سؤال الى الاخوة مالكى سيارات لادا 2105

**dOoM3** · 17-02-2008 04:11 PM

لدى استفسار ارجو من الاخوة الاعزاء اعضاء المنتدى الرد عليه
هل توجد سيارة 2105 بدون بيض المقصات ؟
السبب فى ذلك السؤال صديق لدى كان يمتلك لادا 2105 يقول انها روسى موديل سنة 93 ويقول بأنها بدون بيض.

**thegoodhacker** · 18-02-2008 12:50 AM

لا اعتقد ان الكلام ده صحيح.......اللادا ال2105 و 2107 طول عمرها علي بيض
اللي مافيهاش بيض هي اللادا السمارا و الموديلات الحديثة زي الكالينا و ال2110

**dOoM3** · 18-02-2008 11:32 AM

مشكور اخى العزيز وجعله الله فى ميزان حسناتك

اللى هو قالهولى هو انه دخل بنزينة علشان يغير زيت فقال بالمرة للعامل انه يبص على الكرونة ويشوف الزيت بتاعها و بالمرة شحم البيض فكان رد العامل عليه ان العربية مفيهاش بيض. المشكلة ان صاحبى باع العربيه(مقعدتش معاه شهر).
الحقيقة انا نويت اشترى لادا بس موضوع البيض ده قالقنى ولما صاحبى قالى كده تخيلت ان فيه حل للموضوع ده.
وشكرا لك مرة اخرى.

**thegoodhacker** · 18-02-2008 04:04 PM

بص لو انت متردد انك تشتري اللادا علشان موضوع البيض يبقي مالوش لازمة التردد ده خالص و توكل علي الله و اشتريها و مش حتندم ان شاء الله ........
اهم حاجة انك اول ما تسمع صوت البيض في المطبات لازم تروح للميكانيكي و تغيرهم ببيض اصلي و طبعا مع المتابعة و تشحيم البيض ده كل فترة و ده بيتم عند الميكانيكي مش في البنزينة !!
غالبا البيض مش حيملص مرة واحدة غير لما تكون فعلا حالة البيض دي تعبانة و انت اهملتها

**hamedo0** · 18-02-2008 04:09 PM

ممكن يكون اقصده مشاحم البيض ممكن لاهمش

**dOoM3** · 18-02-2008 07:34 PM

الف شكر لكم على هذه المعلومات المفيده
وجعله الله فى ميزان حسناتكم

**zalkadery** · 19-02-2008 01:41 PM

يا جماعة الخير انا شارى 2105 روسى موديل 95 من شهرين فقط وكنت فرحان بيها جدا ولكن لقيتها بتسخن والمؤشر بييجى على النص لما اكون ماشى فى زحمة شوية غيرت الراداتير الى نحاس 3 ماسورة ما حسيت بفرق نفس الحرارة هل عدت على حد المشكلة دى مع الشكر لحسن انا ناوى ابيعها لو ما لقيت حل مع جزيل الشكر

**medo1442002** · 19-02-2008 05:29 PM

مشكلة الحرارة في اللادا هي فصل الترمستوتات يعني مياة التبريد هتدور حول المحرك باستمرار فتمنع سخونته المشكلة بقا في البرودة لازم قبل ما تمشي بالعربية تسخن شوية لان البرودة بتخلي العربية تقطع

**dOoM3** · 20-02-2008 04:07 PM

مشكورين ايها الاخوة على المرور ولى سؤال للأخ zalkadery
انا عايز اشترى 2105 او 2107 بس معرفش ازاى لانى مبفهمش فيهم يعنى الواحد يبص على ايه او ياخد باله من ايه زائد ازاى يعرف يقيم ثمن السيارة
وهل ممكن تقولى انت اشتريت سيارتك بكام

**masrawy1441** · 19-05-2009 08:21 PM

السلام عليكم انا كانت عندى نفس مشكله الحراره فى العربية كنت لما بمشى حوالى 15 كيلو بس الاقى الحرارة وصلت للنصف
والمشكلة دى بصراحه كانت مكرهانى فى العربية
لما رحت للميكانيكى قالى المشكلة بسيطة وغيرلى المروحة بتاعة الريداتير كانت 4 ريشه خليتها 8 ريشه وركبت سير اصغر من اللى كان راكب وغيرت البوبينه اللى بيركب عليها السير
بصراحه بقيت اسافر بيها اى مكان والحراره مش بتزيد عن الربع