بقوة بص يا أخونا - للرجل سيحكم بنهم-
الباطل اللي يمشي و لا الحق اللي يمشي ?فقال الرجل الحق طبعا

الباطل : سمعت يا عم امشي بقي

قال رسول الله صلي الله عليه و سلم -فيما معناه- أن من البيان لسحرا
و قال أيضا -فيما معناه- : أن بعضكم قد يكون ألحن بحجته من أخية و إنما أنا بشر فمن حكمت له بحق أخيه في شئ فلا يأخذه فأنما أقطع له قطعة من نار.