السلام عليكم,
النهاردة و انا رايح الشغل و كنت مشغل التكيف, بعد ما وصلت لقيت الحرارة جابت 115 مثلاً
طبعاً ان ا تخضيت و قمت مبطل علي طول. و المروحة فضلت شغال فترة لحد مرجعتها اقل من 90 تاني.
انا مش فاهم ازاي كده؟؟ العربية عاملة 430 كيلو!!
عرض للطباعة
السلام عليكم,
النهاردة و انا رايح الشغل و كنت مشغل التكيف, بعد ما وصلت لقيت الحرارة جابت 115 مثلاً
طبعاً ان ا تخضيت و قمت مبطل علي طول. و المروحة فضلت شغال فترة لحد مرجعتها اقل من 90 تاني.
انا مش فاهم ازاي كده؟؟ العربية عاملة 430 كيلو!!
احب ازود ان المروحة في الجو ده ساعات بتشتغل بال 6 و ال 7 دقايق.
حودة انت عندك مشكلة في الثرموثتات او المروحة لازم تحجز صيانة دلوقتي قبل الالف كمان متسكتش اكتر من كدة ومتقلهمش انك شغلت التكييف علشان التلتكيك طمنا
السلام عليكم
شغلت التكييف والعربيه لسه مالينتش وعامله 430 كيلو بس؟ وفي جو زي النهارده؟
ليها حق العربيه تسخن طبعا.
وبخصوص فتره تشغيل المروحه فده بيتوقف علي درجه حراره الجو لانها بتفصل تقريبا عند درجه 80 وده بيعتمد علي درجه حراره الجو
وعموما مبروك وماتشغلش التكييف الا بعد التليين وتغيير الزيت
يا افندم مع احترامي ليك, لو الكلام ده صحيح كان اتكتب بشكل واضح في كتيب العربية ان ممنوع تشغيل التكييف في ال 1000 الأولي لانه بيؤدي لسخونة العربية.... بس الكلام ده طبعاً مش موجود لأنه مش صحيح.
و بعدين المفروض العربية لو مفيهاش مشكلة متسخنش مع جو زي ده, امال مواصفات خليجي ازاي!!
التكيف اما يشتغل قبل التليين دا كدا حمل زياده عالموتور فلازم العربيه تسخن...و معتقدش ان الشركه ممكن تنبه علي حاجه زي دي مسبقا لان ممكن تكون نقطه مش ف صالحهم و تخسرهم زباين... دا رأي و انا محترم وجهات النظر الاخري:satelite:
الاخ محمود,
ان شاء الله بسيطه, روح التوكيل ومن غير حجز, وخليهم يشوفوا لك المشكله سواء المروحه او غيرها ويشيكوا على السوائل ومية الرادياتير, انا الحمدلله من اول يوم مشغل التكييف ومفيش مشاكل من الناحيه دي مطلقا, الحمدلله يعني.
وطمنا لما تروح وعرفنا.
تحياتي
شكرا لردودكو يا رجالة, ان شاء الله هروح بكرة و ربنا يستر.
ان بكرة ان شاء الله انا كمان رايح التوكيل اتمنى اشوفك واتعرف عليك
خير ان شاء الله
هو المفروض الحرارة ماتعديش كاام
والطبيعي كام
عندك مشكله في مروحه التبريد
السلام عليكم, آخر الأخبار...
رحت التوكيل انهارده الساعة 9:30 العربية دخلت الساعة 9:45 الورشة, على الساعة 10:20 طلعت من التوكيل عالطريق تتجرب.
جت تاني التوكيل ودخلت الورشة اتبص عليها تاني وبعدين طلعت بره على الساعة 11 تقريبا.
اللي تم كالتالي:
- تم تنضيف سربنتينة التكييف.
- تم اخراج هواء من دورة التبريد.
قالوا لي يا ريت تجرب العربية في مشوار طويل شوية ولو فيه حاجة ترجعلنا على طول.
المهم أنا ركبت وطلعت على ميدان لبنان و شغلت التكييف طبعا, ورحت ميدان لبنان وقفت شوية على جنب الطريق كده قبل مطلع المحور بتاع ربع ساعة في الشمس وفضلت سايب التكييف شغال عشان أشوف, و الحمد لله الحرارة قبل ال 90 بحاجة بسيطة مازادتش خالص الحمد لله.
أحب أشكر الباشمهندس محمد عبد الهادي والباشمهندس بهاء لإهتمامهم بالمشكلة وحرصهم إني أروَّح و أنا مبسوط و الحمد لله روحت مبسوط.
أحب أزود إني قابلت العضو محمد عماد وعضو تاني في nilemotors بس للأسف مش فاكر اسمه هو معاه Gen 2 رمادي وبصراحة ناس محترمة جدا.
تحياتي
حمدالله على سلامة جىجى يا معلم وشغل التكييف براحتك انا منتش بشغلة لحد دلوقتى بس حشغلة خلاص مدام مفيش مشكلة تحياتى يباشا
معلش عايز اعرف حوار متفتحش الاربة دة لو العربية دايرة ولا مبطلة اصلى فتحت الردياتير قبل كدة ابص على المية بس كانت دايرة ياريت حد يوضح الهوا دة بيحصل ازاى لانى مش فاهم الحكاية دى ولقيتها فى عربيات جديدة بس ودى اول عربية جديدة اركبها ياريت توضيح يا احمد باشا على
ياعم حودة انا لما ارجع اكتوبر حبعتلك على الخاص مليش فية لازم اشوفك ونعد مع بعض
تحياتى والله فرحت جدا لما المشكلة اتحلت على خير الحمد لله
الحمد لله على سلامة العربية انا مبسوط ان التوكيل مهتم
شكرا لردودكم يا جماعة, بس أنا لاحظت حاجة غريبة وانا راجع انهارده الفجر.
العربية أنا دورتها الساعة 5:05 الحرارة وصلت لمعدلها الطبيعي الساعة 5:20 بعد ماوصلت البيت!
تفتكره يكونوا شالوا الترموستات و مقالوليش ولا ايه ؟؟
متابع بأهتمام
متابع بأهتمام جدا
متابع بأهتمام جدا جدا
متابع معاك......
ما شاء الله كل دول متابعين.:B4_282: طب أنا عايز حد يحاول يرد على سؤالي.
الكلام اللي حصل امبارح ده كان بالليل. انهارده الصبح ومع التكييف, العربية وصلت معدلها الطبيعي في بتاع 9 دقايق.
فينك يا أستاذ رامي ؟ :majd(4):
السلام عليكم ياأخ راؤل
أولا الحمد لله إن العيب طلع حاجة بسيطة
ثانيا المفروض إن حرارة العربية بتوصل لمستواها الطبيعي في خلال دقيقتين ل3 أو 4 بالكتييير
إزاي فضلت تسخن فيها ربع ساعة
عموما سيبها تركن بليل لحد ما تبرد خالص وجرب كده تاني
وإن شاء الله خير
ما هو يا معلم من اللى أنا قريته, ده عيب ترموستات.
يا إما اتشالت يا إما فاتحة على طول...لإن مستحيل العربية توصل لمعدل السخونة الطبيعي في 10 دقائق في الحر ومع التكييف.
وبعدين واضح زيادة استهلاك البنزين لأني لسة مفول من نفس البنزين و تنك البنزين قالل عن المرة اللي فاتت بعد 85 كم.
اقتباس:
any liquid-cooled car engine has a small device called the thermostat that sits between the engine and the radiator. The thermostat in most cars is about 2 inches (5 cm) in diameter. Its job is to block the flow of coolant to the radiator until the engine has warmed up. When the engine is cold, no coolant flows through the engine. Once the engine reaches its operating temperature (generally about 200 degrees f, 95 degrees c), the thermostat opens. By letting the engine warm up as quickly as possible, the thermostat reduces engine wear, deposits and emissions.
اقتباس:
a thermostat can also stick open, but most cars don’t have a ‘low engine temp’ light and most people don’t worry about a cool engine temperature. But a thermostat that’s stuck open costs you money every mile you drive.
A 195-degree thermostat that sticks open and reduces the engine coolant temperature to, say, 160 degrees, will allow fuel to condense on the cylinders due to cooler water jacket temperatures. Condensed fuel doesn’t burn properly and you pay a mileage penalty.
والله يا حودة
أنا مش فاهم قوي في موضوع الثرموستات ده
إنت ممكن ترحلهم تاني يشيكولك عليها ويعرفو فين المشكلة
بس لو تكلم المهندس إلي إستقبلك وتفهمو قبلها يبقى أحسن علشان لما هترحلهم هتكون العربية سخنة ومش هيعرفو يجربو بنفسهم وغير كده يبقى عارف ومتابع معاك التطورات
وعموما برضو إن شاء الله خير
استاذي محمود
مشكلتك الي اتحلت بتنحصر في اما ثرموستات او فعلا وجود هواء في دايره مياه التبريد
والتنين بيظهروا نفس الاعراض يعني سخونيه وطول في فتره تشغيل المروحه
طيب ياتري ليه
الاول لما بيكون في هواء في داسره التبريد
لو فاكرين ايام الدراسه ان السوائل غير قابله للانضغاط لاكن الغازات لان جزيئاتها بعيده عن بضع فلها قابليه للانضغاط بصوره كبيره وده الي بيحصل ان طلمبه المياه المفروض انها بتقلب المياه وبتنقل المياه من الردياتير الي الموتور والعكس لاكن وجود هواء في الدايره بخلي الطلمبه تضغط لاكن الهواء بينضغط وده بيحول دون انتقال المياه من الموتور الي الردياتير والعكي وده بيخلي المياه الي في الموتور درجه حرارتها ترتفع كمان لو الهواء ده جوه الردياتير بيخاي الثرموستات الكهربائي المسئول عن فصل وتشغيل الطلمبه غير قادر علي اداء وظيفته وده لانه ملامس للهواء وليس لسائل التبريد
واحب اقولكم ان الموضوع ده بيظهر في العربيات الي الردياتير بتاعها السربنتينه بتاعته رائسيه مش افقيه كمان بيكون الردياتير مالهوش غطاء زي الي في الاوبترا كده يعني ماتقلقوش من فتح الردياتير لاكن مع مراعاه ان ماتكونش العربيه سخنه
نيجي بقي للثرموستات
وده مكانه في الخرطوم الكبير الي علي يمين وش السلندر من تحت وده فايدته الحفاظ علي درجه حراره مابين ال 80 الي 85
يعني بي طريقه مبسطه زي مايكون صمام حراري بيفتحي لما درجه الحراره تزيد وبيقفل لما درجه الحراره تقل ولما بيفتح بيسمح بنقل المياه الي درجه حرارتها مابين 70 الي 75 من الردياتير الي الموتور ونقل المياه الي درجتها فوق ال 85 من الموتور الي الردياتير وذلك لتبريدهل
والثرموستات ده لما بيبوظ يعني بيعلق علي وضع القفل وعمر ما الثرموستات ده بيبوظ وبيفضل فاتح علي طول لانه بيشتغل علي نظريه امدد وانكماش المعدن
وفي حاله حضرتك لو الثرموستات ده اتشال من العربيه هتلاقي ان لما بتمشي علي سرعه عاليه مثلا 80 او 100 لمسافه 10 الي 15 دقيقه هتلاقي ان درجه حراره العربيه نزلت الي 65 وده لان كده الردياتير والموتور بقوا دايره واحده كمان بيخلي المروحه تشتغل مددددددددددددددده طويله لانها في الحاله دي مش بتبرد الردياتير بس لاكن بتبرد المياه الي جوه الردياتير والمياه الي جوه الموتور
كمان لو اتشال بيخلي العربيه في بدايه التشغيل تاخد فتره علي ما تسخن يارب اكون قدرت افيدك
انتا لو عايز تعرف اواي تتاكد ان الثرموستات راكب ولا اتشال قولي وانا هبعتلك علي الخاص
رامي باشا, أشكرك علي مشاركتك, و انت كده شبه أكدتلي ان الترموستات اتشال لأان العربية بتطول أوي عبال ماتوصل لدرجة الحرارة ال 85 و كمان انهاردة و أنا رايح الشغل لقيتها واقفة علي 70 مش عايزة تتحرك طول ما في هوا خابط في العربية.
يا ريت تقوللي أعرف ازاي هو متشال ولا لأ و يا ريت لو بصور عشان انا ضعيف في الميكانيكا. ؟
تحياتي يا معلم.
بص يا سيدي انتا كده اكدتلي ان الثرموستات اتشال لان زي ما قلتلك ان لو الثرموستات اتشال طول ما انتا ماشي بي العربيه علي سرعه ولمده طويله هتلاقي ان الحراره نزلت عن المعدل الطبيعي وبمجرد انك توقف بي العربيه هتلاقي ان الحراره عليت
وبي الطريقه البلدي او بطريقه السوق ازاي تعرف ان الثرموستات راكب او لاء
وانتا بتدور العربيه لاول مره في اليوم يعني تكون العربيه بارده ومركونه مايقلش عن 6 ساعات
اول ما تدور العربيه هتلاقي ان ال ار بي ام علي 11 حضرتك تفتح الكبوت وافتح غطاء الردياتير وخلي حد يزودلك بنزين لغايه ما يوصل ال ار بي ام الي 20 هتلاقي ان مياه الردياتير بتقلب
يعني بتفور او زي ماتكون في دوامه في المياه كده تتاكد ان الثرموستات مش موجود كمان لو حطيت ايدك علي الردياتير من فوق ومن تحت هتلاقي ان حراره الردياتير واحده المفروض ان بيكون الردياتير من فوق سخن ومن تحت اقل حراره
كده تتاكد تن الثرموستات متشال
كمان بعد ما تدور العربيه هتلاقي ان خرطومين الكياه الواصلين من الردياتير الي الموتور درجه حرارتهم واحده وهتلاقي ان الموتور والردياتير درجه حرارتهم واحده كده اتاكد ان الثرموستات متشال
بص يا استاذ محمود انتا لو عملت الحاجات دي واتاكدت ان الثرموستات متشال وانتا في صيانه ال 1000 ممكن تروح للمهندس الي استلم وسلمك العربيه وتحكيله وتشوف رد فعله ايه
بس ياريت من غير مشاكل لان فعلا فعلا الجهد المبذول من نجوم المنتدي واعضاء بارزين في عز العرب عشان تحسين حال التوكيل
متشكر جدا يا أستاذ رامي, أنا هجرب الي حضرتك قلته , بس مش هفتح غطاء الرادياتير, هحاول أجس حرارة الخراطيم و الرادياتير بس.
و ربنا يسهل.
بس تفتكر استني لصيانة الألف و هل ده مش غلط و لا أروح الصبح علي طول ؟ أصل بصراحة متضايق انهم يكونوا شالو الترموستات و مقالوليش.
تحياتي.
مش عارف ليه أنا قلقان من حوار التوكيل ده
خلي بالك يا معلم وحاول لو تكلم المهندس آمر أو أي حد يكون ليه صلة بالمنتدى
وربنا معاك وطمنا عليك