عامل اية يا معلم اية الاخبار
بالنسبة للمشكلة ان شاء الله خير لا تقلق
عرض للطباعة
عامل اية يا معلم اية الاخبار
بالنسبة للمشكلة ان شاء الله خير لا تقلق
عموما انا فى انتظارك فى اى وقت مش لازم تكون الصيانه يااستاذ محمود
نبص على العربيه ونشوف ايه هى المشكله بالظبط واذا كان فى عيب هنصلحله ان شاء الله
م/بهاء الدين
إيه أخبارك ياحوودة النهردة
وأخبار جينا إييه
انا رايح صيانة الالف بتاعتى يوم السبت ان شاء الله واتمنى اشوفك يا حودة هناك لو روحت السبت
تحياتى يا معلم معادى هناك الساعة 12
ربنا معاك حبيبي
طمنا
لو ممكن استفسار يا استاذ محمود
هى المشكلة مأثرة على العربية فى السحب مثلا فى استقرار الموتور يعنى الحاجات دى
وارجوك توافينا باخر الاخبار
اول بأول يعنى
شكرا
أول حاجة لاحظتها ال rpm بيفضل على 11 فترة طويلة, الطبيعي إنه ينزل تحت ال 10 في أقَل من دقيقة.
وا بصراحة حاسس إن صوت الموتور بيبقى أعلى من الطبيعي شوية طول ماحرارته مش جايبة المعدل الطبيعي...معرفش أنا بوهم نفسي ولا لأ بس ده اللي أنا حاسه.
بالنسبة للسحب أنا اخري 3 rpm لسة عشان التليين.
تمام يا تامر باشا إن شاء الله أشوفك هناك.
ربنا يطمنك عالعربية ان شاء الله
انا عندي أعراض مشابهة والحرارة كانت ساعات بتعلى برضه بس لما غيرت غطا الرادياتير ماعدتش تعلى
بس استهلاك البنزين عالي جدا وروحت التوكيل كذا مرة وغيروا فلاتر و بوجيهات وقالولي مفيش مشكلة في العربية خالص بس هو تقريبا ممكن يبقى حوار الثرموستات ده
ان شاء الله تطمنا لما تغيرها وياريت تقولنا هي بكام في التوكيل لو هشتريها وانا بره الضمان
وشكرا
ابقى طمنا عليك يا محمود ومتقلقش هى شكلها السرموستات الثانى وان شاء الله مهندس بهاء يحللك المشكلة زى موعدك برده السابق
آخر الأخبار...
رحت التوكيل انهارده و قابلت العضو tamer_aj اللي عنده نفس المشكلة وقعدنا اتكلمنا شوية, راجل بصراحة زي الفل وفهمني دورة التبريد ماشية إزاي وحاجة زي الفل. :Oc_sun1[1]:
المهم بعد ماتم التجربة مع مهندس الفحص والجودة لقينا طبعا الحرارة بتوصل ل 70 أو 65, قال لي طب ماده تمام كده, مادام مفيش غليان يبقى كويس... طبعا أي كلام في أي حاجة. :10_1_102v[2]:
المهم قلتله لأ طبعا مش طبيعي لازم الموتور يبقى 85 ومكتوب عالنت كده وإن الحرارة القليلة مش صح.
المهم رجعنا التوكيل فـبيقول لباشمهندس امر عالموضوع, وبيقولوا إنه طبيعي برده, قال له لأ طبعا مش طبيعي العداد لازم يبقى ثابت قبل ال 90, خُش حطها عالجهاز وكشف عليها. :mad2:
المهم الحمد لله تم تركيب ترموستات جديدة لإن الاوالانية لو إنت متابعين الموضوع كانت اتشالت من غير علمي, وتم تَغيير مياه الرادياتير.
طبعا أنا كلمت باشمهندس أمر في موضوع الترموستات اللي اتشالت من غير علمي ديه والراجل بكل احترام اعتذرلي وقال لي أنا هراجع فايل حضرتك عشان الموضوع ده.
رجعنا جربنا تاني العربية بتاع 10 كيلو كده و الحمد لله العداد واقف عال 9 بتاعت ال 90 وكله تمام الحمد لله.
ناقص بس تجربة تانية بعد ما العربية تبرد, أشوف هتوصل ل 85 في قد ايه .
ويا ربيجعلها آخر مرة أروح فيها التوكيل لمشكلة معينة, يا ريت المرات الجاية تبقى للصيانات بس.
تحياتي
محمود.
بالتوفيق ان شاء الله
ربنا يباركلك فيها
وياريت لو حضرتك تقولي في تغير في استهلاك البنزين بعد ماخلصت ولا ايه الأخبار ؟؟؟
ولو تعرف حضرتك سعر الثرموستات بكام في التوكيل لو هشتريها أكون شاكر ليك
ربنا يخليك يا محمد, أنا رديت عليك على الخاص. وهحط الرد برده للإفادة العامة.
و عليكم السلام يا محمد.اقتباس:
المشاركة الأصلية كتبت بواسطة weeja
ربنا يخليك وإن شاء الله متعملش معايا حركات من ده تاني. :w6266d
الحرارة فعلا كانت بتاخد كتير, كتير قوي كمان, يعني لو الجو ليل و برد, كان ممكن توصل لل 90 بعد مروح البيت من الشغل وده كان بيبقى حوالي 25 دقيقة. ولو ماشي على طريق سريع كانت لازم تقل ل 70 أو 65.
استهلاك البنزين لاحظته أول ماالموضوع ده حصل, يعني أول تفويلة ليَّ أنا متأكد إني كنت عملت أكتر من 100 كم قبل ماربع التنك يخلص, بعد مشلت الترموستات أول مرة, رحت فولت من نفس البنزينة وربع التنك كان خالصان بعد حوالي 84 كم.
طبعا برده عايز اقولك إن كل حاجة كانت متأثرة بداية بالسحب على صوت الموتور الأعلى نسبيا على رخامة الفتيس في النقل, كل ده ظبط أول ماالعربية رجعت تاني على 85.
للأسف ما عنديش فكرة عن سعره عشان أنا كنت مغيره ضمان, حتى لما بسيط عالفواتير اللي محطوطة ماكانش جمبها اسعار.
أتمنى أكون افدتك, وبعد اذنك هحط الرد ده في الموضوع للافادة العامة.
تحياتي.
الف مبروك عالصيانه
أهوه أكيد بتستفيد
ربنا يباركلك فيها
حوده طمنا العربية عاملة ايه بعد كام مشوار على صوت الموتور العالى نسبيا والسحب والفتيس ونقلاته الرخمة اتظبطو ولا ايه النظام؟؟
ومبرووك على الصيانه
شكرا على ردك
انا عندي المشكلة دي من سنة تقريبا
سحب وحش حتى الكيك داون بييجي بالعافية العربية بتقعد كام ثانية كده على ماتفتكر ان انا قولتلها يللا كيك داون
استهلاك بنزين عالي جدا ربع التنك بيخلص في 70 كم
غيرت فلاتر و بوجيهات ونظفت رشاشات و مفيش فايدة
صوت العربية العالي وصوت المراوح بيبان اوي وانا ماشي بالراحة انما الصوت العالي للجين 2 على السرعات العالية ده انا اصلا بحبه
ممكن يكون موضوع الثرموستات ده
ربنا يسهل ان شاء الله اشوفه لما اخلص امتحانات
وربنا يباركلك في العربية ان شاء الله وتكون اخر مشكلة عندك
ايه الاخبار دلوقتى يا حوده طمنا
فى انتظارك ياستاذ محمود فى صيانة الالف بكره ان شاء الله
م/بهاء الدين