بركولي يا جدعان ركبت زينون

**simon659** · 21-06-2010 03:57 AM

بعد صباح الخير لكل اخواتي الي في المنتدي انا النهردا نزلت ركبت زينون في العربيه السيراتو بس بجد كنت خايف اوي من موضوع الفلاشه بس ربنا سطر
الموضوع معايا كان ليا دماغ حبه متغيره عن اي موضوع زينون انا قبل العربيه السيراتو كان عندي شيفورليه لانوس وانتو عارفين ان الانوس كشفها خانه واحده يعني بول واحد العالي والواطي في خانه واحده تمام
المهم فا جيبت زينون العالي زينون تلجي والواطي اصفر نور عادي يعني الاتنين في بعض يعني حبه صياعه علشان اللجان والحكومه
رحت للكهربأي وقلي انا هعملك حوار حلو ممكن تعرفو قلي اخليلك الفتحه الكبيره في الكشاف للعالي علشان تجميع النور يبقي عالي انو عارفين ان الكشاف السيراتو نظام التلت والتلتين بس التلت الصغير نازل للنور العالي والتلت الكبير للواطي فا انا عكست خليت الواطي في الصغير والعالي في الفاتحه الكبيره تمام كده وعملي العالي اللمبتين الي هو انتو فاكرين ان الزينون الي معايا واطي اصفر وعالي زينون فا خلالي العالي الاتنين مع بعض هو نور الابيض التلجي مش باين اوي بس النور عالي جدااااااااااااااااااااا جدااااااااااااااااااااااا ا ماتخيلتش عمره ما يبقي رايق كده وركبت كتاوت طبعا والحمد لله الفلاشه اشتغلت تمام مافصلتش مع ان حصل موقف وقع قلبي كان الفلاشه الي معايا عليها اغاني وواحد طلب مني داتا فا خدها مني وشاف الاغاني عجبته نقلها قط وانا عامل حسابي ان الفلاشه عليها اغاني وبحطها يؤلي رييد ومش بيقري الحمد لله ساعتها عربيه جت للكهربأي كان معاه جهاز امبي3 وشغلتو والحمد لله كلو تمام
وشكرا بس علي فكره النور رايق جدا جدا جدا افضل من الانوس وكل الي جربته قبل كده

**Moe86** · 21-06-2010 04:19 AM

فكرة حلوة قوى انك تشغل اللمبة بتاعة الزينون اللى معاها نور أصفر فى نفس الوقت
بس أنا عندى سؤال, مش ممكن الحرارة اللى بتطلع من اللمبة الصفراء تبوظ الزينون اللى معاها فى نفس الوقت ؟

**simon659** · 21-06-2010 04:39 AM

حضرتك زمان اول ما الزنون ده نزل فا كان في واحد كان بيشرحهولي لو اشتغل ساعه يفصل ويقيد الاصفر يعني اللمبه لو سخنه هتفصل والاصفر بس هو الي هيشتغل وعلي فكره الكتاوت والجهازين الي مع الزينون هما منظمين وعلي العموم لو اتحرق هيتغيرو وعلي فكره انا شغلتهم النهردا كتير حوالي نص ساعه ويمكن اكتر ماحصلش حاجه والزينون الي فيه اتنين بول ده بيبقي في حاجه كده زي المشترك طالع منها 3 بنس كده تقريبا واحد كهربا وواحد للواطي وواحد للعالي هو ده الي فيه منظم للحراره وعلي فكره الي يقصر عمر الزينون مش انك تشغلهم كتير انما كتر الفلاشات وفي ناس غاويه واكيد حضرتك عارف ومرسي ليك علي المشاركه وبرضو انا هسأل في النقطه دي لاني بؤل مجرد رأي وبرضو اكيد قاعدت اللمض دي بتبقي المونيوم مش نحاس علشان التجميع بتاع النور والسخونيه

**max_ziro** · 21-06-2010 04:39 AM

مبروك عليك بس ياريت توضح اكتر عشان انا مش فاهم حاجة و يسلام لو تصور الفانوس بعد التعديل ..

**Tamer86** · 21-06-2010 08:50 AM

مبروك يا عم

طب قولنا عيارات النور الواطي و العالي عاملة ايه

ظبطت معاك و بتجيب المسافة المطلوبة للواطي و للعالي ؟؟

اصل اللي اعرفو ان شكل العاكس هو اللي بيديك المسافات دي و انت تتقدر تزبط و تعيير زواية و مسافة النور بشكل محدود جدا

**Frozen_Pain** · 21-06-2010 10:01 AM

المشاركة الأصلية كتبت بواسطة max_ziro

مبروك عليك بس ياريت توضح اكتر عشان انا مش فاهم حاجة و يسلام لو تصور الفانوس بعد التعديل ..

تصدق بالله ولا انا فهمت حاجة

الواضح ان العيب فيا انا

**simon659** · 21-06-2010 11:20 AM

صباح الخير يا جماعه ومافيش حد فيه عيب الله يكرمكو انا هفهمكو كل الي انتو عاوزينه
دي صوره السيراتو كوبيه طبعا بس تقريبا نفس الكشاف العادي بتاع السيراتو العاديه لو خدنا بالنا انه منوره الواطي مع الفوج تحت ملناش دعوه بلفوج العربيه الكشاف عباره عن 3 اجزاء جزء الفليشر وجزء كبير الي هو منور ده نازل للنور الواطي والجزئ الصغير بتاع العالي انا بقي عكست الجزئ الكبير للعالي والجزئ الصغير للواطي فيها ايه صعب