........................
عرض للطباعة
........................
اولا أنا لسة مصلي استخارة و بعدين لقيت الى انت كاتبه ده و أنا في شدة الحيرة لسة النهاردة شايف فيلا رائعة في الشروق كمساحة واسعة جدا و تصميم و أرض مساحتها كبيرة و عندي امكانية بناء دورين كمان فى المستقبل لو حبيت فى الحي السابع بعد الشروق 2000 وواضح ان دي اشيك و ارقى حاجة في الشروق مع الحي التامن و كمان بنتى في مدرسة فرنسية و إن شاء الله مخطط ادخلها الجامعة الفرنسية و كمان متشطبة هاي سوبر لوكس بالظبط زي ما كنت بتمنى لو أنا بنيت بنفسي بالتالى مفيش قرف العمال و التشطيب و ما أدراك بالعمال في مصر. بس بنفس السعر ممكن أسكن فى تاون او توين هاوس في كمبوند حلو في التجمع الخامس بس طبعا مساحة اصغر كتير و لا يمكن أن ابنى او أغير أي شيء و كمان نص تشطيب و هتحتاج فلوس و وقت و مجهود و متابعة رهيبة. أنا معرفش اي حد ساكن في الشروق فيالتالي انا هاخد برأيك فأنت شايف ايه؟ هل أتوكل على الله في الفيلا الى شفتها و لا آخد حاجة صغيرة في كمبوند في التجمع و لا آخد أرض في الشروق و أبنيها؟ مع العلم أن كارفور و سكاي بلازا قدامهم زي ما شفت مش اكتر من 6 شهور و مدينتى فيها 18 شقة سكنوا خلاص يعنى كمان سنة هتكون عمرت شوية كمانز
كمان هل السكن في الشروق امان و لا لأ بالذات أن خلال الصيف بنتى ممكن تكون لوحدها في البيت و ما هو موقف الطريق الدائري الثانى هل سيمر بالشروق لان شغلى عند جامعة القاهرة و أنا ساكن حاليا في شيراتون المطار و بستخدم الطريق الدائري الحالي
أنا آسف لكتر الأسئلة بس أنا في أشد أشد اشد الحيرة و مش عارف آخد قرار و محتاج حد يساعدني و شكرا مقدما
السلام عليكم ,
أنا ساكن فى الشروق من 2008 و الحمد الله مرتاح جدا , انا ساكن فى بانورما الشروق خلف الشروق 2000 مباشرة و فعلا الحى السابع من أرقى أحياء الشروق لانة كله فيلات و كومبوند و فيه نادى هليوبلس .
بس حضرتك لازم تشوف ظروفك كلها و تحسبها يعنى انت شغلك فى جامعة القاهرة فلازم تشوف هل تقدر كل يوم تسوق من الشروق لحد الجيزة ولا الموضوع هيكون مرهق فكدة يبقى التجمع اقرب لشغلك . انما من حيث المقارنة بين فيلا الشروق و فيلا التجمع طبعا الاحسن فيلا الشروق كمستقبل عشان المساحة اكبر و امكانية البناء بالاضافة الى التشطيب و من ناحية الامان فالحمد الله المكان كويس و مشفتش مشاكل من ساعة ما سكنت فى الشروق . و ربنا يكرمك فى اتخاذ القرار السليم و انا تحت امر حضرتك لو محتاج اى مساعدة
http://lh3.ggpht.com/_bMNfsmUYp1A/Sp...0/SANY0441.JPG
http://sphotos.ak.fbcdn.net/hphotos-..._3044917_n.jpg
مول سكاى بلازا الذى يتم بناؤة
طيب كم سعر الشقة 130 متر فى الحى السابع
طيب سؤال لاهالي الشروق
انا بفكر افتح عياده اسنان بالشروق او العبور
محتار جدا جدا
العبور حلوه كمدينه و فعلا نسبه الاشغال فيها عاليه و مؤخرا فتح فيها عيادات اسنان كتير بس لسه موصلتش لدرجه التشبع
اما بالنسبه للشروق فكل اللي شفته فيها عياده واحده فقط لا غير بس معرفش الاماكن اللي ممكن يتفتح فيها عياده
فسؤالي لسكان الشروق
هل عندكم عيادات اسنان في الشروق كويسه ولا لأ
و ايه الاماكن المتاحه لعياده اسنان
السلام عليكم ,
فعلا عيادات الاسنان الخاصة قليلة فى الشروق بس بيكون فى دكاترة اسنان فى المراكز الطبية و اعتقد أنسب مكان هيكون فى قلب المدينة عند الجهاز لانه أكتر مكان فى نسبة اشغال عاليه بس الموضوع محتاج دراسة و مقارنة بين العبور و الشروق و انسب الاماكن فى الاتنين و ربنا يوفقك للخير و الاختيار الصح و حضرتك برضة مينفعش الاعتماد على عيادة واحدة سواء العبور او الشروق لان الكثافة مش زى القاهرة يعنى لازم توزع وقتك مثلا يومين فى المدن الجديدة و 3 ايام فى القاهرة .
معلش بقى هو عيادة حضرتك فين عشان انا اسنانى بايظة خالص و عاوز اشيل ضروس العقل .
ماهو الفكره اني حاليا بشتغل جراح وجه و فكين في مستشفي معهد ناصر و معنديش وقت غير 3 ايام ممكن اشغل فيهم العياده
و احنا كدكاتره اسنان مش زي الداكتره البشري ليهم اكتر من عياده و بيلفو عليهم
احنا بنفتح عياده واحده او اتنين بالكتير
انا اساسا كنت بشتغل في مدينه بدر بوزاره الصحه و ترددت كتير علي المراكز الطبيه بالشروق و عارف الشغل اللي بيتعمل هناك
مش ده شغل العيادات
اللي بيتعمل في المراكز الطبيه دي خلع فقط و لو ربنا مسهل في الخامات و المعدات و مع وجود دكاتره عندهم ضمير ممكن تحشي ابلاتين
و المنطقه عند الجهاز فعلا مسكونه كويس لأني كنت بروح كتير عند المنطقه الطبيه بتاعت الشروق القريبه من المول و الجهاز هناك
بس الفكره المساكن دي تنفع تستخدم كنشاط استثماري (عياده يعني) و اسعار الايجار كام و يهمني ان المكان يكون مستواه عالي او متوسط لأن الناس اللي بتروح المراكز بتاعت وزاره الصحه بيكون هدفهم الخلع و شكرا و فكره الخلع دي اخر اخر حل بيلجئ اليه دكتور الاسنان في عيادته
و ادي محمد ظبطني متلبس بالحيره و التردد
انا مشكلتي اني مش هقدر افتح غير 3 ايام ففكرت في الشروق لقله الخدمات فيها
انا بجد و الله دماغي مش ملاحقه و محتاج بس ادردش ويا الناس لكن تأكد اني هاجي و الف وياك شويه في العبور قريب قوي بأذن الله بس مواعيد المستشفي تتثبت شويه
ديصورة من احدي عمارات المستثمر الصغير تعتبر اعلي منطقة سكنية في العبور ومعمولة بنظام كومباوند ومافيش في المستثمر الصغير غير 38 عمارة بس وهيبقي فيها مجمع فنادق وبنوك ده غير الفيو الجاااااامد بتاعها بالذات بليل تحفة بكل المقاييس.
http://sphotos.ak.fbcdn.net/hphotos-..._1934510_n.jpg
http://sphotos.ak.fbcdn.net/hphotos-..._8083354_n.jpg
معلش انا مخدتش بالي من سؤالك
الكلام اللي انا قلته ده حقيقي و حصل بالفعل
بس انا مش عايز اشنع و اقول كلام يخوف الناس بس انا عن نفسي مفكرتش حتي افتح عياده هناك في بدر مع اني ممكن افتح عياده هناك ببساطه بس اسلوب تعامل الناس هناك حتي معانا احنا الدكاتره في المركز الطبي هناك اسلوب سافل و منحط
و يكفي موقف حصل قدامي قبل كده من خناقه بين سواق توكتوك مع دكتور في الاستقبال و المشكله ان الدكتور ده سني متدين و كان بيعمل شغله بكل ضمير
سواق التوك توك كان جاي مع راجل في التلاتينات مع امه
الدكتور بيقوله مالك قاله زوري واجعني
قاله طيب افتح بقك اشوف زورك قاله مش قادر افتح
فقام يكتب الدوا
قامت والده المريض رايحه توريه كيس الادويه علشان يبقي عارف الادويه اللي عندهم
لحد هنا عادي
المشكله بقي لما سواق التوك توك قام رايح يكلم الدكتور
قام مخبط علي كتفه بزق كده و يقوله انت مالك مش عايز تكشف عليه ليه
و الدكتور بشهاده الكل لحد اللحظه دي كان بيتكلم عادي و بأسلوب طبيعي
قام سواق التوك توك مادد ايده تاني علي الدكتور ده و شاتمه بأمه
الدكتور بيقوله احترم نفسك
قام سابب الدين للدكتور و ماسك في خناقه
انا كنت قاعد مع مديره المركز و لما سمعت الصوت العالي قمت قايم اشوف الموضوع
و بفصل ما بينهم و بقولهم عيب يا جماعه بالراحه مش كده و بحجز بينهم بكل ادب و الله العظيم
عارف مين ضربني؟
المريض نفسه ناولني بالبوكس في وشي!!!!
ساعتها بقي قمت فاتح عليه و سحبنا الدكتور جوا عند مكتب المديره
اتصلنا بنقطه الشرطه الملازقه للمركز
قال الامين هناك انه لوحده مع امين تاني و هيتصل بالقسم
و احنا قافلين مكتب المديره علينا و قاعدين مستنيين
قلنا عايزين محضر تعدي علي موظف اثناء تأديه عمله
ام الواد كل شويه تحاول تخلص الموضوع و تتأسف
ابنها و سواق التوكتوك فارضين حصار بره
نقولها ابنك غلط جامد و احنا بنشوف شغلنا و مقصرناش
و ده ابدا
اللي حارقه بجد مش الضرب و الاهانه الشخصيه
اللي كان واجعه قوي سبه بأمه و سب الدين
قامت حاولت اكتر من مره تتهجم علي الدكتور و عايزه تمسك في خناقه بأي شكل في المكتب
سحبناها بره و قفلنا الباب و بقيت انا علي الباب من جوه علشان امنع اي مشكله تاني
شويه و الامين جه
و الام صباح الكدب و تلقيح الجتت
قام الامين نهرها
و وصل ساعتها معلم كده من الزلزال غالبا كبير المنطقه او حاجه
هو عايز يلم الموضوع و الدكتور متمسك بحقه
المهم
كتب الامين المحضر و روحنا القسم
سواق التوك توك و التاني اتحطو في الكلابشات و خدو تهزيق و كام قلم علي وشهم
و مأمور القسم عمل خاطر للمعلم ده (و ده اللي وضحلي انه كبير المنطقه هناك) و حاول يصلح بينهم
انا عن نفسي قبل ما نروح القسم حذرت مديره المركز ان الموضوع لو متلمش هيكون في ثأر من المركز و منا
و في القسم انا و دكتور كبير تاني قعدنا برضو نحايل في الدكتور السني لنفس السبب
الدكتور معاه حق اه بس المشكله في االلي هيحصل بعد كده للمركز و للممرضات و لينا
و فعلا تم الصلح و مشينا بعد ما الدكتور شاف بنفسه اهانه السواق و الراجل التاني
و دي اول مره يتم الاعتداء علي دكتور بس قبل كده حصلت حاجات مشابهه للتمريض خصوصا في النبطشيات الليليه
فمنطقه زي مساكن الزلزال دي لوحدها كفايه
و كان في دكتوره كبيره هناك معانا ليها حكايات عن بدر تقلق فعلا خصوصا صبحي حسين اللي حكاياتها عامله زي الباطنيه زمان كده من حوادث و سرقات و مخدرات و حاجات تانيه
و كان في دكتور هناك لما كان بيطلع علشان يكتب تقرير وفاه كان بيسيب الدفتر و الاختام في المركز علشان ممكن يجبروه يكتب وفاه طبيعيه لحد و هي جريمه قتل و سمعت منه عجايب عن صبحي حسين دي
انا شخصيا قدمت علي اجازه بدون مرتب من ساعه ما كانو عايزينا نمسك نبطشيات ليليه هناك غير اني كبني ادم بقيت مش عايز اتعامل مع ناس زي كده تاني اساسا
ياما قلو ادبهم عليا و علي الدكاتره مع اني كنت بعمل تجاوزات في الشغل علشان اخدمهم
يسمعوك كلام سخيف و بقله ادب و تحاول تمشي نظام و الدخول برقم مسلسل التذكره و دول ابدا و يكدبو و يعلو صوتهم
مره فتحت باب العياده اشوف مين اللي بيخبط عليه و هيكسره لقيت راجل و مراته و بيقولي معلش اصلها موجوعه قوي
و طبعا مش دورها في الدخول و في ناس كتير قاعدين من الصبح و هياكلونا لو دخلت حد قبل حد
فقمت قايله طيب هتدخل في دورها و سيبني بقي اشوف شغلي علشان ييجي دورها
سمع الكلام و شويه لقيتها هي اللي بتخبط و الممرضه فتحتلها الباب قمت ابص عليها كده علي الواقف لقيت ان حالتها مش بتعمل الوجع اللي هي بتقوله ده قلتلها طيب هييجي دورك و نكشف عليكي
قامت طالبه تذكرتها من الممرضه قلتلها اديهالها مسكتها و قطعتتها و رمتها في وشنا و قالت كلمتين ملهومش لازمه هي و جوزها بفرعنه متناهيه و مشيت
بص انا متعاطف مع الناس الاقل حظ منا في الدنيا و بحاول اقوم بالواجب و زياده معاهم
بس اساسا اي عياده اسنان علشان اعالج الناس صح لازم اخد وقتي معاهم
و مش معني ان التذكره بجنيه ولا جنيه و ربع ان الفلوس الكبيره دي داخله جيبي او انهم اشتروني بيها
بس انت شاري هناك خلاص و انا معرفش الاماكن في بدر غير اللي قلت عليهم و حاول تقضي اليوم هناك و تشوف بنفسك المستوي العام للمدينه و تسأل جيرانك خصوصا لو ساكنين قبلك عن الوضع ايه هناك
بس عن نفسي بدر دي مش عايز ادخلها تاني اصلا و بكرهها جدا
ليه بس ده كله
كل مكان فيه الحلو و الوحش
و بصراحه الشروق جميله و انا عايش فيها من 3 او 4 سنين محصلش اى مشكلة معايا الا بسبب العمال اللى بيشتغلوا فى مدينتى بس الجهاز عندنا مسيطر و جم طردوهم من الشقة الايجار لانى اشتكيت من الازعاج و كانوا هيشمعوا الشقة كمان
طب كويس ان فى حد بيهتم بالناس كدة
انا مكنتش اعرف ان مممكن يحصل فى مصر كدة
حد يشتكى عشان الازعاج
دة الناس بتعمل افراح فى الشارع وتبلغ البوليس تلاقيهم جم وخدوا اللى فية النصيب من الفرح ومشيوا
دة مرة كان فى افتتاح محل ادوات منزلية وكان عامل ازعاج عالى
الناس بلغت البوليس
ولقيت البوليس جية وامين الشرطة خارج من المحلل بحلل جديدة
وبقى الوضع على ما هو علية
التفاصيل موجودة في الأعلان اللى انا عامله وعلي العموم سعر المتر يبدأ من 1250 للواجهة الخلفية والواجهة الأمامية يبدأ من 1500ج للمتر كاش والحي ده اسمه المستثمر الصغير وده في بداية الحي الثاني وكل الأراضي هناك مملوكة لشركات ورجال اعمال وكل العمارات فيها اسانسيرات ووراها منطقة تعليمية ومعاهد ومدرسة القديس يوسف وتبعد عن جهاز المدينة والطريق حوالى 300م.
أشكرك حتى تستغيث :)
ربنا يكرمك و يبارك لك
بالنسبة لبدر بعد بحث ممبدئى لقيت ان الحياة فيها هتبقى صعبة سواء بسبب قلة الاهتمام و الخدمات زى المواصلات و ان المدينة كلها مفيهاش مستشفى و مستوى الناس الاخلاقى سىء بس الميزة الوحيدة هى وجود المنطقة الصناعية اللى الواحد لو اشتغل فيها هتبقى قريبة جدا . خير ان شاء الله
و دى مواقع بتتكلم عنها الحلو و الوحش فيها
مدينة بدر - الوصول للمدينة
جمعية رجال أعمال و مستثمرى مدينة بدر
مدينة بدر - خرائط المدينة
هام جدا بعض المعلومات في اختيار وترتيب الادارات الصحية قبل أن تختار مكان التكليف - اطباء العرب
http://omarelbadryy.maktoobblog.com/
مواصلات مدينة بدر
http://aqarcity.org/up092/images/opt1267697869v.jpg
http://aqarcity.org/up092/images/cqs1267697961d.jpg
http://aqarcity.org/up092/images/bwy1267698048o.jpg
http://aqarcity.org/up092/images/viu1267698252j.jpg
http://aqarcity.org/up092/images/viu1267698326a.jpg
http://aqarcity.org/up092/images/klz1267698372f.jpg
احدي فيلات الحي السادس بالعبور
http://dc01.arabsh.com/i/01713/v4un1zt5wrjm.jpg
الفيلا دي يقال انها بتاع حسن يوسف بقالهم اكتر من سنة بيشطبوا فيها.
http://dc01.arabsh.com/i/01713/1h3zn2tvk0gk.jpg
أنا متشكر جدا يا استاذ علاء فعلا أنا مقتنع جدا بالشروق و متوقع انها تكون أجمد من التجمع لأنى متوقع التجمع هيكون مدينة نصر بس اشيك شوية بس هيكون نفس الزحمة بالذات في الشوارع الرئيسية لما منطقة البيزنس تخلص يعنى بالكتير سنتين على ما اعتقد
و أنا حسبت المسافة وجدت انى هسوق 18 كيلو زيادة عن الآن و أعتقد مميزات المدينة و الفيلا يستاهلوا شوية التعب دول
مممممممممممممممممم
انا طول عمري مببصش علمدن الجديدة غير علي اكتوبر هي الوحيدة اللي لحد وقت قريب كنت بحس انها تنفع للاقامة ومدينة متكاملة فعلا..
وفعلا كننا شاريين فيها أرض وخلاص علي اتم الاستعداد للبناء ولو انها بعيدة شويتين
لكن بقالي حوالي 4 شهور بعدي علي الشروق والعاشر مرتين اسبوعيا ع الاقل
مرة فمرة بقيت احس ان المسافة فعلا مش بعيدة خصوصا لو شغلك في نطاق القاهرة مش الجيزة او اكتوبر
ومرة فمرة حسيت انها جميلة فعلا... كان لحد شهور اللي يقولي الشروق او طريق مصر الاسماعيلية عموما بتضايق وكمان من العبور
بس دولقتي الوضع اختلف تماما
وامبارح بس لله الحمد تخلصنا من ارض اكتوبر دي واشترينا ارض جديدة فلشروق بعد المركز الطبي العالمي قدام ستيلا مصر الجديدة بظبط.. ومكانها عاجبني جدا وقريبة جدا من الطريق النهاردة رحنا نشوفها لقيت بيرصفوا نازلة جديدة للدائري امامها مباشرة..بصراخة تفائلت.. وحسيت اني ممكن استغني عن القاهرة بدوشتها وخصوصا ان طريقها معقول ومخارجها معقولة
مش مخارج محدوده ومقفولة زي اكتوبر
دعواتكم بقي اغمض وافتح الاقي نفسي هناك
بس المشكلة اللى متخوف منها بعد كده ان المدن اللى حوالين الشروق وخاصة مدينتى تتسكن
والدائرى ساعتها لو فضل بنفس امكانياته يبقى ربنا يستر
ولكن حتى الان مازالت الشروق افضل من الداخل من حيث الطرق والعمارات كلها 3 ادوار فقط فالبتاللى مش حيبقى فيه زحمة داخل المدينة
متهيالي علي منشوف الشروق زحمة هيكون عدي 20 سنة ع الاقل
هو الدائري هيخلي فيه روح اكتر للمكان انما زحمة؟؟؟ معتقدش
الزحمة تكاد تكون مستحيلة في المدن الجديدة بسبب ان ارتفاعات المباني فيها محدودة وبالتالي الكثافة السكانية محدودة.
طب يا جماعة فى حد عندة فكرة عن اسعار مدينة الشروق و نظام التقسيط فيها
و فى حد يعرف حاجة عن التمويل العقارى فى الشركات اللى بنسمع عنها زى املاك و انماء و الحاجات دى من حيث نظام التعامل و شرعيتة من الناحية الدينية
اسمحلي يا أخي معلوماتك عن مدينة بدر ناقصة كتيير
المدينة بالفعل فيها مستشفى 100 سرير تم افتتاحة من فترةومجهز تجهيز عالي والمدينة مواصلتها شغالة كويس والخدمات موجودة وبس هي مدينة صغيرة مش زي الشروق والنماذج الموجودة في المدينة قليلة والمدينة دي مستقبلها كويس والامن فيها كويس جدا
وحتة مستوى الناس الاخلاقي دي مش معاك فيها يمكن ممكن تقول كدة على منطقة محدوفة في المدينة اسمها صبحي حسين لكن باقي المدينة كويسة جدا أنا اتجوزت وسكنت هناك في الحي المميز بقالي حوالي سنتين والمدينة بجد كويسة جدااااااااااااااااااااا
طيب يا باشا حضرتك سمعت عن الاراضى اللى نازلة اليومين دول بالقرعة فى مدينة بدر هل هي قريبة من الحى المتميز ولا من العشوائيات لان انا سمعت فعلا ان الحى المتميز فى بدر مستواة راقى جدا و لو فيها تعب لحضرتك ممكن تسألنا عن المنطقة دى فين و مدى جودتها و موقعها
اسف لو كنت هتعب حضرتك لكن المعلومات دى عاوزنها ضرورى عشان بنفكر نقدم فى القرعة و مش لاقى حد اعرفة عندة اى معلومات
و سؤال تانى لو سمحت عاوز اعرف المنطقة اللى حضرتك ساكن فيها تبعد اد اية عن الشروق وعن التجمع الخامس (شارع التسعين مثلا)
و جزاك اللة كل خير
يا باشا اللي أعرفة عن أراضي القرعة في المدينة متوزعة على الاحياء التلاتة يعني بعيد عن الحي الاقتصادي اللي هو صبحي حسين يعني كلها في حتت كويسة بس الحي الثاني دة لية مشكلة عشان ملوش مواصلات من برة المدينة انت بتنزل في المدينة عند النادي وبعد كدة تركب تاني
وهاحاول اسأل أي حد يعرف اي حاجة وهارد عليك ان شاء الله
وهي فرق بينها وبين مدينة الشروق 5 كيلو وممكن تتراح من طريق السويس او ممكن تخش من مدينة هليوبليس الجديدة وتوصل على مدينة الشروق عند ال 70
وبص انا مواصلات من مدينة بدر لحد مكرم عبيد باخدها في حوالي ساعة تزيد شوية او تقل
والمسافة 46 كيلو لغاية مكرم عبيد