اخدت الوصف بالشبة بس توهت فلشرح بتاع الرحاب لاني مدخلتش هناك قبل كدا
طب ولو ف ش التسعين ادخل منين للرحاب؟؟؟
عرض للطباعة
اخدت الوصف بالشبة بس توهت فلشرح بتاع الرحاب لاني مدخلتش هناك قبل كدا
طب ولو ف ش التسعين ادخل منين للرحاب؟؟؟
التسعين لغاية المصراويه و شمال فى الشارع الواسع هتوصلى قريب قوى من الرحاب (ان مكانش عندها ... بقالى فتره مرحتش فا مش فاكر هو ده الشارع بتاع الرحاب ولا الموازى ليه)
انا روحتها اشوف شقة تبع شركة بريدج العقارية
حاسس ان مفهاش حياة خالص بصورة ترعب ومفيش محلات نهائى ملقتش غير سوبر ماركت صغير اوى غير كده الحياة هناك صعبة اوى واعتقد قدامها على الاقل 10 سنين عشان يبقى فيها حياة شوية انما دالوقتى صعب جدا وصرفت النظر عن الشقة
ناحية مدينتي لسه مفيهاش حياه لكن قدامها 3 سنين بالكتير ان شاء الله وتكون اتعمرت اما لو عاوز تسكن دلوقتي خد من الناحيه التانيه من طريق الاسماعيليه ولو عاوز تسكن بعد سنه او سنه ونص بالكتير خد من ناحية طريق السويس بس في المنطقه ال 5 و 6 و 7 و8 دوول ادامهم سنه او سنين بالكتير وعموما هو اللي كان مأخرها رئيس الجهاز وغيروه ولسه مستلمها الرئيس الجديد بقالوا كام يوم فقط بعد العيد وربنا يسهل بس هي مستقبلها كويس ان شاء الله انا عامله استخاره وسائله كتير ومرتاحه لهناك وبالنسبه للخدمات في مناطق للخدمات علشان الحفاظ على نظافة المدينه وتخطيطها وشكلها
وربنا يكتب الخير للجميع ان شاء الله
ده أراضي القرعه تبع الهيئه يعني ده اللي الدوله نزلتها وده في المنطقه الاولى فوق من طريق اسماعيليه وهي هتكون اسكان عائلي فمستواها عائلي يعني شبه اسكان الشباب بس يمكن اعلى شويه
يا جماعة بجد انا عايز اشكر كل اللي شارك في الموضوع ده لأنه اصبح مرجع قوي جدا..
و عايز رأيكم في عرض معروض عليا وهي شقة في الحي التالت شرق
مساحتها 145 متر وسعر المتر بـ 2000 جنيه وده من المالك.
انا عايز اعرف مميزات و عيوب و تقييم الموقع ده وهل السعر ده فعلا فرصة و لأ..
يعني موقع الاراضي اللي عند النادي اللي تبع الهيئة كويس وقريب من العمار ولا ايه
الموضوع جميل جدا و ىعتبر مرجع فعلا
وانا كنت ابحث على شقه فى التجمع لكن غيرت تفكيرى وقررت ان اذهب الى الشروق فبعد قرائتى لهذا الموضوع تشجعت
ان ارى الشروق لانى لم اذهب اليها قبل ذلك
سلام عليكم .. حد يا جماعة عارف الموقع اللي فيه اراضي الاسكان والتعمير اللي نازلة دلوقت .. ويدينا فكرة عنها
مش محددين أماكن
كتييييييييييييير ياباشا 2000 جنيه في الحي التالت شرق
دي قدامها مده كبيره لحد ماتعمر زائد انها كمان علي حسب المجاوره الكام
عموما الاسعار في المنطقه السابعه او التامنه بقيت ب 1950-2000 و استلام فوري 50% و الباقي تقسيط و الخيارات كتيره جدا و الظريف ان المنطقه كلها طالعه و مستنين الكهربا لما تخش علي اخر السنه و تبتدي تسكن
ارجوا اني اكون افدتك
شكرا على الرد يا باشا
انا فعلان روحت وشوفت المكان.. هو لسة كتير عشان يتعمر.. بس هل الأ سعار فيها قدام حتبقى عاملة ازاي.. يعني مش دي حتى تبقي استثمار كويس ؟
الحاجة التانية اللي انا مش فاهمها .. ايه الفرق بين المناطق و الأحياء.. انا شايف ان حتي الأحياء الفيلل فيها 3 ادوار .. والمناطق العمارات فيها مش اكتر من 3 ادوار ؟
ازاى يا ضحى الاماكن محددة اهى
http://www.urban-comm.gov.eg/p%2025-9-2011/shroyk.jpg
تقريبا زى ما توقعنا عند الصحراء او الجبل
أيوا بظبط ياقاسم بس بردوا انا شايفة سعرها مبالغ فيه لشباب..الا لو كانت لاسرة كاملة او لاخوات
هو السعر كام و نظامها ايه؟
متابع
انا ذهبت الى الشروق لكن اريد خبرتكم فى اى منطقه اركز البحث ؟
وايضا لو يمكن افادتى باحسن الشركات فى صدقها وايضا فى البناء الجيد بالنسبه لللاسسات وجودة البناء:question2:
السلام عليكم و رحمة الله و بركاتة ,
بخصوص أراضى القرعة و حسب الخريطة الموجودة فوق فى مشاركة الزميل damasry , المكان كويس خصوصا انه على الطريق الرابط بين طريق السويس و طريق الاسماعيلية بس المكان لسه مش عمران و هو قريب جدا من منطقة 100 (عمارات الشباب مساحة 100 متر) و العمارات معظمها ساكن يعنى الخدمات اليومية متوفرة من خضار و سوبر ماركت و قريب منها جدا مدرسة تجريبية و مركز طبى , ناقص بقى لو أى زميل اشترى كراسة الشروط يقولنا عن الاسعار و شروط البناء و المدة المتاح فيها البناء
اسف لتأخر الرد لاني ماشفتش مشاركة حضرتك دي الا دلوقتي
بص حي الفلل بيبقي ارضي و دورين و روف و حي العمارات بيبقي ارضي و 3 ادوار و روف
كل الشروق (شركات و افراد) علي حد كلامهم يعني بيقولوا رفعين قضيه علي الجهاز انهم يعلوا و يبنوا دور مكان الروف ده لان الروف ده متحدد مساحهة البني عليه تقريبا 20% من مساحة المباني حاجه كده
الاسعار قدام اكيد اكيد هاتزيد عن كده ليه ماعرفش بس خالي بالك المنطقه بتاعة العمارات دي مافيهاش لييسه كهربا بيقولوا هاتتوصل علي اخر السنه
شوف بقي السعر دلوقتي كام و لما الكهربا تخش هاتبقي بكام
طيب استفسار تاني...ه الشروق باكملها تابعة لجهاز مدينة الشروق؟؟بما فيها اراضي طريق مصر الاسماعيليلة؟ وافي جزؤ تابع لجهاز العبور؟
بالنسبه لاراضي الشروق الي منزلها بنك الاسكان و التعمير فيه فئتين
ارض 210 متر و ارض 267 متر
الارض ال 210 متر سعر المتر تقريبا 550 جنيه
و ال 267 متر سعر المتر 675 جنيه
الدفع علي 4 سنين
اول سنه الي هي السنه الي هايتم فيها القرعه بيتدفع 10000 جنيه مع تقديم الاستماره
و لو رسيت عليك بتدفع 25% من قيمه الارض من ضمنهم ال 10000 الي اتدفعو في الاول
و بعد كدا كل سنه 25%
البناء خلال 5 سنين من تاريخ التملك
و لو مارسيتش عليك القرعه فلوسك بترجعلك و عليها الفايده الي حققتها
السنادي نازل مدينه الشروق و بدر و 15 مايو
بس احسنهم الشروق في الموقع
هحاول ارفع كراسه الشروط بكرا لان النت بطيء حاليا
هو لو السؤال ده موجهه ليا بما انه بعد الرد بتاعي يبقي لأ ماعرفش بصراحه
و هحاول افتي و اقولك مافتكرش لان بيفصلهم طريق السويس زائد ان الشروق بعيده نسبيا عن العبور و مسافه حلوه يبقي ايه اللي هايجيب جهاز العبور في الشروق :ma:
عموما حدود الشروق زي ماالاستاذ قاسم كده رافعها في اللينك
السلام عليكم
انا انشاء الله ناوي اتري في الشروق شقه بالتقسيط
ايه افضل منطقه و احسن شركه ممكن اشتري منها.؟
جزاكم الله خيرا . ربنا يكرمك في الدنيا والاخرة . انا استفدت كتير وانت لخصت كل حاجه. الموضوع رد علي كل التساؤلات عندي . ربنا يكتب لك الخير كله