سؤال عن موضوع اعادة بيع التيدا

**t4r3k** · 21-06-2010 02:28 AM

السلام عليكم

لو سمحت كنت عايز اسال عن موضوع اعادة بيع التيدا
انا بصراحة معجب بيها جدا وعايز اجيبها بصراحه مستعمله موديل 2007 كدا
انا برجح بينها وبين اللانسر السوبر اكشن 2005 - 2006
الكويس فى اللانسر ان اعادة بيعها افضل فى مصر ..
فا مش عارف الموضوع ايه بالنسبة للتيدا
مع ان التيدا تحس انها غنيه من جوا مش زي اللانسر فقيرة شويه من الداخل
والتيدا اوسع ..
بس انا عايز احط فى بالى موضوع اعادة البيع دا برضه ..

عشان انا محتاج موضوع اعادة البيع عشان فى احتمال اني ابيع لاي ظروف

وشكرا ..

**Ahmed.TV** · 21-06-2010 11:06 AM

الكل بيتباع, بس طالما عاوز تبيع بسرعة يبقا خاليك فى الانسر , ومش معنى كدا ان التيدا مش بتتباع
لان انا اشتريت عربيتى مستعملة وكانت عاملة 20 الف كيلو ,وخطفتها , وصاحب العربية اللى قبل منى خسر فيها 20 الف بس , وده كان طبيعى جدا , وفى ناس دلوقتى بقت بتقدر التقفيل والماتور وبتحتاج الحاجة اللى تستحمل
وبصراحة مواتير نيسان معمرة وقوية جدا ,فاكيد فى ناس بتقدر ده , ولكن الاسرع فى البيع الانسر
وشوف انت بقا وقرر

**t4r3k** · 22-06-2010 01:54 AM

المشاركة الأصلية كتبت بواسطة ahmed.tv

الكل بيتباع, بس طالما عاوز تبيع بسرعة يبقا خاليك فى الانسر , ومش معنى كدا ان التيدا مش بتتباع
لان انا اشتريت عربيتى مستعملة وكانت عاملة 20 الف كيلو ,وخطفتها , وصاحب العربية اللى قبل منى خسر فيها 20 الف بس , وده كان طبيعى جدا , وفى ناس دلوقتى بقت بتقدر التقفيل والماتور وبتحتاج الحاجة اللى تستحمل
وبصراحة مواتير نيسان معمرة وقوية جدا ,فاكيد فى ناس بتقدر ده , ولكن الاسرع فى البيع الانسر
وشوف انت بقا وقرر

الف شكر ليك ياباشا .. على المساعدة والافادة ..

**M!SHO** · 22-06-2010 01:54 AM

طالما هتجيبها مستعمله يبقى توكل على الله وهات التيدا ,,,,
وبالنسبه لسعر اعادة البيع مش هتخسر فيها كتير لما تبيعها ,,, لانك هتجيبها مستعمله بسعر واقع خالص ...

**t4r3k** · 22-06-2010 01:57 AM

المشاركة الأصلية كتبت بواسطة hacker5

بالظبط اللانسر اسرع فى البيع و لكن سوقها سيتراجع لما انتاجها يقف والله اعلم امتى لكن فرق السما و الارض بين التيدا واللانسر لصالح التيدا طبعا شكل جديد و معاصر و انسيابى واخدة وش سيارات رينو و من الخلف شبيها بالرينو ميجان و صالون تقفيل و خامات عالية الجودة عزل الصوت دى بالذات حط تحتها 100 خط اقعد فى اللانسر هاتحس انك قاعد فى الشارع لكن التيدا اقعد جواها و اقفل الزجاج و هاتنسى الدنيا اللى برا و يا سلام لو مشغل التكييف هاتحس انك منعزل تماما عن الطريق كان العربية مفهاش كاوتش بجد بلا مبالغة التيدا عزلها عالى جدا جدا و موتور اخرس متسمعلوش صوت فرامل ممتازة احسن من الانسر و قطع غيار متوفرة جوا و برا التوكيل و استيردا كمان و عربيات متقطعة دة غير ان انتشارها بيكتر كل يوم لكن مش زى الانسر طبعا اللى نص الشعب راكبها لكن التيدا منتشرة برضو و هاتحس انك مميز
لو بتدور على سرعة البيع يبقى لانسر و التيدا برضو بتتباع برضو لكن مش فى سرعة الانسر حتى حضرتك هتلاحظ ان اعلانات بيع التيدا على النت نادرة جدا على عكس الانسر اللى مافيش اكتر منها هى و الدايو :)
لكن بتدور على تكنولوجيا متقدمة و راحة فى القيادة و امان عالى و عزل صوت عالى جدا و صالون حديث و عالى الجودة و واسع و شكل جديد و تمييز يبقى تيدا
و ربنا يوفقك ان شاء الله و متنساش تعمل استخارة

تمام كدا .. انت جبت من الاخر ..
ربنا يسهل ويوفقني للخير ..
شكرا مرة تانيه يا استاذنا

**karaktar** · 22-06-2010 01:34 PM

انا اخويا معاه اللانسر وانا سوقتها كتير و اما جيبت التيدا حسيت بالفرق الرهيب اللى بين العربيتين فعلاً فرق من السما للأرض بصراحه اللانسر عربيه هم والباور بتاعها تقيل والعفشه بتهبد فيك فى المطبات وسحبها مش زى التيدا علماً بإن الاتنين 1600 سى سى وكمان ديقه عن التيدا والعزل مش قد كده وطبعاً لو انت مسافر بيها هايجيلك صداع من صوت احتكاك الكاوتش فى الاسفلت وطبعاً صوت الموتور ( اللانسر مجملاً مش بطاله وحمالة قسيه عن تجربه ومشاكلها لا تكاد تذكر من ناحيه المكيانيكا شغاله فل مع اخويا حتى الان ) , طبعاً بعد اما جيبت التيدا واخويا جربها اتمرد على اللانسر وكرهها طبعاً حس بالفرق الشاسع

**alhamza** · 22-06-2010 02:29 PM

بالاضافه الي كل اللي قالوه الاعضاء لو جبت التيدا مش هتعرف تبيعها بسهوله بس عارف ليه علشان هتحبها جدا جدا ومش هتلاقي زيها وعلي فكره ده اللي بيخللي اعلانتها قليله لان اللي بيجيبها صعب يفكر يبيع